سلامي على الهيلا

[اخو عبلة]

سلامي على الهيلا وللشعر عشاق = ولاصرت عاشق شعر روح لعتيبه
نبى نبذل المجهود والله بالاوفاق = وكلن ترى ما ياجد الا نصيبه

[علي الثبيتي]

الله الله
خلوها

[عمرالروقي]

يالله حيه وصح لسانه
وصح لسانك يالنشمي مقدما

[علي الثبيتي]

هلامرحبا ترحيب والبال مشتاق= هلا مرحبا عند الرجال العريبه

توكل على اللي محص الانفس والارزاق=ولا خاب منهو فالرجاء يلتجيبه

[نواف العصيمي]

الله االله

صح لسانك ياخو عبله

وصح لسانك يالنشمى ..


متابع

ولكم التقدير والإحترام

[اخو عبلة]

يدوم البقا لك من عريبين الاعماق = وذا الليل مايكفي صحيب(ن) صحيبه
يقولون ابه في المزن راعد وبراق = ولاينحسب حتى يسًيل شعيبه

[اخو عبلة]

عذرا على انقطاع النت وصحت ابدانكم اخواني عمر الروقي ونواف العصيمي

[علي الثبيتي]

بعد جابك الله فالطلب درج الساق=وابا انشدك ويش الوسم والعلم جيبه
يبا يشرب الضميان وتبل الارياق=وراع الوفاء والطيب يجزاء بطيبه

[علي الثبيتي]

المعذره صار عطل فني
واشكر جميع الاخوان وصحت ابدانكم

[اخو عبلة]

والاياعتيبه جاكم الطير خفاق = وحنا البقوم ودايم(ن) نعتزي به
تقدم بكم ماهوب بــاير وبــواق = ويشهد بعيد الدار ولا قريبه

[علي الثبيتي]

طيب طيب

ضهور السواني نعم والصدر ماضاق=وعتيبه هل الامجاد عزن وهيبه

توقع قبل كشف الحقايق والاوراق= واحذرك قول الزور لا تدعيبه

[اخو عبلة]

ترى ماعلاكم زود في طيب واخلاق = وبندقك بالله لاتزل الضريبه
ليـا مارضيت الحـق بتقول ما لاق = حقيقه حقيقه ماش شكه وريبه

[اخو عبلة]

اخوي النشمي مدري انقطع الاتصال عندك ولاحصل لك ظرف طارئ
لكن انشا الله نلتقي بكره على خير