عواض الخديدي

[ضاامي وفااا]

هذه القصيدة قيلت قبل عام 1385هـ وفيها يفتخر بامجاد قبيلته في الماضي ويفتخر بقبيلة عتيبة التي لايجاريها قبيلة اخرى في القوة والكثره والمنعة.

1





اقوله يوم فـي المبـدا بديـت
ومن بدع الرياجيـل انتقيـت
وله في خاطري معنى وبيـت
اغني بعد زانـت لـي ردوده
بنيت الهرج من بال(ن) عريف
وانا في نايف الضلع المنيـف
مرارانشط بها ومرار اعيـف
وافكر في الزمان وفـي وروده
وارده في الحلال المرسيـات
حلال القنة اللـي فـي ثبـات
حلال(ن) ما تحزّي المكربـات
وكلٍّ تعجبـه ورثـة جـدوده
مـن اول والقبايـل خابريـن
قرون النطح في روس الثنيـن
وفي القنـة ودار ام الحصيـن
ولا طاح المطر كثرت وروده
نهار الحرب نـاره تصطلـي
بدا ما قـف رياجيـل العلـي
وتاخذها علـى وجـه جلـي
ووجه الله ما تنقـض عهـوده
ويوم البرق يلمع في الغشيـن
ونوّه من شمال ومـن يميـن
وشور البـوق سـوّوه الثنيـن
خيال الصدق تشهد له رعـوده
وحاربنـا وعاقبنـا العـثـور
وجا منـا وجـا فينـا عثـور
وحنا مـا حتزمنـا بالعقـور
وكـلٍّ بعدنـا جـدد لـحـوده
حمينا الوجه يوم اضحى النهار
وجينـا للقفـا تـال النـهـار
وظلا ملتحـم مثـل العصـار
وراع الزود كل(ن) شاف زوده
وكـل دون ميقـافـه يـغـار
في الدور الكبار وفي الصغـار
لكـن الكيـد فيهـم والجكـار
وهذا الوقت ربـي لا يعـوده
وبعض الناس يمشي في هـواه
ولا واحد تـرك علـمٍ عنـاه
وراع الزين مـا يخفـى ثنـاه
ولا اشتد الحمل جت له شدوده
زمان(ن) دلّع الـراس الهتيـل
وهو ظـلا سـوات ام الفتيـل
ولا يعـدل ولا يقـدر يميـل
وقام اليوم يخبط فـي بـدوده
وارد العلم وامشي بـه شهـار
وسيّر به على وضـح النهـار
على البطنين يضـوي دار دار
لحاف الراس لا كثرت بـروده
وراس العلم هم سمـوا جعيـد
نحازالخصم علم(ن) بالوكيـد
وتالَ النـاس تمشـي بالتّوَيـد
ولا قام الجمل قامت عضـوده
حموا شقصان يوم الحـظ لاح
بابو ناظور سلطـان السـلاح
نهار اللي نواهم مـا استـراح
وطير(ن) خابره علمي شهوده
وسير به علـى سمـوا ثبيـت
ويضوي دار دار وبيت بيـت
ضلال الراس لا منّك عريـت
وكـل يمَّهـم قـرّت حـدوده
مـن الريعـان لا وادي لغـب
رجـال وافيـه دون الطلـب
ولا يا ويل من جاهم صعـب
لهيب النار مـا يقـوى وروده
وروِّح من نهارك لا تحـوف
تعين في القبايـل ثـم عـوف
مثل روق الشهيـرة ماتشـوف
بيوتٍ للكـرم دامـت عهـوده
شيوخٍ ما تفكـر فـا لخطـر
عراب الجد من بطن وظهـر
ودايم علمهـم يمشـي قطـر
على الميقاف ماضاعت نجودة
وانا ماقدر على فـرض النقـا
عتيبـة غـرب والا مشرقـا
وبرقـا فخرنـا فـا لملتـقـا
يقوم البخت لا قامـت عـدوده
بني برقا بـروقٍ مـا تغيـب
رعود الموت لا صبت صبيب
تـروع بالفعايـل كـل ذيـب
وفعل القوم دايـم لـه شهـوده
عتيبـة فـي مواققهـا عمـوم
هل البيرق ليا جـات اللـزوم
تطا الأخطار في برد وسمـوم
وسهم الحظ حبـل الله يقـوده
من اقصى نجد لاضلع السـراه
ومن جودا ليـا سـدّ الحـلاه
تريِّع كـل غـاوي فـي وراه
وكلٍّ حظـه يبـاري سعـوده
مشوا في راية الشيخ الرشيـد
ابو سلطان تركي بـن حميـد
طرد قحطان من نجد الوكيـد
وربعه من على جنبه عضوده
وانا وان كان اغني ما نسيـت
أبو حامد حزامـك لا نصيـت
حزام الصدق لا منـك نويـت
حمى علمه وربعه من بـدوده
وذكر المصطفى بعـد الكـلام
عليه الفين صلـوا يـا كـرام
شفيع الخلق في يـوم الزحـام
نبي(ن) كل من حبـه يـروده [/poem]

[عبدالرحمن الهيلوم]

بيض الله وجهك ياالغالي