اطرف نشمي الله يحييه

[مرزوق حمدان العتيبي]

كل عام وانت طيبين اول مشاركه
واللي قريب يتفضل




سلامي عليكم ياهل المنتدى البراق = سلام ٍ نسوقه للرجال المطاليقي
نبي شاعر ٍ ماهر ومعها وسيع اخلاق=رفيق ٍ ينومس صاحبه حزّة الضيقي

[أبوسلطان]

اخوي الغالي

كل عام وانت بالف خير

والله يحييك عدد ماهل المطر .. وعدد مابانت النجوم ...

يسعدني ويشرفني اني العب معك يالنشمي

واستلم وعساك لنا ذخر....



هلا مرحبا والكيف يمك يبى ينساق=ومثلك كفو ويشوف كل المزاليقي

وحرك على كيفك خويك معه خفاق=يشوف الدروب ويكتم السر عن خيقي



اخوووووووك ......ابوسلطان

[مرزوق حمدان العتيبي]

.

.

الشرف لنا طال عمرك
وكل عام وانت بخير وابرك الساعات
واستلم لاهنت


يدوم البقابك عد مايبدي الاشراق = ومن كل قلبي بطلب لك التوافيقي
تراني يابو سلطان بالملعبه ذواق = وادّور على رجل ٍ سنافي وذويقي

[طلال الثعلي]

سلامي عليكم ياهل المنتدى iiالبـراق
سلام ٍ نسوقـه للرجـال iiالمطاليقـي

مرزوق العتيبي

حياك الله يالنشمي

وصح لسانك

تحياتي..

[طلال الثعلي]

ابوسلطان

عز الله انك كفو ياغالي

لاعدمناك

تحياتي...

[وصل العطياني؟؟؟]

إطلالة مشرقة لك يا مرزوق...

نرحب بك ...


ونشكرك على هذا المستوى...



تحياااااااتي

[صنيتان قرداحي]

كاتب الرسالة الأصلية مرزوق العتيبي
.

.

الشرف لنا طال عمرك
وكل عام وانت بخير وابرك الساعات
واستلم لاهنت


يدوم البقابك عد مايبدي الاشراق = ومن كل قلبي بطلب لك التوافيقي
تراني يابو سلطان بالملعبه ذواق = وادّور على رجل ٍ سنافي وذويقي




مرزوق العتيبي صح لسانك .نتوقع قدوم شاعر متمكن وذويق

والى الامام.


ابوسلطان وجهك ابيض صح السانك

تحياتي

[مرزوق حمدان العتيبي]

""

"""""
الاخوان الفضلاء
وصل

طلال

وصنيتااان
شكرا لكم من الاعمااااق
على تشريفنااا بهذا التواجد

..

الله لايهينكم جميعااً

تحياتي

[أبوسلطان]

اسعد الله جميع اوقاتك ومتعك الله بالصحة والعافية

اتمنى لهذين البيتين شرف نيل اعجاب ذائقتك الراقية


موفق ورب العرش ياهب لنا الارزاق=واذا هلت المزنه بدّور ترازيقي

يدوم التذوق والملاعب لها اسواق=وكلن يبايشري اذا زار تسويقي


اخوووك ....ابوسلطان

[أبوسلطان]

استاذي الغالي ...... طلال الثعلي

ما عليك زود وانا اشهد انك استاذ في فنون المحاورة

وياليت يجي لي معك مجال وانال شرف التعلم معك

ادامك الله بين احبابك واهلك

ولك مني اطيب التحاياااااااا

اخوووك ... ابو سلطان

[أبوسلطان]

اخوي الغالي ..... صنيتان قرداحي


الله يبيض وجهك .... ويطول عمرك

سعيد جدا بمروك

تقبل مني اصدق التحايااااااااا

اخووووك ...... ابوسلطان

[مرزوق حمدان العتيبي]

.

...


.

ياسلام عليك يابو سلطان
كلك ذوق وانا اخوك

..
استلم طال عمرك

.
تراني لعلمك يافتى المعرفه مشتاق = وانا يوم ابا نَشدك ماهوب تحقيقي
رفيقك تعود يحفظ العهد والميثاق = ولكن معاكم كيف حال المواثيقي

[أبوسلطان]

اتمنى ان تلقى ابياتي صدى عند ذائقتك السامية
..
استلم ياصاحب الذوق الرفيع



مواثيقنا وحده وتبرم بدون اوراق=ونضفي على الميثاق ملبوس ٍ يليقي

وعادتنا نبع الوفاء نشربة بحداق=ونمشي مع دروب الشهامة بتحديقي



اخوووك .......ابوسلطان

[مرزوق حمدان العتيبي]

ياسلالالالام يابو سلطان
استلم طال عمرك:




اعرفك قوي الباس مع يبسة الارياق = ولنت بمقصر في بيوت الطواريقي

لكن انتبه للرجل من لحظة المزلاق = وطالع بعينك فالجبال الشواهيقي

[أبوسلطان]

مرزوق .... يالغالي

تفضل وستلم لاعدمتك

اتمنى ان تنال ابياتي استحسان ذائقتك الكريمة



اشوف الجبال وخاطري دايماً خفاق=يطوف الجبال وزاد بالريش تخفيقي

يامرزق يازين الدرر تحت ف الاعماق=وكل الجواهر كل ما زدت تعميقي



اخوووووك ......... ابوسلطان

[وصل العطياني؟؟؟]

محاورة ولا أجمل...

واصلوا..


نتمنى لكما التوفيق.

[مرزوق حمدان العتيبي]

""""
"""""""""""""""""


مراقبنا الفاضل
وصل
الاجمل هو تشجيعك ومتابعتك
كل الشكر والتقدير.

[مرزوق حمدان العتيبي]

استلم يابو سلطان
والمعذره على التاخير
توني راجع من رحلة سفر



كثير السوالف دونها نحكم المغلاق = ونرفع نظرنا عن وجيه المطافيقي

نخيل المزون اللي بها رفرف البراق= ومثلي تخايلها كثير المخاليقي

[أبوسلطان]

ولايهمك يامرزوق البيت بيتك

الله يحييك في الحل والترحال






وجيه المطفق تشبه لطاير الوقواق=ولا تحسب لقول الوجيه الوقاويقي

بروق المزون تلوح ثم تشحن الدقاق=ومن خالها يغرف وينهل تصاديقي





اخوووك ..... ابو سلطان

[أبوسلطان]

استاذي الحبيب ......... وصل العطياني


هلا بك يالغالي عدد زخات المطر

وعدد اوراق الشجر ... وعدد حبات الرمل

اسعد الله وقتك بكامل السعاده

ومتعك الله بوافر من الصحة والعافيه

مرورك الجميل اضفى على مشاركتنا

طيف من الجمال .. ونسيم من الكمال

لاتحرمنا من مرورك وبديع نقدك

تمنياتي لك ولأخي مرزوق وجميع الاعضاء

بالتوفيق والنجاح اينما حلّوا واينما رحلّوا

نحن لك ممنونون ... ولي حضورك شاكرون

مع اصدق التحايااااااا

اخوووك ....... ابوسلطان

[مرزوق حمدان العتيبي]

تسلم ياخوي ابو سلطان
وهذا من سمو اخلاقك.
ترى القول هذا عند بعض العرب مالاق = وشي متوقع يابعيد المراميقي

تبين الحقايق والولي يكشف البواق= ولو صفقوا له بعض الانذال تصفيقي

[أبوسلطان]

اخوي ..... مرزوق

انا آآآآآسف على التأخير





معك حق والمخلوق في دبرة الخلاق=وثوب المودة لا يجي فيه تمزيقي

الانذال تترزق وتلهث ورى السراق=وراع الأمانة في قبور الخناديقي



اخوووووك ....ابو سلطان

[مرزوق حمدان العتيبي]

اخوي سلطان

بيض الله وجهك

ماقصرت والى لقاء في محراف اخر.
تحياتي

[أبوسلطان]

اخي العزيز ....... مرزوق

الف الف شكر لك انت صاحب الفضل

معك حلقت وبرفقتك سافرت

بيض الله وجهك ولاهنت

اخووووووووك ...ابوسلطان

[طلال الثعلي]

ابو سلطان

مبدع قليله في حقك

ياغالي

تحياتي..

[طلال الثعلي]

مرزوق العتيبي

قمه وجزاله

ولبداع

تحياتي..

[أبوسلطان]

استاذي الغالي ..... طلال

مشكور مشكور والف الف شكر

غمرك الله بالسعادة الدائمة

ووفقك الله الى النجاح الدائم

اسعدني محيا مروك ..وشرّفني نور حضورك

شهادتك على صدري من اغلا الاوسمة

بورك لي فيك ودمت نبراس في هذا المنتدى العظيم

هذا المنتدى الذي يوجد به كوكبة من كبار شعراء وادباء العرب

الذين هم من نفخر بهم ونعتز بتواجدهم نسير تحت انوارهم

لك مني فائق الاحترام والتقدير

وتقبل خالص تحياتي

اخووووووووووك ......... ابو سلطان