المحاني--->السيل الكبير

[كبتن عتيبه]

ابو فلاح مساء الخير...


يابن فلاح اقرب هنا..وحسابك الليله عسير=وأحسب حساب الأوله واحسب حساب الثانيه!!
ياللي تقول أن (الفراع) احسن من (السيل الكبير)!!=وش رائك تقول (المحاني) قطعه من (اسبانيه)!!

[علي فلاح العضياني]

الليل انا و ايّاك وتشوف اللذي رايح يصير=مدام ميزان العداله ساحة الميدانيه
آخير عندك سوريا ولاّ جبال السيل آخير=أظنّها افضل عندكم منها ومن لبنانيه

[أبو فيصل الدلبحي]

الله الله على الطرق الرائع وننتظر رد ابو فلاح

[كبتن عتيبه]

الله الله



والله ماتاخذ غير قسمك..يالبنادم..لو تطير=ارضى بمقسوم الكريم..وسمّ بالرحمانيه!!
مايهضم حقوق النشاما غير معدوم الضمير=والحسْـد في قلب الحسود ..أكبر من الضلعانيه!!

[علي فلاح العضياني]

الطايف أحلى لا تقل جدّه عروس البحر ( غير )=فيه الهوى البارد و فيه الخوخ و الرمّانيه
اليا نزل سعر الجواهر وإرتفع سعر الشعير=بيت الفقر يصبح غني والمغتني فقرانيه

[كبتن عتيبه]

الله الله


عدّ المصايف في بلادك مير لاتنسى عسير=وأبها البهيه حبُّها بين الضلوع الحانيه!!
بشت الأماره مايليق الا على متن الأمير=وأنته متونك جب لها كوتاً من الدكانيه!!

[علي فلاح العضياني]

المبتدى و المنتهى و العلم الاول و الاخير=حكم لك القاضي بلا حجّه و لا برهانيه
خلّ الإداره ما يدير الدايره غير المدير=طيّرتها يا كبتن عتيبه بلا جنحانيه

[نواف العصيمي]

الله الله .. صح لسانك ياكبتن عتيبه .. وصح لسانك يافلاح

:) متابع الإبداع والجزاله والمعنى هنا .


ولكم التقدير والإحترام

[كبتن عتيبه]

الله الله




انا اتحمّل زلتك حيثك كما اخوي الصغير=لكن غيري من عتيبه واحداً زعلانيه!!
والحل عندي ,,كسّروا هاك الرحاء اللي تسدير=والا اتركوها تسدير ونادوا العتبانيه!!



ابو فلاح استاذنك...


وصح لسااانك مليار

[علي فلاح العضياني]

عليك ما نشره يا بو قلبٍ كبر راس البعير=لكنّ شرهتنا على مرزوق بن حمدانيه
الحل عندي .... ما يفيد الحكي والهرج الكثير=بكره يبا يصدر بياناتٍ من الديوانيه

[علي فلاح العضياني]

صح بدنك يابو فيصل





وتصبح على الف خير

[احمد الملاح]

صح السان الشعراء وبيض الله وجيهكم على هالطروق الونيس

[بندر المرشدي]

الله ....الله




صحت السنتكم

[مرزوق حمدان العتيبي]

..
.
طاروق نخبه يامجرمين :)
الكبتن انا في صفك هالمره وبقوّه ...
مودتي لكما

[علي فلاح العضياني]

ههههههههههههههه


اشكركم يالمجرمين كلكم على مروركم الكريم ويعطيكم الف عافيه

[ناصر المرشدي]

صح لسانك الكبتن وصح لسان علي


ابداع غير مستغرب


لله دركم ياثنين

[عبدالله الحربي]

صحت الألسن محاوره رائعه وممتعه




تحياتي

[عبدالعليم سلطان الروقي]

كبنتن عتيبة صح السانك

علي العضياني صح السانك