مطلوب شااااااااعر

[المعتصم بالله]

سلام لاهل الشعر والمنطق الراقي=ولاهل الوفا والمعزه دوم ارددها

من بعض الاحداث صدري ياعرب ضاقي=اشوفها مير وين اللي ينقدها

[عبدالله الجـــذع]

صح لسانك يالمعتصم بالله..

وبيض الله وجهك..

وفي انتظار شاعر اخر للرد..

دمت مبدعا..

[المعتصم بالله]

أخوي عبدالله الجذع

صح الله بدنك ووجهك أبيض

يسعدني مرورك وشرواك

[ماله امان]

دام البقأ من رفيق ٍ ما بعد ضاقـــــي=واللي سواتك فهيم ٍ لأ يعددهـــــا

يا ضايق الصدر روق قدم ترواقــــــي=دنياك هاذي عسى الله ما يعقدها

[مساعد العضياني]

المعتصم بالله صح السانك

ماله امان صح السانك

الله الله واصلو

[المعتصم بالله]

يا مرحبا من عميلٍ غير بواقي=ياكيف يا صاحبي نقدر نجددها

لو ضاق يا صاحبي تراه ماانعاقي=ودنياي انا عارفٍ وشلون اجاهدها

[المعتصم بالله]

مساعد العضياني

صح الله بدنك يا الغالي

متابعتك تسرنا

[راعي البلهـا]

الله لليــــــــــــــــــــل ياليــل

إلا ذا الدنيــــــــــا

يرتاح راقـــــــدهــا

واصـــــــــــــــــــــــــــــــــــــــــــــــ ـــــــلو الله يعافيكم

[ماله امان]

اتقولها وانت مثلي منت طرباقــي=تعرف مقابض عرب وانته مسندهــا

الهرج يكثر ومي البدو في ساقـي=لو زانت المردمه والناس تاردهــــــا

[المعتصم بالله]

الطيّب ادوره ولهرجه اشتاقي=واهل الردى لا حشا ماني بناشدها

شفت السحابه وفيها البرق شعاقي=وارض العرب بالمطر يارب تسعدها

[المعتصم بالله]

راع البلها

صح لسانك

وسلمت ولاهنت

[ماله امان]

هاذي صفات ٍ رفيعه وانت عملاقــي=احفظ صفاتك وخلك فوق مرقدهــا

لكن بعض السحايب نوها فاقـــــــي=من غير ما نذكر احبال ٍ نوردهـــــــا

[المعتصم بالله]

انته بعد يمك الفنجال ينساقي=حافظ عليها مع الأيام جودها

انا عطيتك علومي وانت وش لاقي=ياشاعر الملعبه ماني مفندها

[ماله امان]

عينت طير ٍ يحوم وصار خفاقــــي=عساه يرجع من الجيان بعمدهــا

كم واحد ٍ من عيال الترك ما ذاقي=من خيرها والعرب تجحد موالدهـا

[المعتصم بالله]

يعود والا عساه بالف طقاقي=وهذي قضيه وضاع اليوم شاهدها

تحيتي سقتها من داخل اعماقي=للصاحب اللي جزيل الهرج يوردها

تصبح على خير والختم عندك

[قادح شرار]

المعتصم بالله : صح لسانك يالمبدع .

ماله أمان : صح لسانك وردودك وافية .



تقبلوا مروري.



أخوكم/ قادح شرار.

[المعتصم بالله]

قادح شرار

صح بدنك وما عليك زود يا الغالي

متابعتك تسعدني

[ماله امان]

وانت من اهل الخير0

لا هانوا الاخوان المتابعين

والشكر موصول للاخ قاااااادح شراااااااار،،،،،،،،،