مطروح للرد ونبي شااعر

[مسعود بن جحيش الغبيوي]

سلام الله سلامن مثل لوول البحر باعماقه
على أهل المنتدى ما اخص به واحد عن الثاني
عسا ربي يجيب الشاعر الي دمثه أخلاقه
ابا اخذ معه واعطي والعلوم اشكال والواني

[_الثبيتي_]

نتشرف طال عمرك

استلم


هلا يامرحبا بك يالغبيوي لاح براقـه .... مدامك عندنا تبشر ولا تسري مسياني


ليا صار الرجل داني اكيد الشف بفراقـه ..... وانا خابرك يابن جحيش من الشاعر الداني

[مسعود بن جحيش الغبيوي]

يدوم الك البقا من خاطرن يهدي لكم باقه
وانا وياك ربع ومكرمين الضيف والعاني
تباها بالحقيقة يوم شفت الحبر باوراقه
انا ماني ترى راضي وانا ماني بزعلاني

[_الثبيتي_]

نشوف النور واثر النور ظاهر من ورا الطاقه .... ولا نرضا الغليبه من عيال فلان وفلاني

تباها بالحقيقه يوم شفـت النود دفاقـه ... بضاعة راعي المصنع نجمركها بدكـاني

[قادح شرار]

أبو جحيش : صح لسانك وباية محترمة فعلا ً . وجعلك موفق .


الثبيتي : صح لسانك , بس ترى الأدارة تمنع اللعب المزدوج , يعني تلعب ملعبتين في وقت واحد ممنوع . راجع شروط قسم المحاورة الشرط الجديد .



تقبلوا مروري .




أخوكم/ قادح شرار.

[_الثبيتي_]

:)


على هوى عميلي ..لاتسبب الفتنه وانا اخوك :)



ومستمررين..

[حقيبة المعلومات]

..........................مداخله مالها داعي
الاداره .......................................

[قادح شرار]

أي فتنة الله يرحم والديك . بس قلت يمكن إنك ما أطّلعت على شروط القسم فحبيت أخبرك .

[_الثبيتي_]

وش الي بتوصله



من الاخر

[قادح شرار]

صدق المثل اللي قال ( أعمل خيرا ً تلقى شرا ً) .

الله يهديك يا خوي , بعدين تراني عتيبي مثلك وثبيتي مثلك . فماله داعي كثرة الغفص والعجن .


شوف موضوع أنا كاتبه مع المحاورات بعنوان( سلطان الجذع روّح ضحية ) مقفل مؤقتا ً من قِـبل الأدارة . تدري ليش؟؟؟ روح وأنت تعرف ليش .



أخوك/ قادح شرار.