أتحــــدى شعّـــــار المنتـــــدى ؟؟؟؟؟؟؟؟؟؟؟؟؟؟؟؟؟؟؟؟

[مؤرخ محايد]

الخيل والبيدا وكل الناس تعرف وش اقول = وانا من احفاد الرجال اللي تعز افعولها
اشيل ما شال الجمل ، يا صاحبي خل الحمول = الله يصبرنا على الدنيا وانا مرسولها

[مؤرخ محايد]

وينكم......

[عبدالله الجـــذع]

صح لسانك,,

ودام ابداعكـ..

وفي انتظار شاعر للــرد..

[عبدالله الحربي]

تعوذ من ابليس قل ازكى صلاتي للرسول=والرجل فعله من يده ماهي هروج يقولها

يازينها هروج العقل وين الرجال اهل العقول=اللي ليا جات القضيه فاهمين حلولها

[ابو بندر]

الخيل والبيداء وكل الناس تدري بالذلول=مالك ولا تاريخ في عرض الديار وطولها
يالله دخيلك ما نبا ننشب مع اصخاف العقول=ماهو رسول ولا نبي لا كن جاك يقولها

[قادح شرار]

المحايد : صح لسانك , والله يهديك , إتحدى خلق الله وإذا شاعر طلبك ما ترد, وإذا رديت ترد بيت واحد وبالقوة وبالعافية .


عبدالله الحربي : صح لسانك , وترى فيه موضوع ينتظرك مع المواضيع .



تقبلوا مروري.



أخوكم/ قادح شرار .

[ابو بندر]

الأخ /عبدالله الحربي ردينا في الوقت نفسه ولم انتبه لردك
واصلوا وانا متابع

[مؤرخ محايد]

اهلا هلابك يالحريبي واستمع ضرب الطبول = (ما للحمول الكايده ياكود صبر جمالها)
جيتك وانا ماشي على ضهر الكحيله والذلول = خل الهنوف اللي تحب الضرب من رجالها

[مشقـاص]

طاروق رائع


سجلوني متابع


وصحت الألسن والقلوب

[@ـايل]

السالفه فيها تحدي ابك ابك ابك الله يستر من تاليها

اخوي مؤرخ محايد بدايه صاعقه ولاتعليق عليها

والحربي وابو بندر ردهم صاعقه ايضا ... الله يستر

المحاوره كلها صواعق في صواعق

والله يعلم منهو الضحيه فيها ......

اعلن انسحابي قبل مايصير شي ... ههه كهكهكهكه

[مؤرخ محايد]

اعتذر على الخطا اللي صار بالقاف

والله نسيت يالربع


بلاي اني عجل

[مؤرخ محايد]

اهلا هلابك يالحريبي واستمع ضرب الطبول =بعض البشر ترضى بقول(ن) ماعرف مدلولها
جيتك وانا ماشي على ضهر الكحيله والذلول =القاف يرقى والعرب ترقى وهم يرقولها

[عبدالله الحربي]

اقول لك ماقيل مار اصبر ولا تصبح عجول = (الرجل من جنبيته والبنت من مريولها)

ان كنت راعي خيل ما تضحك على راع الخيول=وان كنت ما تدري هل الافعال دون خيولها

[المعتصم بالله]

((ان كنت راعي خيل ما تضحك على راع الخيول))

صح لسانك يا عبدالله الحربي مليووون ولا يسدون

ولا يهون مؤرخ محااااايد

[مؤرخ محايد]

عيب(ن) على الرجال لا منه تحدر بالنزول = خل المعاند ياوسيع البال ،خل انزولها
الله فرق راع الشماغ اليوم من راع النعول = الله يكرم وجه ربعي من سوات انعولها

[عبدالله الحربي]

مادام هذي هرجتك قفل عليها با القفول=ناسن ما تحشمنا نصك الباب قبل دخولها

اهم حاجه سمعتي ما تصير بيدين الخبول=لو ان ما يثر على راع الفعول خبولها

[فيصل البرقاوي]

يعطيكم العافيه

[_الثبيتي_]

الله الله :)



واصلووو



الحربي :



مادام هذي هرجتك قفل عليها با القفـول
ناسن ما تحشمنا نصك الباب قبل دخولها

[عبدالعزيز نايف الدلبحي]

الله يهديك يامؤرخ تحدى الريجيل واذا طلبوك مثل ماقال اخوي قادح ماتجي

مؤرخ اذا كنت تحدى وتطلب الشعار قريبا بيطلبك رجال ولاتعذر منه

صحت السنتكم واصلوا متابعكم وازهل الصف يابو عابد

[دندون عتيبه]

الســلام عليــــــــكم ورحمــه الله وبركاتـــــه


اخوي مؤرخ محايـــد اخـــــــــــذ الــــــــــــرد ::



ياراعــي البيـتـين جــاك القــول من صــدر الفحــــول

اعرف بحــــــور الشـــعـــر لاتاخــذ من ادنــى قولــهــــا

لابد من يــــوم ٍ يجــــي للـــعالــم انــواع الــذهــول

ويصـــير طيـــر الـــبــــوم يطعــن في نحــور فحــولــهـــا






(( واقبلوونـــــــي شاعر رد معكــــــــــــم ))


(( المغــــــــــــيري ))

[دندون عتيبه]

استلــم البيتيـــن يامؤرخ محايـــــــــــــد

ياراعـي البيــتيــن جاك القول من صـــدر الفحـــول

.......................... ............... اعرف بيــوت الــشـعــر لاتاخــذ من ادنى قولــهــا

لابــد من يوم ٍ يجـــي للعالـــم انــواع الذهـــــــول

........................................ ويصيـــر طيــر البــوم يطعــــن في نحـــور فحــولــهــا




والله لايهينكم بس بغيت اكمـــل المشوااار مع المؤرخ المحايــــــد

(( المغـــيري ))

[رايدالجعيد]

يا أخوان المحايد لجئ إلا الحبال


هههههههههههه


يعطيكم العافية