ناقتي ناقتي......... تعال ياعلي وأعرفها!!!

[بندر المرشدي]

مساء الخير للجميع


علي فلاح العضياني تعال بناخذ طاروق طال عمرك




ناقتي ناقتي ما دوجت بالجزيرة=لوّ فنجال يدفع ثروته ما وسمها
سقتها للمزاين مع رجال العشيرة=وردت العد والمقرود قام ولطمها

[نواف العصيمي]

الله الله صح لسانك يابندر

وصح لسان علي مقدماً

ولك التقدير والإحترام

[قادح شرار]

هههههههههههههه , صح لسانك يا المدير .

ناقتي ناقتي ما دوجت بالجزيـرة ===لوّ فنجال يدفع ثروته ما وسمها


الفالح علي : صح لسانك مقدما ً يا فنجال.



تقبلوا مروري .



أخوكم/ قادح شرار.

[بندر المرشدي]

نواف العصيمي


تشكر على مرورك حتى ترضى


صح بدنك

[بندر المرشدي]

قادح شرار هلابك



مرورك نور الصفحة


صح بدنك

[نايف بن ملحق الثعلي]

بندر المرشدي صح لسانك واعتلا شانك مبدا جزل منك

علي فلاح العضياني صح لسانك مقدماً وننتظر الرد الجزل


وحنا متابعينكمــــــ

[عيد العازمي]

الله الله صح لسانك يابندر

وصح لسان علي مقدماً



بدا ليل الابداع والامتاع

[علي فلاح العضياني]

ناقة الروقي اللي من سلايل بعيره=انحروها الحراميّه و باعوا لحمها
واضح الفرق بين الاوله الاخيره=و انت شاعر وانا وجهة نظرك احترمها

[السميــــــري]

سقتها للمزاين مع رجال العشيرة
وردت العد والمقرود قام ولطمها

الله الله ..

يابندر ناقتك هذي مشكلتها مشكله
هههههههه



واضح الفرق بيـن الاولـه الاخيـره

و انت شاعر وانا وجهة نظرك احترمها



الله ياعلي ..

[بندر المرشدي]

ناقته يوم طاح الرجع ذاقت غديرة=وأما ناقتي من ما تريده حرمها

القضية تراها يالعتيبي خطيرة=المصايب زمان اليوم رفرف علمها

[بندر المرشدي]

نايف الروقي


العازمي



السميري



صحت ابدانكم والابداع مروركم



شكرا للجميع

[سلطان الجـذع]

ناقتي ناقتي ما دوجت بالجزيـرة
لوّ فنجال يدفع ثروته ما وسمها

لاياشيخ:)

صح لسانكـ مليووووووووووون

ناقة الروقي اللي مـن سلايـل بعيـره
انحروها الحراميّـه و باعـوا لحمهـا

الله الله ياابو فلاح رد وافي


<<<متابع

[علي فلاح العضياني]

كل واحد لزوم انّه يصفّّي ضميره =والعرب بالنوايا القشر لا يتّهمها
جعل فالامر خير و جعل فالامر خيره=اترك الفايته والمقبلات اغتنمها

[بندر المرشدي]

ياعلي لا تلومه لو يبيح السريرة=ما تعرف الهزيمة لين تطعم طعمها

كان ما فيه للموضوع بصّر وبصيرة=المقابيل ما ني مكتتب في سهمها

[بندر المرشدي]

سلطان الجذع الله حيه

[علي فلاح العضياني]

لو تونس على كبدك لهيب و سعيره=المقاسيم عند الله و ربّي قسمها
طالبك غيّر الموضوع هذا بغيره=طويت الصحف و الكتّاب جفف قلمها

[بندر المرشدي]

ابو فلاح صح لساااااانك ياعلم


وشكرا لك الشكر الجزيل


وجميع الاخوان اللي شرفونا


وتصبح على خير

[أبو نجر النفيعي]

واضح الفرق بيـن الاولـه الاخيـره
و انت شاعر وانا وجهة نظرك احترمها

صحة السنتكم


واصلوا ههههههههه

[قادح شرار]

يا سلااااام يا سلاااااام .

لعبكم على المعنى , صحت الألسن يا الكبار .


تقبلوا مروري





تلميذكم / قادح شرار.