المساعد الشخصي الرقمي

مشاهدة النسخة كاملة : من عرفها يعطي الشاعر افاده (قصيده لذياب المرشدي)

ذياب المرشدي
02-Dec-2003, 12:45 AM
هي حبيبة روحي اللي مابعدها=والله اني من غلاها في سعاده
بالمحبه والله اني معتمدها=ماعليه لو نقد راع النقاده
في ظلام الليل مانخلف وعدها=فرحتن لي يوم كلن في رقاده
اهتني بالليل معها وافتردها=لين يذن للفجر راع العباده
بالكمال الرب قد كمل عددها=وخصها ربي بفضله والزياده
وحدت ربي وميزها وحدها=بوصفها لله صارت فالقياده
والصحابي بالمحبه قد قصدها=وفي جنان الخلد حصل له شهاده
والمريض ليا مسحت صدره بيدها=طاب قبل يزور دكتور العياده
هي حبيبة شاعرن شعره رصدها=من عرفها يعطي الشاعر افاده


وسوف اعطي فرصه للأخوان
فالتفكير فالمقصود
ثم تكمل الابيات فيما بعد
ان شاء الله

ذياب العتيبي
ابو ضيف الله
06-Dec-2003, 07:38 AM
جزاك الله كل خير اخوي ذياب

و الجواب هو عمود الدين ان كنت مانيب مخطي
ذياب المرشدي
06-Dec-2003, 04:33 PM
اخوي ابو ضيف الله جزاك الله خير


واشكرك على اطلاعك وردك

ولكن ماودي اقول لك ان الحل خطأ


لكن تراه ماهوب صح


اقبل مني التحيه والاحتراااام
ذياب المرشدي
06-Dec-2003, 04:36 PM
البيت الدال على المعني



وكان ماعرفت نقول امر وادهى=ليت من ياخذ على المصحف اعاده



وهنا يتضح المقصود وللجميع مني التحيه والاحتراااام

من قالها ؟؟؟؟؟؟؟؟
الوليد الاسعدي
06-Dec-2003, 05:12 PM
سورة الفاتحة
عسى الله ياجرك بها وتجرجرك الين ماتغمسك بالفردوس .
الوليد الاسعدي
06-Dec-2003, 05:13 PM
وممكن سورة الاخلاص .. والله اعلم
وصل العطياني؟؟؟
06-Dec-2003, 05:35 PM
ذياب

زادنا الله وإياك إتباعاً للحق..

والموضوع لاشك في أن حله أمرٌ دينيٌ ما...

وأوافق ماقال أخي الوليد الاسعدي (سورة الفاتحة)

ولي عودة إن شاء الله...

فـــلك منا الشكر الأجزل..



تحياااااااتي.
الوجيه
06-Dec-2003, 05:36 PM
ياااااااورن انها (( صلاة الوتر ))
أو سهام الليل ـــ والله العالم يا الشاعر

الوجيه
ذياب المرشدي
06-Dec-2003, 08:21 PM
الوليد الاسعدي

بارك الله فيك وجزاك خير

وعسا الله يجمعنا بكم وكل اخ مسلم في جنات الفردوس


واختر وحده من ثنتين


وتراها









صح



الله اعلم وش تبي تختار


لكن انا اريحك واقول اختر



--------
ذياب المرشدي
06-Dec-2003, 08:24 PM
وصل العطياني شاعر منتدانا



ونجمنا اللامع


جزيل شكري وتقديري لاطلاعك



وتقبل مني التحيه وأظن الحل صار واضح


ولكن من اللي يسبق ويقولها


اقبل من اخوك التحيه العطره
ذياب المرشدي
06-Dec-2003, 08:27 PM
اخوي الغالي


الوجيه


جزيل شكري وتقديري لك على اطلاعك الكريم


وكما قلت للأخوان قبلك


ولك مني التحيه اعزها واصدقها
ذياب المرشدي
16-Dec-2003, 04:42 PM
ترفع لعل الله يوفق

فيها واحد من الربع


ويحلها