مصافحة أولى

[مشقـاص]

سلام الله سلامٍ كل ماهبت هبوب النود = يهب ومعه مع ريح الخزامى عنبر وكادي
أنا يشهد علي الله وخلق الله علي إشهود = جميلات المثايل مطمعي يوم الله الهادي

[ناصر الجلاه]

..


هلا يامرحبا ترحيبةٍ من زود اهلها تزود=تراحيب الرجال اللي تجود وطيبها زادي

بعد ماجيت بيتٍ الطيب لا حاوي ولا مردود=تفضل والبحر مانقصه صادر وورادي

[مشقـاص]

يدوم ابك البقى ياصاحبي والصادرات ورود = لكن إحسب حساب الوقت محدارٍ ومسنادي
يا ناصر كانها ثارت سواة الملح والبارود = تحيزم يالعتيبي يوم جوك القوم من غادي

[ناصر الجلاه]

..


يهيضنا الخيال اللي مقاديمه دوي رعود=ولا ندري من فعوله يسيل الضلع والوادي

قبل لبس الحزام وقبل ذا ميت وذا مفقود=على منمن عرفنا على اسمك واصل الاجدادي

[مشقـاص]

آسف على التأخير يا ناصر


أنا مشقاص راع البل وأنا حامد وأنا محمود = ومن يفخر بفعلٍ مانسب بإسمه فهو غادي
أنا لي شرهتن كبر الجبال العاليات السود = ولكن الجمل زومان فيه خطام وقيادي

[ناصر الجلاه]

..


ونعمٍ فيك لكن هات جدك والجدود جدود=ترانا ماعرفنا عنتر ألا بابن شدادي

تشره بس لا تقرب وتاصل حدك المحدود=مادام الحكم له قاضي تقدم له بالاسنادي

[مشقـاص]

صح لسانك ياناصر

شاعر كبير وتشرفت باللعب معك


تقبل تحيات أخوك

مشقـاص