سلام من الدوحه

[سند العتيبي]

سلام رديه من الدوحه ليا حد الرياض=مضمونها عز وعلوم الطيب محدٍ ملها
كل البيارق في قطر والضبي لعّاب الفياض=ماضيّعه كود العشيم اللي عجز ياصل لها

[علي فلاح العضياني]

يا مرحبا عداد برقٍ في سحاب الصيف ناض=مضمونها التقدير وعلوم النشاما كلها
الفرق مثل الفرق في لون السواد عن البياض=الاوله والثانيه ما جالها كفوٍ لّها

[هاني خاشقجي]

الاولـه والثانيـه مـا جالهـا كفـوٍ لّـهـا

هع هع هع هع

[سند العتيبي]

دام البقا والشبرمي يمٍ تلاطم واستفاض=قدمه بعام المري اللي كم كبود ٍ ملها
صدقت يالروقي واشوف الناكس اللي مااستعاض=ادموعه الاربع على خده مقفّي هلها

[سند العتيبي]

صح
ما جالها كفو لها

هع هع هع

مرحبا يا خاشقجي

[علي فلاح العضياني]

بانت حقيقتها على المكشوف والمكنون فاض=عمتك صار الغشّ قدّام الملا .. طبعٍ لّها
من لا يعرف الصيرميّ اللي يجيد الانقضاض=يشويه ما يدري و لا يذهن و لا يفطن لها

[عبدالله الجـــذع]

ماجا لها كفو لها ..

علي وش اقول بس...

صح الالسن والقلوب..


متابع بشغف..

[سند العتيبي]

اخذتها غصبٍ عن الزعلان والحقته شواض=يحرق بقايا عنجيهيتكم ويرهي غلها
من النجيل لمكتن وعوِّد ليا قاع المراض=مامنكم اللي ياصل (الراحة) يبا يحتلها !؟!

[سند العتيبي]

الله يحيي عبدالله الجذع

متابعتك تلهب الحماسه

[علي فلاح العضياني]

انته عظامك تنتفض في لحظة الخوف إنتفاض=والضحك ما يمشي على ناسٍ شريفٍ دلّها
بحبالكم لو تجذبون الدلو ما يملا الحياض=و كبودكم تبقى عطاش و دلوكم ما بلّها

[سند العتيبي]

من عام الاول شفتكم قدامنا رحتوا حراض=والا الجبال الشامخه ما منكم اللي قلها
لو صار موضوعك هذا لو صار اقوله بافتراض=الثالثة من داركم وإِفتكها يا خلها

[علي فلاح العضياني]

لو انّ ما اخذتوه في خساير العامين عاض=يا طيبها واللي عقد روس الحبال يحلّها
تبا تجي من حظ حرا ينتهض فوق انتهاض =مال الخليلة غير يا راع السوالف خلها

[سند العتيبي]

جهزت لك جيش وخيولٍ ما يتعبها الركاض=ميعادها جمة قراحٍ للحلوق يبلها
والنار من شبابها لكن لا ينسى القراض=حتى نطشه وسطها والقوم هذي دلها

[الـذيب]

انته عظامك تنتفض في لحظة الخوف إنتفاض
والضحك ما يمشي على ناسٍ شريـفٍ دلّهـا
بحبالكم لو تجذبون الدلو ما يمـلا الحيـاض
و كبودكم تبقى عطاش و دلوكـم مـا بلّهـا


الله الله



مبدعين اثنينكم وبيض الله وجيهكم (( متابع ))

[سند العتيبي]

والنار من شبابها لكـن لا ينسـى القـراض
حتى نطشه وسطها والقـوم هـذي دلهـا

خطا ما قدرت اعدله
نسيت اللام

[سند العتيبي]

الذيب ابيض وجه

[علي فلاح العضياني]

اشكر جميع من شاركنا في هذا الطاروق



وصح لسانك يا سند العتيبي

[بندر المرشدي]

سند صح لساااااااانك



بحبالكم لو تجذبون الدلو ما يمـلا الحيـاض
و كبودكم تبقى عطاش و دلوكـم مـا بلّهـا



بحبالكم لو تجذبون الدلو ما يمـلا الحيـاض
و كبودكم تبقى عطاش و دلوكـم مـا بلّهـا


ياسلام ياسلام


صح لسانك يابو فلاح

[علي فلاح العضياني]

صح بدنك يابو سلطان

[سند العتيبي]

اشكر جميع من شاركنا في هذا الطاروق



وصح لسانك يا سند العتيبي
كان ودي القفله عندك
صح بدنك وجعلك سالم
تصدق ما انتبهت ل(يبلها) انها سرت هههه

صح لسانك دايم

[سند العتيبي]

بندر

صح بدنك

[معجب العتيبي]

سند العتيبي

سلام رديه من الدوحه ليا حد الرياض=مضمونها عز وعلوم الطيب محدٍ ملها
كل البيارق في قطر والضبي لعّاب الفياض=ماضيّعه كود العشيم اللي عجز ياصل لها


علي فلاح العضياني

يا مرحبا عداد برقٍ في سحاب الصيف ناض=مضمونها التقدير وعلوم النشاما كلها
الفرق مثل الفرق في لون السواد عن البياض=الاوله والثانيه ما جالها كفوٍ لّها


سند العتيبي

دام البقا والشبرمي يمٍ تلاطم واستفاض=قدمه بعام المري اللي كم كبود ٍ ملها
صدقت يالروقي واشوف الناكس اللي مااستعاض=ادموعه الاربع على خده مقفّي هلها


علي فلاح العضياني

بانت حقيقتها على المكشوف والمكنون فاض=عمتك صار الغشّ قدّام الملا .. طبعٍ لّها
من لا يعرف الصيرميّ اللي يجيد الانقضاض=يشويه ما يدري و لا يذهن و لا يفطن لها


سند العتيبي

اخذتها غصبٍ عن الزعلان والحقته شواض=يحرق بقايا عنجيهيتكم ويرهي غلها
من النجيل لمكتن وعوِّد ليا قاع المراض=مامنكم اللي ياصل (الراحة) يبا يحتلها !؟!


علي فلاح العضياني

انته عظامك تنتفض في لحظة الخوف إنتفاض=والضحك ما يمشي على ناسٍ شريفٍ دلّها
بحبالكم لو تجذبون الدلو ما يملا الحياض=و كبودكم تبقى عطاش و دلوكم ما بلّها


سند العتيبي

من عام الاول شفتكم قدامنا رحتوا حراض=والا الجبال الشامخه ما منكم اللي قلها
لو صار موضوعك هذا لو صار اقوله بافتراض=الثالثة من داركم وإِفتكها يا خلها


علي فلاح العضياني

لو انّ ما اخذتوه في خساير العامين عاض=يا طيبها واللي عقد روس الحبال يحلّها
تبا تجي من حظ حرا ينتهض فوق انتهاض =مال الخليلة غير يا راع السوالف خلها


سند العتيبي

جهزت لك جيش وخيولٍ ما يتعبها الركاض=ميعادها جمة قراحٍ للحلوق يبلها
والنار من شبابها لكن لا ينسى القراض=حتى نطشه وسطها والقوم هذي دلها

ابداع في ابداع

صحة السنتكم

[علي فلاح العضياني]

الابداع والله تواجدك


يابو سلطان

[علي فلاح العضياني]

اشكر جميع الاخوان اللي شاركونا في هذه المحاوره

[عبدالله الحربي]

صحت الألسن فاتتني هذه المحاوره الجميله مباشرة




مبدعين يا الأثنين