اقرب شااااااعر من غير تخصيص

[المعتصم بالله]

يا سلامي سلامٍ يسعد اللي قراه=ردةٍ للعرب من ضامرٍ صافيه

وكل رجلٍ يجي في موقفه ويحماه=في نهارٍ جمع خيال مع راميه

[مرجح الميزان]

مرحبا عد ما نجم ,, سطع في سماه=في حلال تلم العالم الوافيه
كل رجل يشب النار يسعد مساه=مار ليته يحدد وجهة القافيه

[مرجح الميزان]

أخوي المعتصم يشرفني الطاروق معك,,


لكن بعد أذنك خروج لآداء الصلاة ومن ثم عوده

..

[المعتصم بالله]

حياك الله اخي مرجح الميزان ويشرفني اللعب معك




دمت يا شاعرٍ بيّن من اول نباه=في مجيه نبا نهديه بشتٍ ضافيه

دام فالملعبه لابد نبحث خفاه=والمعاني كثيره كلها ساميه

[معجب العتيبي]

الله الله

المعتصم مبدع وبدايه رائعه

مرجح الميزان راااااااااااااااائع

صحة السنتكم

[مرجح الميزان]

المعذره على التأخير.. !!


كيف تهدي وتعطي للرجال العباه..؟=وأنت سترك علاها قدم واخلافيه
ما أنت عارف لك الله صاحبك وش راه=دام وانا مع العراف ..عرافيه

[مرجح الميزان]

معجب الرائع والله مرورك


..تحياتي..

[المعتصم بالله]

ههههه اخذ راحتك



صاحبي وش بلاه وصاحبي وش دهاه؟!=ما يبا الستر يالله انك تعافيه

مانسبك..ولكن صاحبك وش جزاه=راعي الطيب ليه تقوم وتنافيه

[المعتصم بالله]

معجب

ما عليك زود يا الذيب

مرووورك يسعدنا

[مرجح الميزان]

جعلك تسلم..


سترنا للكريم اللي جزيل عطاه=يوم بعض العرب نستره بلحافيه
كل واحد جزاه اللي,, تقدم يداه=والنوايا عساها بيننا صافيه

[المعتصم بالله]

صاحبي/ربنا ماخاب من هو نصاه=يوم بعض العرب مغرور ياكافيه

صاحبك في يده ياخوك صك البراه=لكن انته تبيت نيةٍ خافيه

[مرجح الميزان]

الله الله..


عندكم فالثقه ويا الغرور اشتباه=وحده للسما .. والثانيه هافيه
تدعي بالبراءه وأنت راس الجناه=عقرب في ذنبها سم زعافيه

[بندر المرشدي]

ياسلام ياسلام


صحت الالسن والقلوب

[مرجح الميزان]

مرحبا والله بالمرشدي بندر :)

صح بدنك


وحي هالمرور

[المعتصم بالله]

الله الله هههه اجل استلم هذي





من يرد الكريم اكيد يعرف نداه=ذاك يا كثر غلطاته ومترافيه

ما نبا فيك ذنب ولا نبا لك دعاه=تشملك رحمتي يا بو قدم حافيه

[المعتصم بالله]

هلا هلا والله

يا بندر المرشدي مرووورك يشرف

تحيااااااتي

[مرجح الميزان]

الله الله



من بنوك الفلس من هو يدور غناه=مثل من يغرف السافي بمغرافيه
ياحليل الذي قام يتغير نباه=مار يبشر بضربة سيف خطافيه

[المعتصم بالله]

يا ساتر يا ساتر




انصحك لكن انته ما تدور نجاه=شان حظك ونارك شوفها طافيه

والله اني لاسوقك سوق يم الصفاه=امش مادام راسك فوق الاكتافيه

[مرجح الميزان]

هههه :)



نارنا في ثيابك ولعت ياهذاه=ولا يفيدك لو انك تطلب اسعافيه
مار فالمخزن السفلي نشوف الجلاه=أزهمه والاشاره للرجل كافيه

[مرجح الميزان]

المعتصم


صح لسانك ..وتشرفت بهالطاروق معك



أخوك

||

[المعتصم بالله]

هههه انا ما طمعت انك تفكني منك وانت تباني انادي الجلاه.


تسلم طال عمرك وتشرفت باللعب معك

ولك احتراااامي

[محمد الزهراني]

طاروق على مستوى

بيض الله وجيهكم وصحت السنتكم

[قادح شرار]

يا ساتر يا ساتر







انصحك لكن انته ما تدور نجـاه
شان حظك ونارك شوفها طافيـه
والله اني لاسوقك سوق يم الصفاه
امش مادام راسك فوق الاكتافيـه

ههههههههه , صح لسانك يامعتصم .


نارنا في ثيابـك ولعـت ياهـذاه
ولا يفيدك لو انك تطلب اسعافيـه
مار فالمخزن السفلي نشوف الجلاه
أزهمه والاشـاره للرجـل كافيـه


مرجح الميزان , صح لسانك ووفيت .

[عيد العازمي]

بيض الله وجيهكم وصحت السنتكم



ابدااااااااااع ليس بمستغرب من اهله

[المعتصم بالله]

محمد الزهراني

وجهك وصح الله بدنك..

تحياااااتي

[المعتصم بالله]

قادح شرار

صح الله بدنك

ومرووورك يسعدني

[المعتصم بالله]

العازمي

ما عليك زووود والابداع مرووورك

تحيااااااااتي