،،،طــبـــــــــع الــمـــــدن ،،،

[سعود بن سعد الحافي]

هاض الخفوق وفاض قافي وغـنـيــت = غنيت من شغل التفاكير وإنتـــــــــــاج

من عقب ما شفت البدو يوم مــــريت = مجلاسهم طيب ونقاء وفلة حجـــــــاج

يا ليتـنــي عـايش مع البـــدو يالـــيت = ولا عشت في ديرة هل الضج و إزعـاج

لامن طرى للفكـــــر طــــاري تمشيت = أطلق عنان الرجل مع كل منهـــــــــاج

أمشي وأسج بخــاطري يــــوم عديت = بين الفياض الناظـــــره طب وعــــلاج

ولاجاء العصر جبت الدلال وتقهويت = فوق الطعوس اللي لها البال محتــاج

والـفـجــر لا نـــادى المنادي وصليت = القا الجماعة وإقصراء البيت أفــواج

وعقب الفــرايـض للمعـــــازيم ناديت = في مروبع العمدان والصبح فجــاج

وصفر الدلال إتــعــد والـنــــار شبيت = وأسمع رنين النجر والنار وهـــــــاج

ودارت ســــواليـفـــن على ما تمنـيت = والعود الازرق عاثي وجاله عجــــاج

مليت أنا من زحـمـت المــدن مـلـيـت = مليت من روتين لاهين و إحــــــــراج

الـكــل يـدبـك كل ما أصبحت وأمسيت = منطوقهم مشغول ومزحـــوم الادراج

ما كـنـي بــوسط العرب لـو تهقويت = كـنــــي غريب مطوق بسور وسياج

الوضع مزري ومن سبايـبـه عـانيت = حالي إ نـبــرا وأرجي من الله الافراج

طبع الدن شايك وانـا طـبـت وأزريت = بــأ قضـي أوقــاتي مع الليــــل بسراج

من لامني وأعـلـن بيــانه مـن البيت = أقـــول بيـتــك مـرصــد بكـم مــــــزلاج

[اٌٍلٍٍُخٌٍـٍُاٍُصٍُ]

انشهد رائعه صح الله لسانك وعلا شانك

ولا تحرمنا هالقصيد الجميل والابداع عساك على القوه

تقبل مروري وردي المتواضع ( متابع )

دمت بود

[سعود بن سعد الحافي]

صح بدنك يالخاص

وبيّض الله وجهك

والف شكر لك مع التحية والتقدير ،،،

[مرزوق حمدان العتيبي]

..
.
علم ٍ طيب ياسعود وانت كفو ..
...
صح لسانك ...

[عقاب بن سقيان العتيبي]

ياسعود كلنا ودنا باللي تتمناه وان شاء الله يجيب الله الربيع.. وتزين العلوم كلها..
اتمنى لك التوفيق دائما..

[عبدالله الجـــذع]

الله آكبر

سعود صح لسانك يابحر

كلنا ذاك الرجل ياغاااآلي

دمت متآلقاا

محبك

,’

[أبو نجر النفيعي]

..

الله الله يا سعود ..

صح لساااااااااااااانك واعتلا شاانك ..

قصيدة جزله ومعبره يالغالي .. ولاهنت ..


ولا تحرمنا من جديدك ..

:)

أخوك

[سعود بن سعد الحافي]

صحة ابدانكم جميع

والف شكر لكم مع تقديري لمروركم المميز

تحياتي ،،،