سلطان الجذع روّح ضحية

[قادح شرار]

أستاذي سلطان الجذع , ودنا نمزح معك هالليل , ونستفيد من شاعريتك .



روّحـت أدوّر ثِـني روّحـت أدوّر رباع === أتعبت حالي وأثر جنبي قريّب جذع

نبغا نعشّي عـرب فالوقت هـذا جياع === والليل بدري ونجم الليل توه سطع

[راع العلطا]

روّحـت أدوّر ثِـني روّحـت أدوّر رباع = أتعبت حالي وأثر جنبي قريّب جذع

نبغا نعشّي عـرب فالوقت هـذا جياع = والليل بدري ونجم الليل توه سطع






قادح شرار صح لسانكــ دبل


وصح لسان الجذع سلطان مقدماً

[سلطان الجـذع]

خطير يالزند :)


ترى الكلام المخالف مثل سقط المتاع =ماتلتفت له رياجيل تعرف السنع
من منطق العقل : ماتاكل بعضها السباع =اللي حكا ماحكا والمستمع ماسمع

[قادح شرار]

ماني بأخطر من الأسطورة . ;)



إن طــالت السالفـة يبغا يـطــول النزاع === ويـروح سلـطان هاليلة مقطّـع قطـع

صاحبك لامن شرى يشري ولا باع باع === في هرجته صامل ٍ ولو خصمه ركع

[عيد العازمي]

قادح شرار صح لسانكــ

وصح لسان الجذع سلطان



ياسلااااام كلااام من ذهب

[سلطان الجـذع]

عذراً على التاخير لظرف خارج عن الارادة


ان كان تبغى النصيحه ياطويل االذراع =ليتك تسجل بمدرسة الشعر مستمع
واليا تعلمت روح مع الدروب الوساع =وحقك عليّ ارفعك فالعالي المرتفع

[قادح شرار]

نصيحتك ما نبيها...مثلكم ما يطاع === واللـي يطـاوع سواتك يا عميلي لــذع

الباخرة فالبحر تسبح وفيها شراع === ما ألوم سلطان يوم انه طرح ثم جمع

[نايف بن ملحق الثعلي]

قادح شرارصح لسانك

سلطان الجذع صح لسانك

والليل الليل ياشعار شدوا الحيل.....

[قادح شرار]

راع العطا : صح بدنك , ويا مرحبابك .

العازمي : حياك الله بالصفحة , وصح بدنك , مرورك ينور الصفحة .


نايف الروقي : صح بدنك ويا هلا بك . شادين الحيل بس نبي تشجيعكم .


مشكوووووووووورين على المرور الكريم .




أخوكم/ قادح شرار.

[سلطان الجـذع]

النصح مايرفضه غير النفوس الوجاع =اثرك ياصاحبي مانت بسليم الوجع
مانته بصالح هجوم احسن تعود دفاع =دام السلامه غنيمه وش تبا بالطمع

[قادح شرار]

نفسي عزيزة ولا تقبل دروب الضياع === ما أتبع طريق ٍ مشى سلطان فيه ورثع

تحـب ديس الوبر كثّـرت منـه الرضاع === و عـزتـي يا جماعة عنـّه يـومه رضع

[سلطان الجـذع]

هههه هالله الله

من بعد ياصاحبي طيرت عنها القناع =اللي هوى خاطره يحداه واللي قنع
هذاه فالوقت طبعك ياخبيث الطباع =خابرك إله ياوسيع المعرفه مندفع

[سلطان الجـذع]

المحيط الاطلسي//قادح شرار

نكتفي بهذا القدر ..والى اللقاء في حلقات قادمه ان شاء الله

اشكرك جزيل الشكر على اتاحه الفرصة لي باللعب معك

والاستفاده من شاعريتك الفذه يااستاذي


<<خارج للضروره

[بندر المرشدي]

الله ... الله


قادح شرار.......... ماشاء الله مبدع


سلطان.......لو أبدعت فيه شيء جديد تعودنا عليه منك دائما

[قادح شرار]

شبيت ناري على سمنه ويا ربع ماع === يا ليت يدهن به الخايف بعد ما انخرع

أعرج... بعد طقته شوكة فزند الكراع === حسافة ٍ ما حصد محصـول يوم ٍ زرع

[قادح شرار]

المحيط الاطلسي//قادح شرار

نكتفي بهذا القدر ..والى اللقاء في حلقات قادمه ان شاء الله

اشكرك جزيل الشكر على اتاحه الفرصة لي باللعب معك

والاستفاده من شاعريتك الفذه يااستاذي


<<خارج للضروره


الأسطورة : أنا اللي أشكرك على إتاحة الفرصة لي باللعب معك ,

وأنا تلميذ.... بعد ما تابعت أستاذ مثلك .

الضرورات تبيح المحضورات :D . الله يسهل لك دروبك .

[قادح شرار]

الله ... الله


قادح شرار.......... ماشاء الله مبدع


سلطان.......لو أبدعت فيه شيء جديد تعودنا عليه منك دائما


أخوي بندر المرشدي : حياك الله بالصفحة , وأنت مدير المبدعين ,

سلطان ماهو بهيّن , شاعر كفوووو.


مشكوووووور على مرورك الكريم .