اذا فيه شاعر محاورة الان [الأرشيف] - الهيـــــــــــــلا *** منتدى قبيلة عتيبة

صنيتان قرداحي

24-Nov-2003, 12:20 AM

توكل على الله يا صافي النيه ,,, اذا منت خاص احد بعينه

صافي النية

24-Nov-2003, 12:32 AM

هلا وابرك الحزات وانت اطيب من حضر بدون قصور فالهيلا

واستلم لاهنت

ياهلا مرحبا بالساعه اللي تجيبك

مرحبا يابن قرداحي عدد مافجيبك
وان زهمت الرجال ابشر تراها تجيبك

ونومة العين صح ونومة القلب غلطه

هلا مرحبا بك عد ماخيل خيال 0000000 وبدى راس قرداحي يخيل المخيله

عشان الهنوف نتعب الروح والحال000 00 وكلن نبا نعرف وشنهو حصيله

مرزوق المغيري العطاوي

24-Nov-2003, 12:45 AM

يسلالالالالالالالالالالالالالالام

صافي النيه

و

قرداحي

وانا مع اللي يفوز

صافي النية

24-Nov-2003, 12:57 AM

وين انت ياصنيتان الليل الليل

هلا وغلا يامرزووووق لاعدمناك يالقرم

وابشرك انك معنا كلنا لان مافينا خسران ان شالله

اكرب حزامك يابن قردااحي ولاتوخرنا

صنيتان قرداحي

24-Nov-2003, 01:03 AM

تحيا وتدوم .ما عليك زود

البقا يالمرحب وانت صافي مصفا

انت تزهم وانا من عادتي ما تخفا

مدتك وافيه وانته لزومٍ توفا

ونومة العين صح ونومة القلب غلطه

هلا مرحبا بك عد ما هل وبال"="حقوقٍ دفوقٍ وانت تبرا لسيله

ترى البنت عوبا ما تبا كل رجال"="تبا واحدٍ ون زاد حمله يشيله

صنيتان قرداحي

24-Nov-2003, 01:04 AM

جاك الله ياقاك

صنيتان قرداحي

24-Nov-2003, 01:09 AM

ارحب يا مرزوق

انت حكم والا جمهور

ههههههه

مثل ماقال صافي مافيه خسران ورفقتكم مكسب

صافي النية

24-Nov-2003, 01:15 AM

الله االله الله ياساتر ياساتر

اسمع اسمع :

دام وانك عريب الساس منا وفينا

ان نقصتوا وفينا ون وفيتوا وفينا

وانت شاهد على اللي صار منا و فينا

ونومة العين صح ونومة القلب غلطه

جنيه الذهب في سده جنيه وريال 00000000وراع الذهب لايبوق بالله عميله

تقوله وانا شريت للبنت سلسال 0000000000 وراع الاصيله مايبا غير اصيله

وصل العطياني؟؟؟

24-Nov-2003, 01:24 AM

طبتم وطاب قيلكم..

مبدعين...

لله دركما..

إمضيا قُدُماً ونحن متابعون...

تحيااااااتي.

صنيتان قرداحي

24-Nov-2003, 01:46 AM

مع الله

يا صافي وش نظام اللعب .. الموال شقر والا؟؟؟؟

ما شقرنا عصانا لويقولون شقرا
استوا اللعب والملعوب مشقور شقرا
ما درانا وبه لفةٍ دون شقرا

ليا صرت متعافي لاتنشد عن المال.................لون الذهب محسوب عمله ثقيله
عساها توفق معك وتجيك بعيال................ وتطلع عن الهيلا وتصبح قبيله

وصل العطياني؟؟؟

24-Nov-2003, 01:50 AM

الفتل والنقض..

سمة هذه المحاورة ...

فعلاً:

مبدعان...

نرجوا الاستعجال...

لأن الوقت يداهمنا...

تحيااااااااتي.

صنيتان قرداحي

24-Nov-2003, 01:56 AM

وصل العطياني

حضورك . هو الابدااع

صافي معذرة على التاخير

والله معي قاف اخر مع العطاوي
وغيره بعد
والى الامام . تحيااتي

صافي النية

24-Nov-2003, 01:57 AM

من حمولك علامك ياشعيل اتبرا

بنشدك عن خويك بعد ما مات برا

وسط كابول وانته من خويك تبرا

نومة العين صح ونومة القلب غلطه

ياراع الذهب جيبه واسميك رجال 000000صنيتان طيب لو عظامه تشيله

اشوفك تجيب اعلومك اخفاف وثقال 000000 وبعض السوالف للبنادم فشيله

صافي النية

24-Nov-2003, 02:00 AM

وصل العطاء وصل الخير وصل الوفاء وصل الشاعر المعروف

يشرفني حضورك هنا وبلا شك رايك مهم

وانا ربما لاتعرفني ولكن قريب جدا منك ومن جميع حفلاتك واحد جمهووورك

فاهلا وسهلا بك يالغالي

تكفى لاتبطي علانا يالقرم " قرداحي "

صنيتان قرداحي

24-Nov-2003, 02:22 AM

عز الله اني كنت قبل اتمناك
يازين زولك بس منا ومناك
تمد يمنا كن ماهيب يمناك

انا احسبك طيب لكن اصبحت بطال............وعز الله ان هرجتك هاذي رذيله
قبل لاتدوس الرجل والرجف منهال........... ولاخير في هرجٍ على غير حيله

صافي النية

24-Nov-2003, 02:36 AM

لاتلد وتعاين غرتك صدق حولك

المعاني بعيده مار ماهي بحولك

يمكن الحول هذا صار ماهو بحولك

نومة العين صح ونومة القلب غلطه

ياطيب الذي مثلك ضحوكن ونشال 00000 وهرجي مع الريجيل عز وفضيله

ياليتك تفتش مزهبك صدق من قال 000000 طريق المحاني صار فيه اتحويله

صافي النية

24-Nov-2003, 02:40 AM

صنيتان قردااحي شاعر افتخر بمجااارااته بكل صراااحه

بيض الله وجهك والمعذار اللي يدسم شاربك ان حصل قصور والخطاء وااارد

لكن القلوب صحااح ومثلك افتخربه سند وحزام فاللازم اللازم

اخووك وتلميذك صافي

وكل عام وانت بخير يالشااامخ

صنيتان قرداحي

24-Nov-2003, 03:07 AM

تضيع بين الطاوله والكراسي
وكيد ما راسك بقاسي كراسي
تهتز لو حاولت تبدو كراسي

انا ما تمايل وعدل الخط لومال"=" لكن انت من عال الجبل فالنثيله
ضربت المثل بس المثل صار تمثال"="لكن روح دور يالسنافي بديله

صنيتان قرداحي

24-Nov-2003, 03:13 AM

وجهك ابيض ياصافي

لكن بدري,,,,,,,,,,

وانت بالف خير ولاحصل قصور
وعذرنا انت كذلك والحقيقه انني لم اكن حاضرا معك حضور كامل
وللاسف اني انشغلت في وقت واحد
الجايات اكثر ولك جزيل الشكر

** <<<< ترى المعنى ما طافه ... بس كلٍ وتعبيره

(موضوع لي فيه مداخله) <<< ادري انك حر تكفيه الاشارة

ولهذا السبب رفعت قضيه ;) وحضر الادعاء ولم يحضر الدفاع حتى هذه الساعه|4|