المساعد الشخصي الرقمي

مشاهدة النسخة كاملة : المحاوره المميزه لهذا الاسبوع


معجب العتيبي
21-Mar-2008, 08:07 PM
اخواني مشرفي واعضاء منتدى الهيلا/قسم المحاوره
نضع بين ايديكم المحاوره التي تم اختيارها كمحاورة الاسبوع
وهذا لايعني انه لايوجد محاوره تستحق غيرها.
بالعكس فأغلب المحاورات كانت رائعه ولكن كما تعودنا الاختيار لواحده فقط

وشكرا

ناصر المرشدي


انا الليله نويت اجربع الشعار فالميـدان=ابا اطير عرام خشومها واشد اذانيهـا
سلام الله عليكم كلكم واخص ابو سلطان=ابو سلطان في تال الزمان مسويِ فيها


بندر المرشدي

حضرنا وان حضرنا فالمواقف يخزي الشيطان=كثير مـن الآوادم تاتهـون عـن هقاويهـا
هلا يامرحبا ترحيبـةٍ يرجـح لهـا الميـزان=على وضح النقاء صاحبـك فأولهـا وتاليهـا



ناصر المرشدي

انا مادخل مع الطاقة...اجيك من اوسع البيبان=اثبـت حجتـي بشهودهـا مانـي مسويهـا
قبل لا روح وانته كل ليـل تكسـر القيفـان=ولك كم يـوم ماتزهـم عبـاد الله بساميهـا



بندر المرشدي


تهيأ واستوى مضرابها في مفرق الحجان=ولا ياناصر أشره كان ما بانت مواريهـا
انا درستك بحور الشعر واللحن والاوزان=مصيبة عالمٍ لأستاذهـا تنفـخ علابيهـا


ناصر المرشدي


الك مده وهذه مهنتك ياطير ابن برمـان=يبي منك السعد وانته على راسه تضويها
انا جتني علومك كلها مع شاعر العضيان=وراك تسوي اللي ماهقيت انك تسويهـا



بندر المرشدي


انا خابرك يوم انك بزر تلعب مع البزران=انا ذيك السنة جمهوري أشعاري يغنيها
مادام انك تجمع فالسوالف ما معك برهان=تعذر قبل لا ننفخ لك الجمـرة ونركيهـا


ناصر المرشدي


يابن هذال يامطلق يابو تركي يابن جرشان=الا ياكبرها كبـراه ويـن انتـه مسريهـا
يابو قلبِ كبر راس البعير تطامر الجرفان=تبرى مانت داري وانت كاتبها وقاريها؟؟؟



بندر المرشدي


عطانا الله ولو إن الحسد منه الوطن مليان=وجيها غير رب البيت ما نشكر مساعيهـا
تراك انته سوات اللي يقولون العرب قد كان=تشيل رجولها ترجـع بإماكنهـا توطيهـا!!



ناصر المرشدي


يارخص الهرج ياهل الهرج لكن الدلايل وان=تعيش اهل المناوي ماتعـرف الا مناويهـا
خلاص عن الكتاب يكفي البرواز والعنـوان=ابا القى الحق مع قومن طويلاتن يمانيهـا



بندر المرشدي



أنا أعطيتك (عَلَم) لكّن ياحيف التعب مجّـان=وغيرك ناس ما علق لها ياكود أساميها!!
مادام انك تعرضها الهواء ترمي بلا نيشان=ترا مالك حقوقاً عند خلـق الله تديهـا!!

محمد النفيعي511
21-Mar-2008, 08:10 PM
http://gigaup.net/uploads/ab177b9465.gif (http://gigaup.net)

علي فلاح العضياني
21-Mar-2008, 08:23 PM
ابو سلطان مشكور طال عمرك




اختيار موفق من قبل الاداره