الماضي والحاضر للشاعر /عواض بن حمود الذويبي

[عواض بن حمود الذويبي]

بسم الله الرحمن الرحيمإخواني مشرفين وأعضاء ومتصفحين هذاالمنتدى هذه هي المشاركه الأولى لي معكم في هذا المنتدى وأتمنى ان تحوز على رضاكم
يازين مبدآ الرجم والفي ميال = يوم الرعايا مقبله للرواحي
في ربوة فيها من العشب ماطاب = وشرب من الجم العذي القراحي
وريح الخزام مع النسانيس ينهال = يبري القلوب الي بهن الجراحي
والجو غايم والوبل منه همال = والماء يسيح إمن الغصون إنسياحي
والصيد إله في قمة الضلع تجوال = شوق النشا ما متقنين السلاحي
يازينهم وان قالوا النار بشعال = جابو سمين الصيد يم المراحي
وتجمعوا يشوون شيبان وعيال = ودارت سوالفهم مدوح ومزاحي
هذا يقول فلان وفلان رجال = وهذا يقول فلان ستر الملاحي
وان جيت للمجلس على بن ودلال = والهيل يغشى بنها يوم فاحي
والشايب يسولف وله نلقي البال = وكل ٍِِ يقول أسمع كلامك وصاحي
حيثه مجرب عاصر هموم وأهوال = يوم المغازي والنكف والصياحي
يقلون ذاك الوقت يامقبح الحال = الجوع ويا الخوف والرزق ماحي
واليوم أمان وعز ورجال واموال = والجهل ولا عن وطنا وراحي
حكامنا آل سعود ياطيب الفال = حماية التالي نهار الصياحي
عيال شيخ ٍ طلعته طلعة هلال = ولا كما مزن ٍ بها البرق لاحي
غيثه على الأوطان من جال في جال = أروى جبلها والحزم والبطاحي
وعياله اللي للوطن درع وظلال = والخير عموبه جميع النواحي
وحنا بامان ٍ مانبي عنه تبدال = لكن أخاف الجرب تعدي الصحاحي
اشو فلي ناس ٍ يقولون الأهوال = ويزاحمون الدين بالانفتاحي
يبونها سجه ودجه وزلزال = وأهل المد ن يجلون يم الضواحي
يالله أنا طالبك ياعالم الحال = تجعل عصابات الردى للذباحي
وحفظ وطنا من رديين الأفعال =أهل الوجيه الشاحبات القباحي
وصلوا على المختار ماهملل إخي = وما ذعذع الغربي وما الطير ناحي

[محب الهيلا]

صح لسانك

مشكور وماقصرت

[عواض بن حمود الذويبي]

السلام عليكم
ونعتذر عن الخطأ الإملائي في البيت الثاني الشطر الاول
في ربوة فيها من العشـب ماطـال وليس (ماطاب )
وفي البيت الأخير
وصلوا على المختار ماهملل إخـيال وليس(إخي)