سلامي على اللي ياخذ العلم ويرده

[حمود عايض المرزوقي]

سلامي على اللي ياخذ العلم ويرده = يقدم ثمينه واله تحسب ومحسوبه
سرى الليل والشاعر لابده ولابده = ليا شافله برق(ن) لمع اتجه صوبه

[السميــــــري]

الله الله ياحمود ..
وحياك الله بين ربعك الموالين ..

وصح لسانك .. وفي الصف ..
معك ..

ننتظر قبيلك

[عبدالعزيز نايف الدلبحي]

خلوووووووووووووها

[عبدالعزيز نايف الدلبحي]

هلا مرحبا ترحيب قدي وانا قده = وحييت عند اللي فعايلهم اعجوبه
سرى الليل واحضر ماتطلب من العده = واذا جبتها لاتجهل الدار ودروبه

[حمود عايض المرزوقي]

لعل البقا وليا بدا لازمك سده = ترى الشرح ماينفع والاخبار مكتوبه
ترى كل دار(ن) قد وردن على عده = ولانارد عدود(ن) نكاز(ن) ومشروبه

[عبدالعزيز نايف الدلبحي]

لعل البقا وليا بدا لازمك سده = ترى الشرح ماينفع والاخبار مكتوبه
ترى كل دار(ن) قد وردن على عده = ولانارد عدود(ن) نكاز(ن) ومشروبه


ليامن بدى مانحسب البعد والمده = ولانحسب الصعبات والنار مشبوبه
جب اللي جلبته واعرفه ثم لي عده = ترى البنت هذي لاكثر الناس مخطوبه

[قادح شرار]

حمود عايض المرزوقي : حياك الله ومرحبابك عضو جديد في منتدى عتيبة الهيلا . صح لسانك .


عبدالعزيز نايف الدلبحي: صح لساااانك مليوووووون . وجعلك على القوة .



تقبلوا مروري السريع .



أخوكم/ قادح شرار.

[حمود عايض المرزوقي]

بعير الشقا لاهنت وسمي على خده = ولاظنتي يثني من الحمل عرقوبه
بتبكي ليال اليسر وتصيح في الشده = ومجنونها تعرف حلاياه واسلوبه

[حمود عايض المرزوقي]

قادح شرار الله يبقيك وصح بدنك ولاهنت على مرورك

[عبدالعزيز نايف الدلبحي]

بعير الشقا لاهنت وسمي على خده = ولاظنتي يثني من الحمل عرقوبه
بتبكي ليال اليسر وتصيح في الشده = ومجنونها تعرف حلاياه واسلوبه


لياصرت كفوله تسوقه وتحتده = مايبقى لك الا حاجتن غير مطلوبه
بكت للزمن ثم صد ثم زود الصده = ولا جالها المزيون والبنت منكوبه

[عبدالعزيز نايف الدلبحي]

قادح حياك ربي اتحفتنا بمرورك ياقادح

[حمود عايض المرزوقي]

انا ما ملكته غير للصبر والكده = وبعض الجمال رخاص ماهي مرغوبه
ترى مالها في اللي يخون العهد لده = عساها عن اللي ينقض العهد محجوبه

[حمود عايض المرزوقي]

اخوي عبدالعزيز الدلبحي اعتذر عن اكمال المحاوره لظرف طارئ
ونلتقي في وقت ثاني

[عبدالعزيز نايف الدلبحي]

انا ما ملكته غير للصبر والكده = وبعض الجمال رخاص ماهي مرغوبه
ترى مالها في اللي يخون العهد لده = عساها عن اللي ينقض العهد محجوبه


تبى تبرد عضامه لياجته منهده = جمال تلضه لان يعلن لها التوبه
انا ادريبها من قل الابطال منحده = على يهدم البيت طوبه ورى طوبه

[عبدالعزيز نايف الدلبحي]

ياهلا ياحمود ابرك الساعات لعبن معك ومع الشعار اللي شرواك