تَرفْ الاهداب ..

[فيصل الثبيتي]

السلاام عليكم ورحمة الله وبركاته ..

مساءكم بوح .. وكبرياء ...

..

..

/



جلسة .. وقامت بعدها حرب الاعصاب=واعصابي امست من غلاك امحروقه

ياللي تلد العين في عروة الباب=لد النظر .. فاللي تعنّى بشوقه

وش عاد غير الصد تحسب له حساب=وانا معك ما بين سرقه وبوقه ؟!

اسايرك بالهرج .. وتقول كذاب=وتخطي .. واقول ان الخطا ما تسوقه

وتجرح .. واقول ان زاد جرحي ولا طاب=بكره يطيب ويشفي الله فتوقه

رمش ٍ على عيني قضى عمره وشاب=يا كن عيني .. للصياح امخلوقه !!

يا موجعٍ قلبي ولا عندك اسباب=جريت في دمّي .. وذبلت عروقه

وحملتني ذنب الغلا والتغيّاب=وغفرت لي ذنب القصيد وعذوقه

لكن .. اببقى في مواصلك طلاب=وارد روحٍ فالبعاد امخنوقه

يمكن .. يصادف موعدٍ بين الاصحاب=وتشوف وجهي من تميّز فروقه !

من زود مابي من غلا ترف الاهداب=اللي خذا من حر كبدي حقوقه !!

ويمكن .. يردنّك مشاريه وعتاب=ويعود وقتٍ فيه بسمه سروقه

تسرق ولا تابت .. ولا ذنبها تاب=ونفسي على السرقات ماهي شفوقه

ويمكن .. تحن ونرجع اصحاب واحباب=ويمكن .. تخليها قطاعه وعوقه

ويمكن .. قصيدي منّه تروق الاعصاب=اللي على طول الزمان امحروقه


وسلامة من يقرا .. ويسمع ...



فيصل الثبيتي



الاربعاء ..



9 / 4 / 2008 م

[ماجد الهذلي]

وأنت سلام وغانم

قصيدة في قمه الروعه

لله درك حتى الرضى


تقبل مروري المتواضع

تحيااتي

[فيصل الثبيتي]

ماجد الهذلي

عناق مجدّد .. مرحباً بك ...

وصح بدنك مليار ..

دام حضورك

فيصل

[السميــــــري]

رمش ٍ على عيني قضى عمره وشـاب
يا كن عيني .. للصيـاح امخلوقـه !!


الله الله .. يافيصل الشعر ..

قصيد عذب ..

شكرا لك .. وصح لسانك

[معجب العتيبي]

فيصل الابداع صح لسانك


قصيده في غاية الرووووووعه

شكرا على الحظور المميز

[فيصل الثبيتي]

السميري ..

صح بدنك .. والله على حضورك

دوماً سـ اشتاق له ...

فيصل

[فيصل الثبيتي]

معجب ..

شكراً لكل ما نثرته هنا

الابداع في حضورك

تحيتي لك

[فيصل المسعودي]

هلا بالسمي

صح لسانك مدد بلا عدد

نص راااائع

ولا يستغرب منك مثل ذلك

في إنتظار جديدك

تحياتي

[فيصل الثبيتي]

يا مرحبا يا فيصل

يشرفني حضورك يا ابن العم

وابرك الساعات هالشوفه

صح بدنك

ولا هنت

[عبدالله الجـــذع]

فيصل صح لسانك يالغالي..

ولاهان راسك يالقرم..

جزله يالجزل..

,

[فيصل الثبيتي]

هلا يا عبدالله

صح بدنك .. ولا هان من قال

حضورك مشرف يا ابن العم .. تحيتي لك

فيصل

[أبو نجر النفيعي]

..

الله الله على الابداع ..

صح لسانك مليوون يا سميي :)

.

أخوك

[فيصل الثبيتي]

ابو نجر ..

الله على حضورك ..

وصح بدنك يا ذيبان .. شرفتني ..

تحيتي ..

[/عبد العزيز الجذع/]

ابداع اخوي فيصل الثبيتي..

صح لسانك..

[فيصل الثبيتي]

عبدالعزيز

صح بدنك .. ومرحبا بك دوم

الابداع في حضورك ..

فيصل

[نشاط الزلامي]

فيصل الثبيتي

...

الله عليك ... ابداع في ابداع

...

صح لسانك ولاهنت

[فيصل الثبيتي]

نشاط

حياك الله يا ابن العم ..

حضور مشرف .. والابداع في وجودك

يا كحيلان .. وصح بدنــك ...

فيصل