محمد الروقي هنا.

[مؤرخ محايد]

بسم الاله الفرد علام الخفايا والنجوم = يا محمد الروقي يجيك السيل ..والساري سرا
اليوم انا ماني مدافع صرت بالمرمى هجوم = ماني من اللي يرغب التطبيل .. والساري سرا

[محمد الروقي]

بسم الله المعبود نبدا ذكرنا على العموم = والسيف اسله لاركبت الخيل والساري سرا

احسب حسابك يالمهاجم وانتبه قدم القروم = وهات العلوم اللي بلا تظليل والساري سرا

[عبدالله الجـــذع]

الله اكبر الله اكبر..

بدايه رائعه ..

صحت السنتكم وقلوبكم..

محمد ازهل الصف يالذيب ولايهون قبيلك..

متابع...

[محمد الروقي]

عبدالله الجذع

صح كلك


والصف يتشرفبك يالذيب




لاهنت

[مؤرخ محايد]

موضوعنا يا صاحبي خليته الليله يزوم = موضوعنا مدفون عند الذيل؟ ..والساري سرا
الغيمه اللي فوقنا ياصاحبي دايم تحوم = الله يعين الليله الطربيل ..والساري سرا

[محمد الروقي]

عادتك يامورخ ماتتركها تحثّل فالعلووم = وعلومك اللي معك قال وقيل .. والساري سرا

وضح رسومك فالخرايط لاتلخبط فالرسوم = ثم صبلي فنجال بن وهيل ..والساري سرا

[مؤرخ محايد]

يا صاحبي انا المحيط اللي غشى ضرب السموم = الله يجيب الصاحب الحلحيل .. والساري سرا
منته بقد الضرب لا صار المعاند بالخشوم = ابي اصب الدمع بالمنديل .والساري سرا

[محمد الروقي]

ان كانها هوش وتحدي فانت قدامي مهزوم = حنا على الاخصام نار وويل والساري سرا

انته تجيب النا علومً ماتلبّسها هدووم = مانته بمثل الجدي والّا سهيل .. والساري سرا

[مؤرخ محايد]

ياللي تهايط بالخلا خل المواشي واللحوم = انشهد اني ما عرفت الميل .. والساري سرا
وكل الليالي الموحشه يا علها عندك تدوم = صل الفرايض وأرتجف بالحيل ..والساري سرا

[محمد الروقي]

حنا نعرف اللي دعا له دعوه ابليا لزوم = عين العمى ماتبصر ولاتخيل والساري سرا


ياليت صاحبنا مورخ يستريح امن الهموم = تسري علاه اهموم تال الليل والساري سرا

[مؤرخ محايد]

انا طالبك انك ماتدعي علي ههههه

واستلم





الصلح خير من العلوم الخامده واللي تقوم = ماني مزود ثقلها والكيل..والساري سرا
واختامها اشهد بانك كايف وتعرف تعوم= نبي نشب النار بالقنديل ..والساري سرا

[محمد الروقي]

صح لساانك يامورخ

ولاهنت على هالطاروق اللي شرفتني به



الله يبارك فالرجال اللي يعرفون السلوم= اللي لهم حيلً يهد الحيل والساري سرا

اختامها ماني بظالم حظك ولاني ظلوم = والله يقبح وجه كل بخيل ..والساري سرا