المعتصم

[محمد صالح العطاوي]

ياسلام الله سلام(ن)يشرح البال ويسره=في محل الطيب واهل الطيب مافيهاكلامي
ودنا ناخذ معك يالمعتصم بالله فره=شد حيلك ياعميل الخير من عقب السلامي

[المعتصم بالله]

العذره ما شفت طلبك الا الان

استلم لا هنت



مرحبا بك في محل الطيب وايضا في مقره=منزلٍ فيه الكرامه والرجال اهل السنامي

سوق قافك يا العطاوي طول ليلك ثم سره=وانتبه يا صاحبي لا تتجه يم المضامي

[ماله امان]

المعتصم بالله

صح لسانك مبدا ممتاز

ولاهان الاخ محمد العطاااااااااوي0

[المعتصم بالله]

ماله امان

سلمت ومتابعتك تسرنا

تحياااااااااتي

[محمد صالح العطاوي]

والبقا ياللي ترحب والوفا ماغاب مره=في محل(ن)دام عزه بالنشاما كل عامى
احمد الله واشكره ياصاحبي مامن مضره=دامني ماشي علي حسب العوايد والنظامي

[فهد الزيادي]

صح لسانك يا محمد العطاوي ولا يهون المعتصم بالله

[المعتصم بالله]

من يقدم علم غانم يرتفع سهمه وقدره=عندنا ويصير في موقع عزيزين المقامي

هات علمك كاملٍ لا تنقصه مثقال ذره=صاحبك فاهم وعالم فالحلال وفالحرامي

[محمد صالح العطاوي]

العطاوى به علومن زايده في وسط صدره=مار لادورك مايلقاك يا نسل الكرامي
الكلام اللي تريده ياصحيبي حان نشره=شد حيلك ياعميلي والفشق ملي الحزامي

[المعتصم بالله]

غرزتك يا العطاوي مير جيبك لا تقره=امرك مدبر ولا يا صلك من يمي ملامي

استمع لي في كلامي لا تعيد ولا تشره=صاحبك ناوي يشيلك معه للصف الامامي

[محمد صالح العطاوي]

صاحبك يالذيب من كفاك تال الوقت شره=وانتبه يالمعتصم مافالزمن مخلوق دامي
صاحبي الظاهر انه مونسن فالكبد حره=مير انا بكويه كيه لين يبطي ماينامي

[المعتصم بالله]

صاحبي اشوف ثوبه ما قدر حتى يزره=فالمواقف يمكن انه يشبه لطير النعامي

فالملاقى من وقف يا صاحبي لله دره=مير عندك يا العطاوي ترتجف حتى العظامي