المحيا يكرمون خالد ومحمد وبندر في وقفة عظيمة

[شيباني مردد]

خالد

جاب قصيدة في الهيلا عظيمة وكسب الإعجاب والتميز


ومن ثم أتى مجموعة شعراء منهم الشاعر الرائع عبدالله السميري وشعار واجد


ومن ثم جا بندر وجاب أبياته فعتابة وشيلة ثانية حاز فيها على الإعجاب


بصراحة الللية وقفة محمد وخالد وعبدالله وعتابة مع بندر وقفة كباااار


انا جيت متأخر ولكن أذكر اللي سلمهم جوايز صاحب سمو ملكي مير ماادري وش اسمه

"وياليت الربع يعطوني اسمه"


وحضر شيوخ كبار كبار ولهم مكانتهم


على راسهم الشيخ الغالي محمد بن نايف بن حميد


والعميد الشيخ ناحي بن عساف بن محيا


والشيخ ابن نجم




ولاادري مااقدرت احصرهم


وانتظر أحد يغطيها من ربعنا تكفى يانواف العصيمي



تكريم خالد ومحمد كان على كلام منظمين الحفل جا في الحفل ذا لانهم اساتذة ومبدعين كسبوا الإعجاب
وأبدعوا في المحاافل ويحتاجون وقفة صادقة .

وبندر على خطا أحبابه

على الهامش :

السميري الرائع جا متأخر لذلك أتوقع فاته التكريم لكنه جاب قصايد ولقى الترحيب بين اخوانه

الحضور يتجاوز الالآف

شي مايوصف والتحام صف لعتيبة وعاداتهم

ياعتابة لاتكبون بندر


لاتخلونه


ترى هقوته كبيرة :

أنا من اليوم يا روقي يابرقاوي
....... عينين في راس ياروقي يابرقاوي
ربعي عتابة وجزل القول منطوقي
............ولي في جبين السما نجمن ماهو هاوي


شكرا يالمحايا


ياشيوخ طلحة أهل واجب ..

[عبدالله الجـــذع]

بيض الله وجييهم والله يوفقهم جميع..

وتكفون يالربع نبا صور تغطيه شيء..

ماقصرت يابن مشيب يالغالي..

[مشاري بن محيا]

اخوي الشيباني مشكور على التغطيه ,, سبقتنا فيها .......

اما بالنسبه للامير فهو صاحب السمو الملكي الامير نايف بن ماجد بن سعود بن عبدالعزيز.....

الحفل مصور بالفيديو وان شاء الله انزله قريب



تقبلو مروري

[العود حبيب]

عجب وش صار عليه..؟؟
والله محد جاب خبره.. ولا احد درى عنه.. الله يعينك يا عجب.. ومثل ما قالواً.. عش رجباً ترى عجباً..
يا اخوان ارجوكم ما تفهموني غلط.. لكن اللي قاعد يصير مصيبة.. الله لا يغضب علينا..

[مرزوق حمدان العتيبي]

..
.
بيض الله وجيه الشيوخ آل ميحا الحناتيش
.. كان الاستاذ ذيبان معي على اتصال من موقع الحدث
.... واسمعني قصيدة خالد العتيبي وقصيدة مشعان البراق
وجزء من قصيدة الجنرال يوسف ... وذكر لي انه كان
حفل بهيج وكرم مضياف من بني عمنا ... وتلاحم بين
افراد القبيله ... ومسانده لممثلنا في هذا الاسبوع بندر...
___________
...
اخي العود حبيب
زادك الله خيراً على حرصك ... وعجب بحول الله تعالى
انتهى امره وابناء قبيلته لن يذخروا عنه شي ...
وأولهم هذا المنتدى ممثلاً بأدارته واعضاءه
نسأل الله ان يعجل بفرجه ويثيب من شارك في اعتاق رقبته ...
اخوك ..

[عبدالله هادي ناشي الفليت.]

أنا من اليوم يا روقي يابرقاوي
....... عينين في راس ياروقي يابرقاوي
ربعي عتابة وجزل القول منطوقي
............ولي في جبين السما نجمن ماهو هاوي







..

تنبيـــــه


خطا الابيات الي ذكرتها....

انا من اليوم برقاوي وانا روقي
............. عينين في راس ياروقي يابرقاوي
ربعي عتابة وجزل القول منطوقي
............ولي في جبين السما نجمن ماهو هاوي


مشكوووور وبيض الله وجهك


وحنا ترى معه

[فيصل البرقاوي]

الله يوفقهم جميع