شوفو ياعتيبه وش يقول راكان

[ابوزعبه]

يامحلا الفنجال مع سيحة البال في مجلس مافيه نفس ثقيله هذا ولد عم وهذا ولد خال وهذا رفيق مالقينا مثيله الله يرحم الشيخ راكان بن حلثين امير العجمان هو وأموات المسلمين أجمعين علي البيتين هاذي والذي بدت تتلاشي في وقتنا هذا ياأخوان من منكم يجتمع ببنأ عمامه اوخواله بصفه يوميه فهنياله

[نجر بن هاجد]

والله انك صادق والله يرحم ابن حثلين الدنيا اشغلت الاخو عن اخوه وفرقت بين الولد عن ابوه نسائل الله العافية والستر مشكور

[راع العوجا]

صدق يابن زعبه والله هالايام قليل من تجد فيه وصلاً للرحم نسأل الله العفو والعافية .

تقبل مروري

[سفر الاسعدي]

من وصل رحمه وصله الله
ومن قظعها قطعه الله
الله الله بوصل ارحامكم

[محمد فيحان العصيمي]

يا اخوان تري الخير موجود والحمد لله و حنا أحسن من غيرنا

[محب الهيلا]

والله مانتقابل الا في الشهر مرة يمكن واحياناً اكثر

الله يرحمنا برحمته وين الأيام الماضية كانوا الناس دائماً

يجتمعون على اي شي

الان مايجتمعون الا اذافيه مناسبة

مشكور

[عبدالله بن دبيس العتيبي]

الف شكر ياخوي على الموضوع

وللتنيبه

يامحلا الفنجال مع سيحة البال ** في مجلس مافيه نفس ثقيله
هذا ولد عم وهذا ولد خـــــــال ** وهذا رفيق ماندور بديلــــــــــه

هذا هو الشطر الصحيح
لان اذا قال مالقينا مثيله فهذا فيه اجحاف من راكان لان الرياجيل فيهم الطيب والخيب هذا ماذكره الراوي / حمد العزب العجمي

وبخصوص كلامك ياخوي
كلامك سليم
حنا تفرقنا والسبب هي مشاغل الحياة والالتزامات التي لاتنتهي لا في ليل ولا في نهار

وعلى ماقال اخوي محب الهيلا صرنا مانجتمع الا في مناسبه او عزاء

عسى الله ان يلم شمل العرب اجميعين

وتقبل تحياتي ياخوي

[ابوزعبه]

نجر بن هاجد راع العوجا سفر الاسعدي محمد فيحان العصيمي محب الهيلا عبدالله بن دبيس العتيبي شاكر لكم المرور

[القادم بقوة]

أما أنا بخالفكم
أنا يوميا ــ إلا ما شاء الله ــ أجلس بعد المغرب في مجلس نجتمع فيه مع عيال العم
والحضور اللي يجي للمجلس متوسط يعني مرة كثير ومرة قليل
لأن تعرفون الدنيا والمشاغل فرقت الناس
وفعلي هذا أعرف انه يبي يجي يوم ما اقدر اواصل على هالعمل اما لوظيفة خارج المدينة او سفر او او او
ولكني متعهد على نفسي ان اواظب الان ما دمت مستطيعا




واما اخوالي فانا ازورهم في الاسبوعين أو في الثلاثة اسابيع مرة لأنهم يجلسون عند اباعرهم وحلالهم ومكانهم بعيد

[عبدالله الجريسي]

الله يرحم الشيخ
مشكوووور

[ابوزعبه]

مرورك وسام علي صدري