لا تعتذر يا ناصر ما انت معذور

[علي فلاح العضياني]

هلا يا مرحبا ترحيبةٍ تبدي سوات النور=ليا منّه بدا من مشرق الدنيا لمغربها
يا ناصر لا تعذّر ما انت والله ما انته بمعذور=ترى اهل المعرفه ما تعتذر من دون واجبها

[بندر المرشدي]

هلا يا مرحبا ترحيبةٍ تبدي سوات النور
ليا منّه بدا من مشرق الدنيا لمغربها
يا ناصر لو تعذّر ما انت والله من علي معذور
ترى اهل المعرفه ما تعتذر من دون واجبها







الله .....الله ...ياسلام ...ياسلام


صحيح ما لناصر عذر أبدا ابدا......


صح لسانك يابو فلاح اللعب مرتاح لأني ماسك صفك معي مسباح هههههه

[علي فلاح العضياني]

الله يسلمك يابو سلطان


ووجودك فالصف محل فخر واعتزاز طال عمرك

[ناصر المرشدي]

يدوم الك البقاء يالصاحب اللي بالوفاء مذكور=وانا عارف عومك كلها قدام تكتبها
اعرف انك طويل ذراع لاقاصر ولامحقور=ولكن كيف تحسبها وانا اللي كنت حاسبها

[علي فلاح العضياني]

ترى الركعه بميّة ألف في بيت الله المعمور=و فيه الكعبه اللي كل خلق الله تطوف بها
تراك انته مواعدنا قبل يمكن ثلاث شهور=و ذلحينه نصدّق كلمتك ولاّ نكذبها

[ناصر المرشدي]

دخلت البيت واليوم اطلب الله في بنات الحور=ولامني نصيت الكعبه الناس اتجنبها
على ماقلت لك مير انت في تال الزمن مطيور=ترفق يالعتيبي لان احددها وارتبها

[بندر المرشدي]

الله....الله



علي وناصر صحت السنتكم


هالحين ما ندري من اللي في البيت على شأن نقول أدع لنا



انا أتوقع ابو فلاح واصلوا........

[علي فلاح العضياني]

يا ناصر عوّذ الشيطان واقلبها فرح و سرور=وحاول تعرف طبوع الديار اللي تعيش بها
ترى دور الفلك مثل الرحاه اللي ماغير تدور=وبه ناسٍ يبعّدها وبه ناسٍ يقرّبها

[سداح الحافي]

الله .....الله ...ياسلام ...ياسلام
علي وناصر صحت السنتكم

[ناصر المرشدي]

قبل كم يوم يوم تغني بيوتك على الجمهور=علامك تبي الجمله وترفعها وتنصبها
اخبرك ذيب لكن الذيابه ماتخلي سور=الا ياحافر الحفره بعد مده تطيحبها

[علي فلاح العضياني]

انا والله ما الومه عن المعنى طلع مجبور=وابا اردّه على معناي لو انّا نخرّبها
والا يا المرشدي حافظ على ملّتك والدستور=ترى سود الليالي علّمتنا من تجاربها

[قادح شرار]

الفالح علي : صح لسانك , وطارووق جميل يا جميل .

ناصر المرشدي : صح لسانك , والصراحة أول مرة أشوف ملعبة لك , ووسام النخبة أنت له وهو لك فعلا ً .




تقبلوا مروري .




أخوكم/ قادح شرار.

[ناصر المرشدي]

تسميها قضيه والخلاصه في ثلاث سطور=ترى ماهي طريقه كل خلق الله تطالبها
قضيتنا الكبيره من شهد فيها شهادة زور=نشب فيها قبل فيها رجال العرف ينشبها

[زيـاد الـسـمـيـري]

ايييييييييييييه
واصل
الله يعطيكم العافيه
واصلو

[عبدالله الحربي]

مبدعين وحنا متابعين .....



تحياتي ....

[معجب العتيبي]

تسميها قضيه والخلاصه في ثلاث سطور=ترى ماهي طريقه كل خلق الله تطالبها
قضيتنا الكبيره من شهد فيها شهادة زور=نشب فيها قبل فيها رجال العرف ينشبها


هههههههههههههههه

صحة السنكم اشعار

ناصر بردت تسبدي في علي