محاورة معنى القد يحضر

[ماله امان]

قريت كتاب مؤرخ ٍ في جيش وأبطال وعــبور=بين الجيوش الرئيس المنكوب واجه مصرعــه

عبدالحميد وخالد أبطال ٍ تساق الهم فخــــور=والزمر ابن عبود قايد والمفاخــر تتبــــــــــــعه

[المعتصم بالله]

هذاك وقتٍ ياعميلي دم الحر به يفور=والريس المذكور غادر حين ديان اخدعه

والطيبه تبقى لراعيها على مد العصور=والطيبه ياصاحبي هي للنشاما مطمعه

[المعتصم بالله]

ماله امان

بداية الشطر الثاني (( الوافيه)) بدل الطيبه

[ماله امان]

حدد مكانه والعلوم اللي تنوش ابها النمــور=دام الخصايل وافيه واللي تسمع تجمعــه

على ما قيل جمع احرار فيها من وقف يثـور=اما بضربات السهوم والا جيوش مدرعــه

[المعتصم بالله]

الموقع اللي جمع الله به من انواع الصقور=الحر الاشقر والخصال الباقيه ملمعه

ما كل من حاول قدر ولا كل رجالٍ صبور=وحتيش لو قاوم وسيفه حامله ايضا معه

[ماله امان]

حزبه محرربه عرب من ظيم والا من فجــور=أيامها ربعه تشيل احزابها في مسمعـــــه

لو كان فاروق الملك واقف ويحفر فالقبـــــور=منهوشرب طفح البحور اللي تغيض وبلعه

[المعتصم بالله]

يازينها ياطيبها لا زودت فالنور نور=يسري بها الساري لا صارت واضحه ومولعه

يربح بها من صار شبره زايدٍ فوق الشبور=هذاك ابو زيد الهلالي لا تكلم تسمعه

[ماله امان]

دام الكنانه يا عرب لها مواقف فالنحـــــــور=ضد الفساد وضد حاكم فاسد ٍ في مرتعـــــه

كيف الحواشي عندكم تنفخ وتطبخ فالقدور=واللي يشوف احلامكم راحت سوات القرقعه

[المعتصم بالله]

ارض الكنانه يا عميلي كم فيها من غيور=مير البلا في ابرهه حاله كما هذيك مصومعه

كب العلوم وخلها يا صاحبي ستر وستور=ترى المباني مفتحه بيبانها ومشرعه

[ماله امان]

المعتصم بالله استلم وتصبح على خير،،،،،


الناس ما تبغأ تحوف الجايرات من الغــــرور=تبغأ تجمع فالقطأ بس القطأ وسط شمعــه

خلوا طايش ولد طاشه يحط الكم فيها ذرور=دام الطرافيش تهوي على شعوب مقلعــه

[المعتصم بالله]

تصبح على خير طال عمرك

والله انك شاعر وجزل ويسعدني اللعب

معك وشرواك ..

تحياتي

[ماله امان]

شرواك الطيب

وانت لك مكانتك وقيمتك الشعريه وقبلها الاخلاق00تصبح على خير،،،،