من قصائد ثواب الجعيد رحمة الله

[ضاامي وفااا]

سبحان من سبح له الحوت فالبحر = ومجري نصيبه فالبحار السود
والطير والارياح والشمس والقمر = تسبح بحمد الخالق المعبود
يارب تغفر لي ذنوب جنيتها = واشهد على روحي بغير شهود
عبدك عصى واذنب ويرجى السموحه = وفضلك وجودك ما لهن حدود
ويا جاهل الدنياترى الموت حاصل = ماحدٍ تعدى يومه الموعود
ما تنفع العزوه ليا زلت القدم = ومن طاح راح ولا عنه منشود
وانا سبب مابي وماجاء وما جرى = همٍ يولع فالضمير وقود
وليا بغيت ارتاح لو ربع ساعه = هواجيس فكري صادره وورود
وان قلت يا قلب اطرد الهم بالنجم = واصبر عسى ايام الجميل تعود
قام يتزايد واوقد النار فالحشا = نارٍ يولعها بغير زنود
وطرفٍ يحرب النوم ويحالف السهر = يرعى الكواكب والعباد رقود
ياهل ترى هل من سهر غير ما مضى = وهمٍ على طول الدهر ممدود
او تستريح الروح ويزول ما بها = من الهم والاحزان والمنقود
فلسطين تدعينا مساها صباحها = والجسم عاري والامن مفقود
تبكي بعد ماصابها من زمانها = من يوم فيها نازلين يهود
يا معشر الاسلام اجيبوا نداها = وقوموا على وضح النقا المجرود
اغيروا على اسرائيل من كل جانب = بنمر السرايا واشهب البارود
واحيطوا بهم عشية او ضحاها = وخلوه يا حاوي ويا مردود
لاترتجون الامن من مجلس الامن = امنه زبيبه في ذنبها عود
ان كان ما ذدنا عن الحوض بالقنا = ضمينا ويروى من قناه يذود
وان كان ما خضنا الدماء في ربوعها = وإلأ فلا حنا عراب جدود


منقوووووووووووووووول

[الهجرس]

الله الله هذا الشعر والابلاش مشكور اخوي علي النقل

[متعب ثواب الجعيد]

الأخ العزيز : ضاامي وفااا
لك جزيل الشكر على نقل هذه القصيده لوالدنا الشيخ الشاعر/ ثواب بن طنف الجعيد رحمه الله رحمة واسعة .
اخيك
متعب ثواب الجعيد