@ الجنود اموقفه لن جات قوه مستحله @

[خالد العصيمي]

مسيكم بالخير




ياسلام الله سلام الدين والاسلام مله = مايغيرها اللسان ولا يغيرها الزماني

الجنود اموقفه لن جات قوه مستحله = بالسيوف وبالدروع وبالرماح باليماني!

[مرزوق حمدان العتيبي]

ياسلام الله سلام الدين والاسلام ملـه
مايغيرها اللسان ولا يغيرها الزمانـي
..
.
وعليكم السلام ياخالد ...
صح لسانك وننتظر قبيلك ... وصح لسانه مقدم ..
...

[خالد العصيمي]

صح بدنك يامدير شرف مرورك الكريم

[بندر المرشدي]

مرحبا ترحيبة مثل المزون المستهلة=من ضمير الشاعر اللي يعشق اجزال المعاني

البلد فيه الأمن ضافي وفيه الخير كله=وكان عندك مشكلة يارجل قلي وش تعاني

[نواف العصيمي]

صح لسانك ياخالد ..

وصح لسانك يابندر

ومتااابع

ولكم التقدير والإحترام

[مرزوق حمدان العتيبي]

البلد فيه الأمن ضافـي وفيـه الخيـر كلـه
وكان عندك مشكلة يارجل قلي وش تعانـي
..

الله الله ....
رد وافي ويابو سطان .... صح لسانك
....
واصلوا ....

[مزلزل الشعار]

المعذره يالربع ماشفنا ردك يابندر
واصلو وعلى القوه

[بندر المرشدي]

مرحبا أبو محمد شكرا على مروركــ

نورت الصفحة الله يعافيكــ


صح بدنك ولا هنت

[بندر المرشدي]

نواف العصيمي


يامرحبا الله حيه تشكر على الحضور والمتابعة


صح بدنك

[خالد العصيمي]

مرحبا ترحيبة مثل المزون المستهلة=من ضمير الشاعر اللي يعشق اجزال المعاني

البلد فيه الأمن ضافي وفيه الخير كله=وكان عندك مشكلة يارجل قلي وش تعاني



والبقا يالي ترحب سل سيف العز سله = واحسب الها بالدقايق والثواني والثواني

ادري ان الوضع راكد والقمر فوق الاهله = مار عاين فالشمال ولد عينك فاليماني

[مرزوق حمدان العتيبي]

ادري ان الوضع راكد والقمر فوق الاهله
مار عاين فالشمال ولد عينـك فاليمانـي
..
ياسلام ياسلام ...

صح لسانك ياخالد
...
واصلوا ...

[خالد العصيمي]

صح بندك يا نواف شرفتنا بمرورك الكريم


مزلزل الشعار الهنت والله على الحضور والتفاعل ومعذور

[خالد العصيمي]

صح بدنك يامرزوق

وشكرا على التواصل

[بندر المرشدي]

سيفنا مسلول والعربان عاشوا تحت ضله=مار أخذها من يمين الصيرمي والعمر فاني
لو تسمّعنا السوالف صابنا فالكبد علة=عن كثير الهرج مهما قيل صكينا الاذاني

[خالد العصيمي]

سيفنا لن كان مامس العجم في كل زله = ياخسارة سيفنا من دم عود لدهاني

لا تقول ان البحر معرف دون السيّف خله = بكره ان موجه ركد تبخربها سفن العماني

[خالد المقاطي]

الله الله


ادري ان الوضع راكد والقمر فوق الاهله
مار عاين فالشمال ولد عينـك فاليمانـي



ياسلام سلم :)



سيفنا مسلول والعربان عاشوا تحت ضله
مار أخذها من يمين الصيرمي والعمر فاني
لو تسمّعنا السوالف صابنا فالكبـد علـة
عن كثير الهرج مهما قيل صكينا الاذانـي



وش اقول ؟


يالوافي



مبدعين طاروق يجبرنا على التابعه

تابعو يالوافين

وعسلى الطيب من ربعنا

[بندر المرشدي]

.....................................




طاح سطح البيت فوق الساكنين وقلت.. والله=ما افزع لراع الخطية لو عى ذولا نخاني

لو تجيب العلم صايب قلت علمك في محله=مار كنك ماتبا هرج الصحيح ولا تباني

[بندر المرشدي]

خالد المقاطي


وش نقول حنا عن مرورك المشرف


صح بدنكــــ

[خالد العصيمي]

.....................................




طاح سطح البيت فوق الساكنين وقلت.. والله=ما افزع لراع الخطية لو عى ذولا نخاني

لو تجيب العلم صايب قلت علمك في محله=مار كنك ماتبا هرج الصحيح ولا تباني




انت تنضر سطح بيت وفله من دون فله = عدها واعتدها وارجع لها ثم عد ثاني
وان رجعت اتعدها وازريت فالواقع تحله = احذر لقول المثل ياعشر لا ترجع ثماني

[خالد العصيمي]

خالد المقاطي لاهنت على المرور الطيب


يكفينا شرف حضورك الكريم

[خالد العصيمي]

بندر المرشدي استاذنك بالخروج


ونكمل انشالله بكره تصبح على خير

[بندر المرشدي]

أنت لو سقت السحابة غير ثوبك ما تبله=(ليش يوم اعملك بيت القصيدة وتهجاني)


كل علمٍ تكتبونه فالجرايد صاحياً له=وانت راكبها بدون عنان يافلان الفلاني

[بندر المرشدي]

بندر المرشدي استاذنك بالخروج


ونكمل انشالله بكره تصبح على خير




الله يستر عليك والى اللقاء

[مرجح الميزان]

خالد العصيمي وبندر المرشدي


صحت الألسن على هالطاروق المتميز


::