عبدالله الحربي اقبل للرجال اللي تبيك اقبل لها

[رفيع المنزل]

الليله الحربي قريت اسمه وانا ودي لقاه= يالحربي اقبل للرجال اللي تبيك اقبل لها
يالله لعلك شاعر ٍ معروف عالي مستواه= من شان مااقول السوالف جت ماهي في حلها

[صخر]

الله الله يارفيع

[المعتصم بالله]

الله الله

صح لسانك

يا رفيع المنزل

سجل متابعتنا

وصح لسان

عبدالله الحربي مقدماً

[مرجح الميزان]

:)

رفيع المنزل ..نايب عن عبدالله في غيابه



لو كل واحد يارفيع المنزل,, يحصل مناه=تلقى بليس فجنة الله مستريح فضلها
عبدالله اللي تزهمه شاعر ولا تلحق مداه=من فزعة لا حولت وسط الدير تحتلها

[عبدالله الجـــذع]

صحت السنتكم وبيض الله وجيهكم..

[راعي البلهـا]

بيض الله وجهكم والا قصرتو يعطيكم العافيه

[خالد المقاطي]

الله الله



رفيـ ع المنزل .. يالله حيه :)

انت وينك يارجال حي ..


صح اللسانك مبدع كما عاهدناك


..



مرجح الموازين

:)

اشهد بالله اسم على مسمي



عبدالله اللي تزهمه شاعر ولا تلحق مداه
من فزعة لا حولت وسط الدير تحتلهـا


.. خير من ينوب ..





الليل الليل




متابع





:)

[رفيع المنزل]

الجرح مايصعب على الدكتور يالطيب دواه=واللي يجيب الطيبه قال المثل كفو ٍ لها
انت وصحيبك كلكم عندي تحت كم العباه=وان كان خابر لك فزوع ٍ يفزعون ارسلها

[مرجح الميزان]

هلا والله برفيع المنزل ,,واستلم..


مار أنت جرحك كل ماقرب يطيب أبحث خفاه=وأما حييت بغلها ,, ولا تموت بغلها

أسمع,,أسمع :)


هل تعلم انا من شبابه ,مرغمة أنف العصاه..؟=حرب.. وعتيبه.. مع بني زهران ماتاصل لها

[مرجح الميزان]

راعي البلها.. صح بدنك ولا هنت


خالد المقاطي,,

في كل مره


مرحبا بك مليون يا أيها الأستاذ :)

..

وشهادتك أعيد وأكرر ..محل اعتزازي


..

[رفيع المنزل]

امش الطريق الصح واحذر لاتعكس الاتجاه=والبا وصلت لغايتك ماقلت تكفى خلها
هل تعلم انا قوم وايل كل مادارت رحاه=نطحن عدانا مانحسب كثرها من قلها

[رفيع المنزل]

اشكر الجميع على المتابعة دون تخصيص


بيض الله وجيهكم

متابعتكم هي الشرف

[مرجح الميزان]

الله الله


اللي ورد يم العدود الراويه لولا عصاه=كان الذياب الرابضه يمسي وهو صيد لها
يالوايلي خابرك رجل لا نشدنا عن عشاه=فصين ثوم امع البصل ابها العروق يبلها

[رفيع المنزل]

هههههه استلم


كانك تسلح بالعصا جنب عن الحرب ولظاه=واسرح لك بخمسة شياه ٍ طيبه واحسن لها
خل البصل لاتاكله لن صار به عيب وزراه=تضحك على مطعوم قوم ٍ وانت به خشرن لها

[مرجح الميزان]

:)


من واحد لخمسه محلك واعلم انا للشياه=شلنا العصا ,,ولا السيوف البيض نعرف حلها
ما دام ما انته من جهة (مرزوق),, ولا أنت مع (الجلاه)=كل العقد لو مرتك صعب علاك تحلها

[مرجح الميزان]

رفيع المنزل.. لله درك

وصح لسانك

وعلا شانك


الأخير عندك وتشرفت باللعب معك


..


أخوك

[عبدالله الحربي]

رفيع المنزل اقدم لك اعتذاري وان شاء الله انك تقبله كان عندي ظرف

وتوي دخلت ولا هو تقليل من مقدارك يارفيع المنزل

مرجح الميزان بيض الله وجهك على الابيات الجميله لك جزيل الشكر

[رفيع المنزل]

الله يعز اللي حكمنا ونتذرى في ذراه=لو يرجع الماضي كثير الناس نعرف خلها
ان كان لك قوم ٍ يوصونك وتمشي فالوصاه=الوايلي ينطح كبار الروس لين يذلها

[رفيع المنزل]

مرجح الميزان الله لايهينك

لي الشرف بالوجود في مثل هذا المنتدى الرائع


بين عتيبة الهيلا


العذر على الغلطات


واشكر كل المتابعين




وبالنسبة لعبدالله الحربي الايام جايه ان شاء الله ومعذور والشك مرفوع


تحياتي للجميع