واحد نشيط

[النشاب]

ان كان يا شعار به شاعر نشيط = يقول انا حاضر ويمضي بصمته
يغوص ويغنطس بغبات المحيط = من شان لا نشمت عليه ونشمته

[دلبوح]

جاك الطلب ياللي دماغك مستشيط= والشاعر الطيب تبين حكمته
عز الله انك شاعر ماانت ببسيط = مغنطس وغيرك يدوّر حشمته

[النشاب]

دلبوح يومك تقدر تسوي البطيط =الشاعر الطيب يجود لكمته
والله ما ودّي تعود في الحطيط = لكن أظن أمه هي اللي سمته

[النشاب]

دلبوووووح أنت موجود نافداك والا طلعت !؟

[معجب العتيبي]

النشاب

ودلبوح

مبدعين مبدعين


صحة السنتكم

[دلبوح]

ابشر لك بلكمة وجرح ما يخيط = من شاعر ما تنتداوى لطمته
دلبوح رجال المواقف يا عبيط =ما نشبت بحلقه سواتك كلمته

[دلبوح]

استاذنا معجب العتيبي يشرفنا مرورك الرائع ولك وافر التحايا

[النشاب]

النشاب

ودلبوح

مبدعين مبدعين


صحة السنتكم

هلابك يالامير



صح بدنك ولاهنت على مرورك

[النشاب]

دلبوح واثرك صرت يالدلبوح ريط =دعبول والدعبول مزين شكمته
ماهقوتي مثلك يجي رجلٍ سليط = ولاهقوتي للبير توصل جمته

[أبو فيصل الدلبحي]

صح لسانك النشاب مبدع



دلبوح صح لسانك رائع رائع رائع وانا في صفك

[دلبوح]

روحت يالشاعر مثل روحة مقيط =يبا رشاه ولا قدر في لزمته
ما ودي اغربلك واقص الشريط = مير احمد اللي مغتشيك بنعمته

[دلبوح]

ابو فيصل الدلبحي يشرفني مرورك طال عمرك والصف يتشرف بشرواك لك التحية