معجب العتيبي , تفضل هنا .

[قادح شرار]

أخوي معجب أسمح لنا بالأستفادة من شاعريتك .

سلامي سلام ٍ فيه بارق ورعاد === على معجب اللي دوم يشعَب بعيره

أشوفه يقود الهجن ومرار ينقاد === وأنا أشوفها في حـق معجـب كبيره

[معجب العتيبي]

الفايده لي طال عمرك
واعذرني مانتبهت
كنت بمحاوره ثانيه والمشغول لايشغل ههههههه


هلا مرحبا ترحيبتن كلها كاد=على اللي يبيه وكل رجل وظميره
ترا صاحبك للقوم يافلان هجّاد=وبعض السوالف ياعميلي قصيره

[عيد العازمي]

الله

الله


صحت الالسن

قادح شرار = ومعجب


واصلو الابداع

[قادح شرار]

نبى نقدح الشاهي ونعطيك براد === وهات العلوم بكل علم وبصيره

أنـا خابـرك جيّـد ولكـّن وش عــاد === تظنك تبى تملك ربوع الجزيره

[معجب العتيبي]

اشوفك على قدح البراريد معتاد=ياقادح شرار احذر تراها خطيره
ليا صرت خابر ليش يالذيب تنصاد=وانا خابر ان الذيب ماله حظيره

[قادح شرار]

ترى ما نفرق بين قشران وأجواد === لكـنّ الجيوش اليـوم يمك مغيـره

يعاندني الشاعر وش يفيد الأعناد === وأنا يا جماعة ناوي أنهي مصيره

[نواف العازمي]

الله الله
قدح شرار صح لسانك
معجب العتيبي صح لسانك
واصلوااا

[قادح شرار]

العازمي , ذيب العوازم : مروركم أنار الصفحة , وأنتم حافز لكل شاعر .

مشكووووووورين على المرور يالغالين .






أخوكم/ قادح شرار.

[معجب العتيبي]

ليا صرت يارجال غاوي ونشّاد=ترا العمر يمضي وانت قدمك مسيره
حياة الرجل فزعه ونخوات وعناد=ومن لايعرف الحق ينشد شويره