اختناق في لحظه فارهه

[نواف الردعي]

حريتي وان جيت اسولف عن الضيق"=" شكت علي حريتي من سجنها
الذل فأرقاب الدلال المدانيق"=" لوما تبعثر ريحة الهيل منها
يامطير اسراب القطا والغرانيق"="سولف عن اسراب الطيور ووطنها
انا تعبت ولا بقالي معاليق"="وش لي بقلبن فرصته ما مكنها
يمر في هرجك مطر كل مافيق"="سوالفن تبيني انشدك عنها
ايه اتلعثم والحق الريق بالريق"="اخاف تسرح نبرتي عن لحنها
مشاعري مهره شعتها المطاريق"="تنحرت وجه الهبوب برسنها
عيت تخليني على قلبها آويق"="من شان اوكد ما ترجيت منها
تهنف وانا أونس بين الاضلاع تصفيق"=" تحدني لين انجرف واحتظنها

[ابن فرحان]

صح لسانك يا نواف الردعي ..

ابيات جميلة جدا الله يعطيك العافية ..

تقبل اجمل تحية ,,,

[خالدالعصيمي]

كلمات معبره في غاية الروعه والجمال

سلمت يمينك وننضر مزيدك من جديدك