خالد المقاطي تعال ..............

[علي فلاح العضياني]

سلامي بردّيه مثل مطلع النور= على الحاضرين و نظرتي للمقاطي
لو انّك تعذّر ما انت فالعلم معذور=لحيث انّ مالك مع سبيع إرتباطي

[خالد المقاطي]

هلا مرحبا ترحيب ماهو بمحصور = يعم اللذي بالعرف دايم محاطي
هل الشور تاخذ منك يا ناقل الشور = لحيث انك انته بحر منته بشاطي :)

[مرجح الميزان]

الله الله الله


يابو فلاح


صح لسانك وصح لسانك ياخالد


وبالتأكيد




متابع للفائده

..

[خالد المقاطي]

يامرحبا يامرحج الميزان :)



متابعك شرف




ارق تحيه




..

[علي فلاح العضياني]

بعد ما وصلك الدور ...لو تتقن الدور=نرشّحك أساسي بعد كنت إحتياطي
عطوك النصايح ... و انته تلف و تدور=ترى الصقر ما يمرح بعشّ الغطاطي

[علي فلاح العضياني]

مرجح الميزان



اشكرك على مرورك الكريم

[المعتصم بالله]

الله الله

يالداهيه علي الفالح صح لسااااااانك

خالد ياخوي لا يسري الفالح الا مكسر كراعينه

الفالح اسمح لي الليله ضدك مع خالد

[خالد المقاطي]

نحمد الولي والسيف بالعز مشهور = ونتركلك اللي حدرت للحماطي ؟
ترى النصحه اليا جات من غير دستور = تروح مثل ماقيل روحت مقاطي

[خالد المقاطي]

المعتصم بالله


ياحبي إلك حباه .. مار الله يعين على عملاقنا ودنا ناخذه على حين غدرة لاكن مايعطيك :)



لاهنت على المرور الطيب






ارق تحيه


..

[علي فلاح العضياني]

ترى ما انته بمطلق و لا انته بمستور=و لا انته يا خالد مثل .. حتّى السواطي
على ويش يا اخوي متغطرس و مغرور=لانّك كذا مبسوط فوق البساطي ؟؟

[عبدالله حبيٌب الزراقي]

الله الله الله ابدااع

متابعين ومستمتعين ومستفيدين


صح لسااانك على العضيااني

صح لساانك خالد المقاطي


متابع ,,

[علي فلاح العضياني]

المعتصم بالله



هيّن تسويها كذا ترى مهاب احسن لك تترك صفّي


بس اورّيكم يالمجرمين ههههههههه




تحياتي لك

[علي فلاح العضياني]

عبدالله حبيب الزراقي



صح بدنك و مشكور على مرورك يالغالي

[خالد المقاطي]

صح اللسانك يالعملاق .. وسعت بهذا الدعوى من شاعر عملاق
والسموحه على التأخير والله عندي رياجيل مثلك وشرواك
لنا لقاء قريب .. جدآ


:)



ماتدري عن الايام من خلفها سور = وشجرت(س) يالزيتون غير الطماطي
على طبعك تشوف الاوادم لها زور = ترها متقبل هرجتً بنحطاطي ؟

[عبدالله الحربي]

صح لسانك يا ابو فلاح


صح لسانك يا خالد المقاطي




مبدعين وحنا دايم متابعين

[سعود العصيمي]

بعد ما وصلك الدور ...لو تتقن الـدور
نرشّحك أساسي بعـد كنـت إحتياطـي
عطوك النصايح ... و انته تلف و تدور
ترى الصقر ما يمرح بعـشّ الغطاطـي


علي العضياني

محد يسلم من شرك

هههههه



صح لسااااانك


واعتلا شأنك


نحمد الولي والسيف بالعـز مشهـور
ونتركلـك اللـي حـدرت للحماطـي ؟
ترى النصحه اليا جات من غير دستور
تروح مثـل ماقيـل روحـت مقاطـي



نحمد الولي والسيف بالعـز مشهـور
ونتركلـك اللـي حـدرت للحماطـي ؟


خالد المقاطي


رد وافي من شاعر وافي


صح لسانك يالبناخي


واكرب علي لايفرفص


تقبلووووووا تحياتي وتقديري