وينك يا علي العضياني

[عبدالله الحربي]

سلام الله سلام يطرب الشعار والحضار =اغني به وابا اسري به بعد ما جيتكم عاني

انا ما اقول غير آسف على التاخير يا شعار = بعد ما جيت وينك يا علي يا ابن العضياني

[السميــــــري]

الله الله

ياعبدالله أبيات رائعه ..
مبدأ يشد الأنتباه
صح لسانك

[عبدالله الجـــذع]

بدع رائع من شاعر رائع وجزل..

صح لسانك ودام ابداعكـ..

وفي انتظار مشرفنا الغالي علي..

[علي فلاح العضياني]

هلا يا مرحبا يا شاعرٍ لك عندنا مقدار=تفضّل قدمك الميدان ميدانك و ميداني
ابسمح لك.. لانّك عن خطاك تقدّم المعذار=وانا حاضر و فالميعاد دوّرني وتلقاني

[المعتصم بالله]

الله الله


الحربي صح لسانك


علي العضياني

احترامي ومعزتي لك قبل اي شي

صح لسانك مبدع دائم

[قادح شرار]

عبدالله الحربي : صح لسانك , بداية وبدع رائع .

الفالح علي : صح لسانك مليوووون , ورد وافي وافي .

ابسمحك لك.. لانّك عن خطاك تقدّم المعذار ===وانا حاضر على الميعاد دوّرني وتلقانـي


متابع الصفحة ........



أخوكم/ قادح شرار.

[عبدالله الحربي]

تعرف ان السنين تدور حيث ان الفلك دوار= وانا ماني بناسي وقفتك وانته ما تنساني

ترا بيت بنوه اهل الوفا والطيب ماينهار=مع اهل الطيب والله ما يروح العرف مجاني

[عبدالله الحربي]

السميري

عبدالله الجذع

المعتصم بالله

قادح شرار

متابعتكم لنا تزيدنا حماس وفخر وحياكم الله

[علي فلاح العضياني]

والا يا حرب وين الشاعر اللي يلفت الانظار=بدون قصور فيكم يا قبايل حرب من داني
منوّل جارنا اللي نعرفه والله ونعم الجار=يكمّل فالوجوب و في لزومه يقضي الشاني

[عبدالله الحربي]

هذاك الله يغفر له لقى حتفه وكب الدار=وعقبه جاك راشد والعياضي مع سليماني

وعيد سمير لامنه خبط بالارض طار غبار=مع الهاب الوسيدي كلهم للخيل فرساني

[بندر المرشدي]

عبدالله الحربي


ياهلا ويامرحبا


وصح لساااااااانك




علي العضياني



صح لساااااااااااااانك

[علي فلاح العضياني]

عرفنا راشد ولاهوب هاك الشاعر البيطار=لكنّا والله انّا ما عرفنا فلان و فلاني
هذولا كلّهم ما عوّضوا عن وافي الاشبار=لو انّ هم كلّهم حيّيّن ما عاضوك فالفاني

[معجب العتيبي]

عبدالله الحربي صح لسانك الف

علي العضياني مال الحمول الا جملها صح لسانك مليون


الليل الليل

[عبدالله الحربي]

عيونك كل ابوها عنصريه والعلوم كبار=ما تبغى غير ابو زيد الغبيوي هو وسلطاني

ولكن يا عتيبه شغلوا صفارة الأنذار=بعد واد الرمه جاكم بسيلً تقل طوفاني

[علي فلاح العضياني]

ترانا في مجال الشعر سادات و طوال أعمار=تسيّدنا على كل العرب من ماض الازماني
تهدد وانت من بدّ العرب ما من جهتك أخطار=وانا ماني مصدّق كيف يالحربي تحدّاني

[المعتصم بالله]

ترانا في مجال الشعر سادات و طوال أعمار=تسيّدنا على كل العرب من ماض الازماني
تهدد وانت من بدّ العرب ما من جهتك أخطار=وانا ماني مصدّق كيف يالحربي تحدّاني

الله الله

لله درك يا الفالح يا العضياني

[عبدالله الحربي]

صح لسانك يا بو فلاح والمعذره على عدم اكمال المحاوره لان الاتصال

انقطع البارح ....لكن الجاي اكثر ان شاء الله

[عبدالله الحربي]

بندر المرشدي


يشرفنا متابعتك


الله لا يهينك

[عبدالله الحربي]

معجب العتيبي


صح بدنك والله لا يهينك

[علي فلاح العضياني]

عبدالله الحربي

بيض الله وجهك على موقفك الطيب وعلومك الطيبه يالغالي



اشكرك واشكر كل كم شارك معنا في نجاح هذا القاف



تحياتي