ياربعنا ياعتابه كلكم عندي

[سعود العصيمي]

ياربعنا ياعتابه كلكم عندي = سوا سوا بالغلا من ضابط وجندي

نويت اغني واشب النار من زندي = مايرخص السوق في حضرة هواميره


بابور فكري فالبحور يعوم = شاعر واشب النار بزنادي

وابو فلاح ايوفي الملزوم = مثل ابن غانم وابن شدادي

[هاني خاشقجي]

ياسلام سلم

[سعود العصيمي]

هلا بك

ياهاني


شكرآ على المرور

[علي فلاح العضياني]

تغلي عتيبه و هم بالحيل يغلونك=يالشاعر اللي نويت تغنّي لحونك
( إلعب و كيف إلك ) الجمهور يوحونك =ما يرخص السوق في حضرة هاوميره


انا هجوسي كل ليل و يوم=توفي و لا تقصر عن المادي
ان كان عندك يا سعود علوم =علم بها يا ذخر الاجوادي

[علي فلاح العضياني]

هاني مشكور يا بو خاشقجي


لا هنت

[سعود العصيمي]

اطيور من ديرةٍ ماهيب ديرتنا = قولوا لها لا تجينا ليش جايتنا

ماهي على قدنا لو كان سبتنا = مايرخص السوق في حضرة هواميره

خابرك قرم ومن رجال قروم = وانا سيوفي مثلك حدادي

اشوف الي طيرآ عليك يحوم = من ديرة البصره وبغدادي

[هاني خاشقجي]

اطيور من ديـرةٍ ماهيـب ديرتنـا
قولوا لها لا تجينـا ليـش جايتنـا
ماهي على قدنـا لـو كـان سبتنـا
مايرخص السوق في حضرة هواميره




خابرك قرم ومن رجال قروم
وانا سيوفي مثلـك حـدادي
اشوف الي طيرآ عليك يحوم
من ديرة البصره وبغـدادي


راح احاسبك والله مااسكت لك

[سعود العصيمي]

ماهي يمك ياخاشقجي


يطولي ربي بعمرك



هههههههه

[هاني خاشقجي]

ماهي يمك ياخاشقجي


يطولي ربي بعمرك



هههههههه



تبيع البيض على سلاقينه ياشرير :)

[علي فلاح العضياني]

اللي يخلّي ديار العزّ و يهاجر=و يروح للديره اللي عمّها فاجر
لا عاد اشوفه يجي في لبخه و ساجر = ما يرخص السوق في حضرة هواميره



خابرك من قومٍ تضد القوم=يوم انّها بسيوف و جيادي
من طيحته و الله ما عاد يقوم=ما عاد من ما جاه يزتادي

[معجب العتيبي]

سعود العصيمي وموال كاااااااايف

ومناصحه مليئه بالرسال ليست لخاشقجي ههههه

بل لغيره

صح لسانك

وصح لسان امبدع ابو فلاح

[علي فلاح العضياني]

صح بدنك يابو سلطان


و عندك خاشقجي اشغله بنفسه عنا

[سعود العصيمي]

اديارنا بالوفاء والعز محشومه = واللي يغادر ديار اهل الوفاء بومه

من راح ثم عاد طق فوق زلقومه = مايرخص السوق في حضرة هواميره


الطيب اللي يشتري ويسوم = والا الردي ماعنه نشادي

بادي عليه امن الليال ثلوم = والا ما كان ايصيح وينادي

[سعود العصيمي]

ابو سلطان


هلا وغلا

صح بدنك



يسعدني مرورك

[بندر المرشدي]

الله ...الله


وش نقول غير كلمة مبدعين

[سعود العصيمي]

بندر المرشدي



هلا وغلا


يابو سلطان



ماعليك زود

[علي فلاح العضياني]

الله يا ربّي يعزك يالسعوديه=دار الوفا والمعزّه والشهاميّه
واللي يخلّي دياره لعنبو حيه=مايرخص السوق ياحضرة هواميره



حنا نبا نصدر لنا مرسوم=ينذاع فالتلفاز والرادي

اللي معه ريحة بصل أو ثوم=يمنع ما يدخل مسجد الهادي

[احمد الزايدي]

دايم مبدع


ياسعود


أنا تراني في صفك

[سعود العصيمي]

الله يعز السعودية وحاكمها = ديرة هل الدين والمولى مكرمها

عن كل من يعبد الاوثان نحشمها = مايرخص السوق في حضرة هواميره

هذا الكلام اللي يسري النوم = يالله لعل النور ينقادي

الحر مايصلح يخاوي البوم = البوم طبعه يحدر الوادي

[علي فلاح العضياني]

اترك هذاه .... إستلم ياراعي الصوره= نبا نعلم بها صاحبك الاسطوره
ولاّ تبا نترك الاحوال مستوره =ما يرخص السوق في حضرة هواميره



أثرك يا بو طايل وراك علوم=وانا احسب انك عاقل و هادي
لكن تبقى مقدّر و محشوم= لو كنت عن درب السنع غادي

[سعود العصيمي]

هههههه



صورة علي من غلاها ماحذفناها = من زود حبه وتقديره حفظناها

واسطورة الشعر حاذفها مايبغاها = مايرخص السوق في حضرة هواميره


ماعندنا للقوم حب خشوم = عان الصوادر جتك ورادي


لاتخلطون الثوم باليشموم = ياللي مشيت الدرب متحادي

[سعود العصيمي]

احمد الزايدي


ماعليك زود يابن العم



والصف يتشرف فيك

[سعود العصيمي]

سعود العصيمي=
ياربعنـا ياعتابـه كلكـم عـنـدي=سوا سوا بالغلا من ضابط وجنـدي
نويت اغني واشب النار من زنـدي=مايرخص السوق في حضرة هواميره

بابور فكري فالبحور يعوم=شاعر واشب النار بزنادي
وابو فلاح ايوفي الملـزوم=مثل ابن غانم وابن شدادي




علي العضياني=

تغلي عتيبه و هـم بالحيـل يغلونـك=يالشاعر اللي نويـت تغنّـي لحونـك
( إلعب و كيف إلك ) و الجمهور يوحونك=ما يرخص السوق في حضرة هاوميره


انا هجوسي كل ليل و يـوم=توفي و لا تقصر عن المادي
ان كان عندك يا سعود علوم=علم بها يا ذخر الاجـوادي



سعود العصيمي=
اطيور من ديـرةٍ ماهيـب ديرتنـا=قولوا لها لا تجينـا ليـش جايتنـا
ماهي على قدنـا لـو كـان سبتنـا=مايرخص السوق في حضرة هواميره




خابرك قرم ومن رجال قروم=وانا سيوفي مثلـك حـدادي
اشوف الي طيرآ عليك يحوم=من ديرة البصره وبغـدادي


علي العضياني=
اللي يخلّـي ديـار العـزّ و يهاجـر=و يروح للديره اللـي عمّهـا فاجـر
لا عاد اشوفه يجي في لبخه و ساجر=ما يرخص السوق في حضرة هواميره



خابرك من قومٍ تضد القـوم=يوم انّها بسيوف و جيـادي
من طيحته و الله ما عاد يقوم=ما عاد من ما جاه يزتـادي



سعود العصيمي=

اديارنا بالوفـاء والعـز محشومـه=واللي يغادر ديار اهل الوفاء بومـه
من راح ثم عاد طق فـوق زلقومـه=مايرخص السوق في حضرة هواميره



الطيب اللي يشتري ويسوم=والا الردي ماعنه نشادي
بادي عليه امن الليال ثلوم=والا ما كان ايصيح وينادي



علي العضياني=
الله يا ربّـي يعـزك يالسعوديـه=دار الوفـا والمعـزّه والشهاميّـه
واللي يخلّي ديـاره لعنبـو حيـه=مايرخص السوق ياحضرة هواميره




حنا نبا نصدر لنا مرسـوم=ينذاع فالتلفـاز والـرادي
اللي معه ريحة بصل أو ثوم=يمنع ما يدخل مسجد الهادي







سعود العصيمي=
الله يعـز السعـوديـة وحاكمـهـا=ديرة هل الديـن والمولـى مكرمهـا
عن كل من يعبد الاوثـان نحشمهـا=مايرخص السوق في حضرة هواميره




هذا الكلام اللي يسري النوم=يالله لعل النـور ينقـادي
الحر مايصلح يخاوي البوم=البوم طبعه يحدر الـوادي


علي العضياني=

اترك هذاه .... إستلم ياراعي الصوره=نبا نعلـم بهـا صاحبـك الاسطـوره
ولاّ تبـا نتـرك الاحـوال مستـوره=ما يرخص السوق في حضرة هواميره


أثرك يا بو طايل وراك علـوم=وانا احسب انك عاقل و هادي
لكن تبقى مقـدّر و محشـوم=لو كنت عن درب السنع غادي



سعود العصيمي=

صورة علي من غلاهـا ماحذفناهـا=من زود حبـه وتقديـره حفظناهـا
واسطورة الشعر حاذفهـا مايبغاهـا=مايرخص السوق في حضرة هواميره


ماعندنا للقوم حب خشـوم=عان الصوادر جتك ورادي
لاتخلطون الثوم باليشمـوم=ياللي مشيت الدرب متحادي

[خالد المقاطي]

ياسلام ياسلام



كباااااااار والكبير الله



وش اقول ؟




غير مبدعين







:)