معجب اقرب جاي

[سعود الدماسي]

سلامي عليكم ياهل الطيب والجود=عدد مايلوح البرق جوف المخيله
على معجب الليله مكاتيب وردود=سمعناا عنه والشك ربي يزيله

[معجب العتيبي]

هلا مرحبا ترحيب وافي ومشهود=عدد مايمر السيل حزة مسيله
صحيبك عزيز ومايجي منه منقود=وعلمٍ تجيبه حظره مع دليله

[سعود الدماسي]

يدوم البقاا والدرب ماهو ب مسدود=وذب الدروب وخل عينك دليله
يقولون دهن الورد ماهو كما العود=واخذلك من الثنتين حاجه قليله

[معجب العتيبي]

ليامن لقيت اللي مع الناس معدود=سرينا الدروب ولو بدت مستحيله
يقولون دهن العود فالهند موجود=وكلٍ يبا ياخذ مناه وحصيله

[سعود الدماسي]

انا خابرك منته بلاشي ومقرود=لكن الطويله والمسافه طويله
اجل لو تشوف الي على الظهر مشدود=تعاف الحمول الكايده والثقيله

[معجب العتيبي]

ليامن مشيت الدرب ماهوب مسدود=وكلٍ عرف بالعلم مقصد عميله
ترا من يهاب الصعب ماهوب محمود=ومن لاقدر يافلان ينقض جديله

[سعود الدماسي]

ترى المعركه ياهيه حاوي ومردود=ومن لاحتماا الوقفات واعزتيله
لقينا الجريمه والجريمه لها شهود=واظن البلا ماعاد فالوضع حيله

[معجب العتيبي]

تعرف الرجال النقص وتميّز الزود=ومن لا عرف مخراجها وش يجيله
على ذكرها ياصاحبي منت محدود=ليا صرت خابرها تشب الفتيله