برنامج فارس الصحراء يتحول الى ستار اكاديمي

[الرزيني]

للأسف بعد طول انتظار لهذا البرنامج اللي يقال انه بيحيي تراثنا
تفاجأنا انه طلع لترويج الاغاني والرقص والمسخره باسم التراث
والمصيبه ان المغنيات يغنن والمطاوعه موجودين في المسرح
ماهقيتها منك يابن حثلين تضحك علينا بهذه السخافات وتروجها
على انه من تراثنا!!!!!!
ياجماعه والله هالبرامج بتجيب لنا البلا امس في شاعر المليون المنصوري يوجهنا للأحتفال بالمولد النبوي واليوم ابن حثلين مجمع المغنيات ويقول يالله شجعوا تراثكم !!!!!!!!
الموضوع يبيله وقفه من المصلحين وشيوخ القبايل ومشايخة الدين
تكفون يالربع لاخلونها تمر مرور الكرام

اللهم احفظنا بحفظك

[خالد بن حويفر]

والله من جد مهزلة جالسين في مرقص . ما ناقصهم الا الخمر . عموما الشرهة على الرياجيل الي بلحاهم وجالسين وسط المهزلة .

[ابوطلال1]

اقول بيض الله وجيهكم على لفت الانتباه لموضوع فارس كاديمي والله مهزله مابعدها انا تابعته شوي وغيرت القناه شي غريب على ال حثلين كيف يرضون هذا الشي

[أبو مرحبا]

لا حول ولا قوة الا بالله

وش صار بالعرب صدق ليا قالو.. ( الـخـبـال مـايـقـعـد الا فـي روس عـرب)

[الرزيني]

مشكورين على تفاعلكم مع الموضوع

[محمد فيحان العصيمي]

العرب صار همهم الفلوس ما عاد يفكرون في المبادى و القيم

[محمد بن قميشه النفيعي]

اخوي الرزيني


اشكر لك حرصك الواضح على عادتنا وتقاليدنا التى لا يمكن بلا شك تغييرها

بمجرد برنامج عابر وثق ثقه تامه بآن كل ما تطرقت اليه قد وصل لشيخ

مشعل بن حثلين مني شخصيآ من منطلق حرصي على كل ما يتعارض

مع عاداتنا وتقاليدنا التى اكتسبناهاا من تراثنا وعقيدتنا الشريفه

اشكر لك تسخير قلمك الى ماهو اسمى من برنامج عابر

تقبل تحياتي

محمد بن قميشه

[الرزيني]

اخوي الرزيني


اشكر لك حرصك الواضح على عادتنا وتقاليدنا التى لا يمكن بلا شك تغييرها

بمجرد برنامج عابر وثق ثقه تامه بآن كل ما تطرقت اليه قد وصل لشيخ

مشعل بن حثلين مني شخصيآ من منطلق حرصي على كل ما يتعارض

مع عاداتنا وتقاليدنا التى اكتسبناهاا من تراثنا وعقيدتنا الشريفه

اشكر لك تسخير قلمك الى ماهو اسمى من برنامج عابر

تقبل تحياتي

محمد بن قميشه

اشكرك جزيل الشكر يامحمد بن قميشة
على ماقمت به من مجهود ونقل ردة الفعل من المجتمع للقائمين
على البرنامج وان دل هذا على شئ فانما يدل قيمة هذه المنتديات القيمه
التي لاترضى بتشويه تراثها
جزاك الله خير وجعلها في موازين حسناتك

[زياد المغيري]

اجل حاطين البرنامج لسواد عيووونك

كله عشان الرسايل والتصويت


اغلب هالبرامج ماديه بحتـــه

بس هم يدسون السم في العسل ويقولون نحيي الترااااااااااث ومن هالكلاااااااام واصلاً كله عشان الفلوووووس والرسايل


الله يهديهم بس

[عبدالرحمن الهيلوم]

الماده يالغالي صارت هي البعبع !!!
وبعدين يامال الشحم لاتدقق !!
طنش تعش
مشكوووووووووووووووووووووووور يالغالي

[عسعس]

اسم البرنامج ( فريسه الصحراء )

اللعبه من البرنامج جمع المال فقط من الرسائل

ثلاثه شهور يالله العجب 0

البرنامج دعيته اكبر منه شاهدو الارتباك في المقدمين

البرنامج ليس له هدف لاديني ولاثقافي ولا عادات ولا تقاليد


الا الماده فقط

واعتقد فاشل قبل يبداء

[مرزوق الجعيد]

السلام عليكم

انا من المتابعين للقناه ولكن للاسف ما سنحت لي الفرصه لمتابعة البرنامج

بس شفت اخر دقيقه من البرنامج وفيه مسرح ومذيعه اعتقد انها لبنانيه
وخلفها حول 20 رجال جالسين وفي المسرح ايضا رجال جالسين وما لحقت الا يقولون تصبحون على خير

وش السالفه 0000مدري

لكن اللي انا تابعته من دعاية البرنامج وحسب ما شفته ان البرنامج في البر وقصيد وقنص وبورده وقوة تحمل

لكن شكل الربع حسب كلامكم ردوها هشك بشك على المسرح

يا ليت احد يوضح لنا فكرة البرنامج

شاكرين للجميع حرصهم وانتقادهم

اخوكم

[منصور بن فهيد]

للاسف ماتابعت البرنامج بس انصدمت بكلامك معقوله قناة الصحراء تسويها ؟؟ ..
المشكله اني مراهن على نجاحها ..
واضيف على كلامك ايضا مسابقة الفحول يعني الهدف واضح البحث عن الماده ..
لا حول ولا قوة الا بالله ..

[عبدالله بن دبيس العتيبي]

كنا متوقعين المسابقة احلى من كذا

لاكن


على ماقال عبدالرحمن الهيلوم


لا تدقق

طنش تعش



وتقبلوا تحياتي

[ابن سعّيد]

الله يستر ويجيب الي فيه خير

[نـايف العصيمي]

فارس الصحرا وفارس الصحرا وترقبوا واخرتها رقص وردح مابقى الا يلعبون على ابنا القبايل انا اتمنا من الي يعرف العتبان الي مشاركين انهم ينسحبون والله يعطيك العافيه على موووووووظوعك المتميز...