يا كبتن عتيبه {تفضل لاهنت }

[قوي العزوم]

السلام عليكم
يا كبتن ودنا نجاريك ونستفيد
منك وانا اخوك
^^^
^^
^^
^
استلم


سلام الله سلاماً فيه ريح الفل والريحان = يسوقه طاري العتبان لامن حل طاريها

ولا ياكبتن عتيبه بغيتك داخل الميدان = على قول المثل مابين بايعها وشاريها

[عبدالله الجـــذع]

بدع رائع..

لاهان راسك يالغالي..


في انتظار الكبتن..

متابع.

[قوي العزوم]

حياك الله يا عبد الله
وصح بدنك
ومروك
شرف يالغالي

[كبتن عتيبه]

مرحبابك...



هلا يامرحبا والله يحيّي طاري العتبان=وارحبّك ..وبيتينك عسى ربّي يحيّيها
نزلنا السوق وأول مانقول اسم الله الرحمان=وهذا مبتداها ..والله اعلم ويش تاليها!!

[عاشق ساجر]

الله مبدعين هالرياجيل
صح لسان كل واحد فيكم

[قوي العزوم]

مرحبابك...



هلا يامرحبا والله يحيّي طاري العتبان=وارحبّك ..وبيتينك عسى ربّي يحيّيها
نزلنا السوق وأول مانقول اسم الله الرحمان=وهذا مبتداها ..والله اعلم ويش تاليها!!


يدوم اللك البقا وانته عتيبياً فصيح اللسان= لكنك لا تجيهل فالرجال وفي معانيها

نزلت السوق لكنك تعوذ من بلا الشطيان=هذا قدام فوقك يالعتيبي لا تضويها

[معجب العتيبي]

صحة السنتكم

طاروق بدايته توحي بنهايه جميله

متااااااااااابع

[كبتن عتيبه]

ياسلام ياسلم



تراني لاجهلت..ولا اتجاهل..والعباد أخوان=وهذي حجةً ياصاحبي فيها الذي فيها
يقولون العوارف شرهة الديره على الضلعان=لا لا الضلعان فيها مالت الديره باهاليها

[طارق النفيعي]

الله الله

سلام سلم

يعطيك العافية وواصلوا وحنا متابعين وماسكين الصفوف

[كبتن عتيبه]

خروج لصلاة ..


نكمل الليله ياقوي العزوم


استاذنك

[قوي العزوم]

الا ياللي معك حجه تقدمها بلا برهان= تركد وعرف انْا كلنا نعرف خوافيها

الا يا كبتن عتابه الا يالكبتن الفنان= تراك انته سوات اللي يكحلها ويعميها

[كبتن عتيبه]

ياسلام ياسلام



والا يالله عساها تصفي الشعله من الدخان=ولن ماصفيت الشعله لزوم انا نطفَّيها!!
صنعت الطائره لكن.. فيه خلاف فالجنحان=لكنك دفّها ياصاحبي والله يسويها!!

[قوي العزوم]

ولا ياراعي الشعله تركد وانتبه يافلان = ترا شعلتك كل القوم تعرف وش مغازيها

والا يا كبتن اعتيبه لحقك امع الزمان اجنان = صنعت القنبله لكن في حثلك تدربيها

[كبتن عتيبه]

قوي العزوم

تحياتي لك


ولنا لقاء اخر بإذن الله

[حمد بن جوباح]

.
..

الله الله

صحت ألسنتكم يا الشعار

استمتعت بما قرأت

:)

.
.
.


















تحياتي لكمـ ،،