بندر المرشدي ..والترقيــــــة .

[قادح شرار]

أخوي بندر , أسمحلنا بالأستفادة من شاعريتك .


جيت أدوّرك يا بندر فــعز النهـار === مـا لقيـتـك هنــا يــا بنــدر المرشدي

لو تجي ترقية برشحك مستشار === يمكن إن العرب من تحت يدك اتهدي

[زبن الدخيل]

لو تجي ترقية برشحك مستشار
يمكن إن العرب من تحت يدك اتهدي

لو تجي ترقية برشحك مستشار
يمكن إن العرب من تحت يدك اتهدي

الله أعلم هههه صح لسااانك ياوحش
ويستااااااهل المرشدي الترقية
صح لسانه مقدمااا

[قادح شرار]

أخوي بندر المرشدي : أرجو إنك ما ترد على الأبيات لين نتواجد أنا وأنت

في وقت واحد . عشان يكون اللعب مباشر .

جيت أدوّرك يا بندر فــعز النهـار === مـا لقيـتـك هنــا يــا بنــدر المرشدي

حتى فالليل ماهو بموجود . :D



أخوك/ قادح شرار.

[قادح شرار]

زبن الدخيل : يا مرحبابك يالذيب , صح بدنك وشرفتنا بمرورك .

[قادح شرار]

يالله يا بندر ألعب . ناويلك على نية بس أصبر شوية , ههههههه

[محمد صالح العطاوي]

صح لسانك ياقادح شرار

[بن رشوان]

صح لسانك ياقادح شرار 0 ومبروك الترقيه يابندر والى رتب اعلى باذن الله0


اخوك ابن رشـــــــــــــــــــــوان

[قادح شرار]

محمد صالح العطاوي : صح بدنك , وحياك الله .

بن رشوان : صح بدنك ياخوي , ومرحبابك .

[بندر المرشدي]

مال هرجتك هاذي الافندي مطار=حاضر المرشدي ماغاب يالاجودي
انت ويش انت حتى انك تصدر قرار=احدها للطريق السنع لا تحتدي

[عبدالعزيز نايف الدلبحي]

الليييييييييييييييل عاشوا

صح لسانك ياقادح مبدع كعادتك وصح لسان المرشدي ورده وافي

واصلوا وازهلوا الصفين <<<< صاحب المكتب هههه

[نايف بن ملحق الثعلي]

صحت السنتكم ياشعار
يعطيكم العافيه

[قادح شرار]

جيت يالمرشدي ف(يدين) قادح شرار === وأحمد الله بعد جبتك وجيت ف يدي

لــو تــروّح يميــن ولــو تــروّح يـسـار === بذبحك يا عميلي لو تروح اتعـدي

المعذرة الأتصال سئ.

[بندر المرشدي]

مافيه أشكال امس انا كان منقطع معي كذا اتصالاتنا


انت ترمي ببندق ماعليها عيار=فالسماء جالها يابو شرارة ودي
كان لك عين خلك في يمين المسار=ما انته بذاحاً هريد يا..ولدي

[قادح شرار]

أنت ما تدري إن الخط قِدمك غبار === ثم ينزل على ديرتك رش ابردي

لـو أوكلك يـا بندر بسبـعة جــفـار === تـرتعي فـالفلاه وثم منك اتغدي ;)

[قادح شرار]

عبدالعزيز نايف الدلبحي : صح بدنك وحياك الله , الصفوف تزهابك يالدلبحي

نايف الروقي : مرورك محل فخر واعتزاز , صح بدنك


مشكووورين على مروركم.





أخوكم/ قادح شرار.

[بندر المرشدي]

تصبح على خير ياقادح شرار والختام عندك...



تاتخلص علينا باسمك المستعار=واجد اللي سواتك مار رح يابعدي

سامحاً لك وانا مالي بهرج الصغار=انتبه لاتجينا بالكلام الردي

[بندر المرشدي]

الاخوان اللي شرفونا لاهنتوا


صحت ابدانكم

[قادح شرار]

يوم جيتوا فديرة كل أبوها دمـار === مـوتـرك قـربـع ولابـاقي الا الـبـَدي

ما نحب الطوال ولا نحب القصار === أنتهى الدرب كله والبساط أحمدي



أخوي بندر صح لسانك . وتشرفنا باللعب معك .