استفسارات عن الخماش

[راعي الأوله]

يالربع في الطايف عندنا في الحويه قبيله من الخماميش مفردها الخماش منول نسمع من الشياب انهم من عتابه ولكن بعد مدارك تأكدنا انهم ليسوا من عتيبه وهم ايضا كذلك ولكن فوجئت باحدهم معي في الجامعه ادوخني حنا عتابه حنا عتابه اقول ياولد انت منت عتيبي انت من عدوان يقول يحلف ورب الكعبه انا من عتابه أرجــــــو من لديه معلومات يقوم بتوضيحها.....................؟؟؟؟؟؟؟؟؟

أخوكم راع الأوله

[^المقاطي^]

صبحك الله بالخير..

اخوي راعي الاوله لو تسمحلي ارد على استفسارك.. المعروف ان الخماميش من القثمة من برقا بل حليف للقثامي واظن موضح هالشي بموضوع الاخ (سقم الحريب) عن القثمة وهناك بعد في حليف اخر للقثامي وهو قريش القثمة..

[سقم الحريب]

الاخ راع الاوله
الخماش أصلا يقال انه من عدوان
وهو الان حليف للقثمه وبالذات لفخذ الدهسه
وذابح شاة الغرم مع القثامي وله مالهم وعليه ماعليهم
وبهذا يرتبط مع قبيلة عتيبة ومن الجائز أن يقول انه عتيبي إستناداً كما اسلفت على ذبحه لشاة الغرم

أرجو أن أكون أفدتك والخوة أعضاء المنتديى في ذلك..............

[راعي الأوله]

شكراً للاخوه المقاطي وسقم الحريب على التوضيح


أخوكم راع الأوله

[فهد العتيبي]

نعم اخوي الشيباني العتيبي

الخماش 00فخذ من القثمه من برقا من عتيبه

------------------

ياابن العم: مادام يفتخر انه من عــــتيبـــه

خله ويحق انه يفتخر بأنه عــــتــــيــــبــــي

[ابن هليل]

هذي عوايدكم


تحبون دايم تشوهون عتيبه هذا حليف وهذا مدري من وين ؟وهذا من هناك؟

يااااااااخوان المفروض انكم تعزون عتيبه بدل ماتنتقصونها


انا مدري كيف الواحد يجرى يقول للعتيبي انت مانت بولد عمي؟؟؟



ولو كان حليف او دخيل!!!


فمن ذبح شاة الغرم وحالف عتيبه فهو عتيبي وماقفه مع عتيبه


رغم ان هناك من يدس السم للعتبان ويحاااول من يشتتهم

ويشككهم في انسابهم وللاسف الشديد يجد من يطبل له



ياااااااااخوا ن استحوا على وجيهكم

[راعي الأوله]

ترا ردك يابن هليل فيه اتهام تقول اني ادس السم للعتبان اولاً
ثانياً تراك تعرضت للشيابين بكلمت هذي عوايدكم

لكن جزاك الله خير
ماني بمادحٍ ربعي ولاذامهم الرياجيل تقدر وتحكم
واما من ناحية تشوية وماتشوية وولد عمي يكون في علمك
أني اعرف واحد من شيوخ القبيلة اللي ذكرتها هو اللي يقول باللفظ ماني بعتيبي ولاقايله الله هذا كلام واحد من شيوخهم
انا سمعته يحق لي ان ارد عليه بفم مليان وفي كل مكان
اما المنتدى هذا ماوضع الاللنقاش افهم النقاش ماهو للتفاخر وبس
واما بالنسبة لكلامك اللي قلته هو اللي يزرع الفتنه والكلام اللي ماله ثمره

لكن احب ان اهنيك انك من الاد ثبيت رجال الكرم والجود وشكراً على الكلمات الغريب ان تصدر من واحد من الاد ثبيت


أخيراً احب ان اقول ونعم بكم يالاد خماش

[ابن هليل]

راعي الاوله

أولاً:-والله ماعلمت أنك شيباااني

ثانياً:-الشيابين وسبعة أنعاااام


ثالثاً:- أن يوم اقول هذي عوايدكم الخطااب موجهه للي يقول هذا الكلام من أي جهه

لأن فيه تعرض لقبيله من قبايل عتيبه ولايجوز تقول في حق رفيقك أنك مانت بعتيبي


وحتى أن قالها بعض القبائل والمشااايخ



فاللي مايبيك وش تبيبه؟؟


زاكر ماعليك زود ياشيباااااني


وكلامي مجرد نصيحه يتقبلها من يتقبلها

ويعلم الله بأني لا اريد أن انشي فتنه او ماشابه ذلك



تقبل تحيااتي

[راعي الأوله]

ابن هليل عسا عمرك طويل راع الدلال الصفر راع القهاوي
مثل العلم بين من غير تدليل على هقوتي به شيخ هقــــــاوي
يدمح الزله على زين تفصيل يبا يسامحني وانا مثله أخــاوي
الاد ثبيت اهل نخوة واهل حيل حيلٍ تلاعب والمراح متساوي
شناني وانا اخوك بعض التهاويل وانته على ماقيل شيخٍ يداوي

المعذره يابن هليل تراني مافهمت الموضوع زين
أخوك راع الأوله

[ابن هليل]

راع الاوله

من لا دمح زلة رفيقه ليا زل---يجيه يوم ولا يلاقي رفــــــــــــاقه
وأنا عتيبه ربعي الكل فالكل---واعشق مواقيف النشاما عشاقه

((ابن هليل))


لاهنت ياراع الاوله