أقرب عتيبي يالربع أبناقش معه قضية

[مشاري الشلاحي]

سلام الله على العتبان واللي يغلي العتبان=عدد برقٍ من المنشا يلوح وهلت مزونه
أنا شاعر وأبي شاعر حكيم يطوع القيفان=ولا أبغى اللي ليا جات المواقف يقلب عيونه

[علي فلاح العضياني]

هلا يا مرحبا ترحيبة العتبان بالمطران=أقوله في محلٍ ما يخجّل من يزورونه
وصلك الشاعر اللي يازن الكلمه على ميزان=و لا والله يجيك بكلمةٍ ما هي بموزونه

[مشاري الشلاحي]

يدوم ألك البقاء يالصاحب اللي تكرم الضيفان=ولا به شي مستغرب وعز الراس بمتونه
أنا بنشدك عن عودٍ خبيث يولع النيران=يحسب أنه مسوي خير أبو نيات ملعونه

[علي فلاح العضياني]

لك الله ما عليكم زود في ما قلت لي يا فلان=أنا احبّ الوفا و احبّ كل اللي يحبّونه
ما اجيك بعلم مرّه عن هذاه العود ابو دخان=ترى ما نعرفه يا مطير كان انكم تعرفونه

[مشاري الشلاحي]

ليا منك بغيت العلم أجيبه وافيٍ مليان=أبي كل العرب يابن فلاح العلم يوحونه
قبل مده يولعها ما بين مطير والعتبان=وهاللحين أطرد من ديرة الشعار فرعونه

[ذيب الشيباني]

طيب طيب :) واصلوا وحنا متابعين

[العود أبو موس]

مرحبا بالشلاحي ..

وصح لسانك ياعلي العضياني

[الـذيب]

صح لسانك ياشلاحي وصح لسان ابو فلاح

واصلووو وانا متابع

[عبدالله الجـــذع]

صحت الألسن والقلوب ..

محاوره قويه وعنى جميل وهادف..

ألف شكر لكم جميعا..

متابع..

[سلطان العصيمي]

واصلوا متابعين

[مشاري الشلاحي]

ذيب الشيباني

متابعتك شرف لنا

[مشاري الشلاحي]

العود أبو موس


الله يبقيك ويبارك فيك

[مشاري الشلاحي]

الذيب

صح بدنك ومتابعتك شرف لنا

[مشاري الشلاحي]

عبدالله الجذع

صح بدنك وشهادتك نعتز بها

ومتابعتك شرف لنا

[مشاري الشلاحي]

ناصر عتيبة

متابعتك شرف لنا وإنشاء الله مافيه لكاعه

[قادح شرار]

يا هلا ويا مرحبابك يا مشاري بين أخوانك من قبيلة عتيبة , ومنوّر بطلتك يالذيب .

أنا بنشدك عن عودٍ خبيـث يولـع النيـران === يحسب أنه مسوي خير أبو نيـات ملعونـه

ههههههههههههه , .

قبل مده يولعها ما بين مطير والعتبـان === وهاللحين أطرد من ديرة الشعار فرعونه

فعلا ً هو المتربع برأس الهرم .

[علي فلاح العضياني]

ترى ما عندهم غير الفتن و الزور والبهتان=و لا عاقل يصدّق فالكلام اللي يقولونه
ترى البيت اللذي يا صاحبي فيه الكريم يهان=لك الله لو يطول الوقت ما يعتزّ بركونه

[علي فلاح العضياني]

ذيب الشيباني



شكراً لمرورك الكريم

[علي فلاح العضياني]

الذيب


صح بدنك يالغالي

[علي فلاح العضياني]

العود ابو موس



شكراً لمرورك طال عمرك

[علي فلاح العضياني]

ناصر عتيبه



صح بدنك طال عمرك

[علي فلاح العضياني]

قادح شرار



تسلم على المرور والاطراء

[علي فلاح العضياني]

عبد الله الجذع



تسلم يالغالي على مرورك ولا هنت

[خالد المقاطي]

ياسلام ياسلام



الفالح مبـــد ع قليلــه في حقك

الشلاحي موضوع جميــل



صحت اللاسن

[مشاري الشلاحي]

أبو فلاح المعذرة والله توي مسجل الدخول



حقيقة من يجاريهم بهذي المعركة خسران=عساها ما تعود أيام هاك العود وضعونه
أنا من فعلته دمي طبخ في داخل الشريان=يحط السم لضيوفه يابن عاضي في ماعونه

[علي فلاح العضياني]

خالد المقاطي


صح لسانك طال عمرك

[مشاري الشلاحي]

قادح شرار

الله يبقيك ويطول عمرك وأنا بين أخواني مافيه شك

تقبل إحترامي وتقديري

[مشاري الشلاحي]

خالد المقاطي

صح بدنك وبيض الله وجهك على المرور

تقبل إحترامي وتقديري

[علي فلاح العضياني]

ورى وقتٍ مضى ما قلتها ... توّك صحيت الآن=ترانا العام واليومه نشوف اللي تشوفونه
تصيح لربعك المطران فالحرّه وفالصّمّان=تقول مطير ربعي تاج راسي لا تخلّونه

[مشاري الشلاحي]

أحسبه يالعتيبي يقضي المديون والديان=وشيٍ نفعله حنا ترى مثلي تسوونه
لكن اليوم شفنا بالعيون الذل والحقران=وشفنا شاعر السبعان حقه كيف يهفونه

[علي فلاح العضياني]

ترانا ما خسرنا مثلكم والعلم له برهان=و راس المال من بعد الخساره ما تردّونه
ترى هذي عليكم مثل قصّة طير ابن برمان=سمعت انّ اكثر المطران من ماصار مديونه

[مشاري الشلاحي]

أنا أضن الجلاوي ياعلي مايعزم العضيان=وأنا أعرف شي أضن عيال عاضي ما يعرفونه
خذينا قسمنا غصبٍ على الراضي مع الزعلان=لكنك حجتك عميا تمشط راس مجنونه

[خالد المقاطي]

ترانا ما خسرنا مثلكم والعلم لـه برهـان
و راس المال من بعد الخساره ما تردّونـه



الله اكبــر :)



ترى هذي عليكم مثل قصّة طير ابن برمان
سمعت انّ اكثر المطران من ماصار مديونه




ههههه




الله الله ولازلنا نتابــ ع الابداع

[علي فلاح العضياني]

أشوفك قمت تغلط بالكلام وتطمر الجرفان=يا طيب اللي ليا منّه مشا يمشي على هونه
لا والله حجّتي كل الرجال إلها شهود أعيان=والاعمى يوم يمشي ما يشوف الدرب بعيونه

[مشاري الشلاحي]

علي العضياني

صح لسانك وبيض الله وجهك تشرفت باللعب معك

والمعذرة منك ومن عتيبة كافه لن حصل مني قصور

والختام من عندك


أنا رجال هرجي دايماً من غالي الأثمان=لك الله ما نقدم هرجةٍ ماهي بمضمونه
عليك البيض يا شاعر عتيبه من قلب ولسان=وأقول أكرمكم الله وأن غلط ضيفك تعذرونه

[سعود العصيمي]

ورى وقتٍ مضى ما قلتها ... توّك صحيت الآن
ترانا العام واليومه نشـوف اللـي تشوفونـه
تصيح لربعـك المطـران فالحـرّه وفالصّمّـان
تقول مطير ربعـي تـاج راسـي لا تخلّونـه


الله الله عليك


مبدع بقوووة

يابوفلاح صح لسانك مليووووون


وصح لسان الم
المطيري


مبدع لاهنتواااا

[مشاري الشلاحي]

سعود العصيمي

صح بدنك وبيض الله وجهك على المرور

تقبل تحياتي

[علي فلاح العضياني]

صح بدنك يا سعود ولا هنت يابو طايل

[علي فلاح العضياني]

مشاري الشلاحي


تشرفت و استمتعت بمجاراتك طال عمرك

مشكور و بيض الله وجهك


تحياتي

[مرزوق حمدان العتيبي]

....
.

الله على الابداع واهله ..
صحت السنتكم وبيض الله وجيهكم ..
... شعراء كبار ولعبكم مميز ...

[علي فلاح العضياني]

ابو محمد



المميّز والله حضورك طال عمرك

[عبدالله الحربي]

صحت الألسن


شعراء مبدعين



ازكى تحياتي

[علي فلاح العضياني]

صح بدنك يابو جرووود طال عمرك

[مقعد الدغيلبي]

ما اجيك بعلم مرّه عن هذاه العود ابو دخان
ترى ما نعرفه يا مطير كان انكم تعرفونـه
؛؛

ههههههههههههههههههههههههه
هههههههههههههههههههههههههه




اجحيييييييد



ابو فلاح



مافيك حيله مررره



صح لسانك ملايين




وصح لسانك يالمطااااري




تحياتي لكم جميع

[مشاري الشلاحي]

عبدالله الحربي

صح بدنك وبيض الله وجهك على المرور

تقبل تحياتي

[مشاري الشلاحي]

مقعد الدغيلبي

صح بدنك وبيض الله وجهك على المرور

تقبل تحياتي

[علي فلاح العضياني]

مقعد الدغيلبي




صح بدنك يالغالي و مشكور على مرورك طال عمرك