سلطان الجذع مطلوب

[المعتصم بالله]

السلام عليكم ورحمة الله وبركاته يا شاعرنا المحتر سلطان الجذع استلم:



يقولون سلطان الجذع اصبح اسطوره=وأنا اقول سلطان الجذع اكبر اشويه

ومن زود حبي له ابا آخذ معه صوره= عساه يتكرم ويتقدم بحنيه

[ماله امان]

المعتصم بالله صح لسانك00 ولكن راجع صدر بيتك الثاني00

هذا من باب التذكير يالغالي،،،،،


وتراني في صفك بانتظار الجذع0000

[المعتصم بالله]

الصدر الثاني كذا : ومن زود حبي له ابا آخذ معه صوره

والواو نسيتها ومشكووور يا ماله امان

ومتابعتك تسرني

[عبدالله الجـــذع]

الله اكبر الله اكبر..

بدعه رائعه يالمعتصم كما هي العاده..

وفي انتظار الأسطوره ..


متابع لكم..,

[المعتصم بالله]

عبدالله الجذع

الله يحييك بس الليله تراك معي

ومتابعتك تسعدني يا الغالي

[قادح شرار]

المعتصم : صح لسانك يا مبدع , بداية رهيبة , وحلوة الصورة التذكارية .


الأسطورة : صح لسانك مقدما ً .


أنا في صف صديقي سلطان :)

ولا يهون صفك يالمعتصم .

[المعتصم بالله]

قادح شرار

تسلم يا الذيب.. يستاهل سلطان ناخذ معه صوره .


وما فيه مشكل خلك مع صديقك . والدور جايك ههههه


تحيااااااااااتي

[راع العلطا]

السلام عليكم ورحمة الله وبركاته يا شاعرنا المحتر سلطان الجذع استلم:



يقولون سلطان الجذع اصبح اسطوره=وأنا اقول سلطان الجذع اكبر اشويه

ومن زود حبي له ابا آخذ معه صوره= عساه يتكرم ويتقدم بحنيه




صح لسانك ملايين


وسجلني بصفكــ ضــد الـــمدعو: سلطان:)


وصح لسانه مقدماً,,

[ماله امان]

المعتصم مشكور على الطاروق الجزل 00

ويا الله تجيب الجذع،،،،،،

[المعتصم بالله]

راع العلطا صح بدنك

والصف يتشرف بوجودك

[المعتصم بالله]

ماله امان

مشكور طال عمرك للمره الثانيه

وحياك الله

[سلطان الجـذع]

المعتصم بالله ..عذراُ على التاخير

عزيز وغالي ويشرفني طلبك لي بالاسم

انت معزتك مفروغ منها:)



انا أعرف وجيه الخير بالخير مذكوره =وللطيب فالطيّب دلاله وماريه
ليا شفت وضع الرجل دوره ومقدوره= أبا افزع معه واهديه بشتٍ حساويه

[المعتصم بالله]

حياك يا الاسطوره وابرك الساعات حضورك وانا كانت عندي مشكله فالنت

وانحلت استلم




انا طالبٍ سلطان لا يفقد شعوره=ابا آخذ معه فاللعب مزحه وجديه

يا سلطان انا يا خوك من ناس مشهوره=وجسمي انا كاسيه من كدة يديه

[سلطان الجـذع]

ترى ماش شئ يطلع الرجل عن طوره =الاوضاع وانا أخوك سهله وعاديه
لكن الامر لازال في يدين اخو نوره =الاوطان محكومه والاحكام شرعيه

[المعتصم بالله]

يبين القمر ويشوف سلطان من نوره=ولولا القمر سلطان فادناة دوريه

تركد تراك اصبحت من ناس مغروره=وصحيح الوطن محمي واله ناسه الحيه

[سلطان الجـذع]

سلامتك ...لو الوقت ماطارت طيوره =عليك الزلامي موصيٍ فيصل العيه
يابعد الحفر بعداه عن راس تنوره =خطاء كلمتك لاهنت (90%)تسعين فالميه

[المعتصم بالله]

علامك قلبت الوضع والناس مخبوره=ورجال الوفا الهم سلامات وتحيه

قريت الكتاب وبينت خافي سطوره=وحسبتك يا الغالي دلاله.... ووهميه

[سلطان الجـذع]

تدور العلوم وخذ مع علومنا دوره =وانا ابا انشدك يالمعتصم صافي النيه
من اللي ورث عن مطلق ثبيت باكوره؟؟؟؟ =بقى مع نزول الضلع والا الحداريه

[سلطان الجـذع]

المعتصم لله دركـ من شاعر

صح لسانكـ ملايين

والى اللقاء في حلقات قادمه



الختام من عندكـ يالغالي

[المعتصم بالله]

ترى المعتصم بالطيب وافيةٍ شبوره=واثر صاحبي سلطان اله نيه ملويه

سؤالك جوابه خل الاوضاع مستوره=وتموت الرجال وصفحة العز مقريه

[المعتصم بالله]

سلطان الجذع شهادة مني من ضمن شهادات الاخوان انك اسطورة

ويشرفني اللعب معك وشرواك

وتقبل احتراااااامي