ماهيب لحد من دون احد

[نواف العازمي]

سلام رديه أحلا من لبن در الأباكير
.........................................لأصحابنا اللي على الموعد نجيها في وعدها
حنا بلشنا مابين الأنظمه ويا المعايير
............................................سحابة( ن) برقها يبرق ولا أوحينا رعدها

[ابو بندر]

يامرحبا عد ماصفوا على الخط الطوابير=واللي يدور على حاجه ليا شاء الله وجدها
الغرس ميت ضما والماء من يجيبه من البير=والفاطر ديوسها يادوبها تشبع ولدها

[نواف العازمي]

ابك البقا والسما تصفي بعد عج ومعاصير
...........................................والذاهب ه مانشد عنها ياكود اللي فقدها
دخلت للسوق في المخبا ريالات ودنانير
...................................وان ماحصل كسب راس المال ماينقص عددها

[ابو بندر]

ذيب العوازم يورالي من اكبار الهوامير=اللي ليا طلعت السلعه تبا النسبه هبدها
ليش اتعكس خطها بعد نوت بعض المشاوير=يا شاعر قبل ما يبني قوافيها نقدها

[ابو بندر]

اخي الكريم والله اني قمت بالتعديل مرتين لاكن اللي حصل
فيه البركه هههههه ههه

[نواف العازمي]

من اليوم احاول احذفها ونجحت اخيرا

[نواف العازمي]

مشره على اللي يابو بندر يسجل بالتقارير
.............................................شرهة بيوت الشعر ياصاحبي على عمدها
الحر الأشقر ماهو مثل الحمامه والعصافير
.................................................. والسلعه الطيبه دايم تحارب في بلدها

[زحزيح]

صـح السانـك يـا ابو بنـدر وصـح السانـك يـا ذيـب

متابـع ومـع الللـه يـا شعـار :)

[ابو بندر]

اللي عيونه تخايل للمزون اللي مصابير=وكبده امن العطش يا صاحبي وقته عقدها
خله يشد الحمول وينحراديارا بها الخير=ويارد اعدود تروي الكبد لا منه وردها

[ابو بندر]

زحزيح صح الله بدنك
شكرا للمتابعه

[نواف العازمي]

الله اليا راد ساق النا المزون اللي مزابير
.................................................و الله يكافي يابو بندر رعدها مع بردها
العام مجهم غدت في وسط ذود من المغاتير
.................................................. دارت سنتها يابو بندر ولاوقف زبدها

[نواف العازمي]

زحزيح صح الله بدنك
وشكرا على المرور

[سلمان الروقي]

ذيب العوازم صح السااانك


ابو بندر صح الساااانك


تحياتي

[ابو بندر]

دراجة ابو علي فدروبها اطلوع ودحادير = اليا اقبلت بنشرت وليادبرت تمشي جهدها
والمجهم اوسومها في خدودها بانت من اعصير= خسران من ضمها مع ذوده ويرجي سعدها

[ابو بندر]

الاخ العزبز
سلمان الوقي
صح بدنك وشكرا للمتابعه

[نواف العازمي]

دراجة ابو علي تمشي على عيار وعلى امبير
..........................................الشمس في نورها ياصاحبي منهو جحدها
حافظ على مكسبك واحذر لاترجع للمخاسير
...........................................العين وش فودها بالكحل كان ابطا رمدها

[نواف العازمي]

سلمان الروقي
صح بدنك
ولاهنت على المرور

[ابو بندر]

دراجة ابو علي ما عاقها غير المسامير=حسبي على اللي زرعها في البلد واللي حصدها
ما عادتطربني الحون المغني والمزامير=خل العصيده بصحن معلمن بيده عصدها

[نواف العازمي]

من بعد هذي يابو بندر ماعاد ابها معاذير
.................................................ا لله يخارج من شرور العباد ومن حسدها
اللي زرعها حصد منها مشاكيل ومناعير
...............................................الس ابق اللي على قول المثل تظهر بيدها

[قادح شرار]

يا سلاااااااااااام يا سلااااااااااااااااام .

ذيب العوازم, أبو بندر: صحت الألسن محاورة شيّقة ورائعة.



تقبلوا مروري





أخوكم/قادح شرار.

[ابو بندر]

البحر يا صاحبي غرقت به اكبار البوبير=والموج مع جذره ومده على الغبه جبدها
هاذي حكايه وتلقاها مع ارجال مشاهير=ون طالت السالفه تلقى علوم امر ودها

[ابو بندر]

الاخ الكريم قادح شرار
شكرا لمرورك وصح الله بدنك

[نواف العازمي]

اللي غرق في البحر لحقه منهو طاح في البير
..............................................زلت به اقدام رجله ماحسب يومه صعدها
ان طالت السالفه ياصاحبي ندهن لك السير
..........................................وان عدت الاوله احسب حساب اللي بعدها

[نواف العازمي]

قادح شرار
صح بدنك
ونتشرف بمرورك الكريم

[ابو بندر]

السالفه ما تبا ياصاحبي بحث وتفسير=احفر لها قبرهاودفن علاها في لحدها
وليا نويتك تبا تسمع تهاليل وتكابير=مالك ومال السيوف اللي تخبا في غمدها

[ابو بندر]

الله يمسيك با الخير يا ذيب العوازم
الضاهر النوم ماهو بعيد
(البير) سرت لا كن ماعليش معذور

[نواف العازمي]

حجه بليا سند ياصاحبي تحتاج تبرير
..............................................اليا حضر شاهد الحجه معاها نعتمدها
ان جيت في نيتك نجيك في بعض التدابير
........................................في الحرب ياصاحبي ماتكفي النيه وحدها

[نواف العازمي]

والله وانا بعد مثلك ذبحني النوم
السموحه كانها ساريه مادريت والله
عموما تشرفنا يابو بندر

[ابو بندر]

ان كان تبغاني اصورلك الموضوع تصوير=ترى سباع الخلا تجفل ليا زمجر اسدها
والجم اله يا طويل العمر وراد وصوادير=يومن الاصنام ما تنفع لعباد عبدها

[نواف العازمي]

ان كان تبغاني اكبر لك الموضوع تكبير
............................................بعض الاسود التوالي ذيبنا ان جاها فسدها
ارضى بما جاك والدنيا يابو بندر مقادير
...........................................العلم ماهوب سرده من يجي قام وسردها

[ابو بندر]

مخبلك ياللي تبا تطلع على قمة شمنصير=ضلع يروع حرار فالسما هدوا هددها
والذيب جنب الاسد ماله يابو عيزوم تعبير=هاذي حقيقه ولابه عاقل فاهم جحدها

[نواف العازمي]

جحدها ساريه
لكن معذور

[نواف العازمي]

الليله الليله اركب لك الجنحان وتطير
................................................تل حق طيور السما لعيون من زمت نهدها
الذنب ذنبك يابو بندور وملزوم(ن)بتكفير
...........................................بعض الاسود المريضه مايساعدها جسدها

[ابو بندر]

اعوذ بالله من الشيطان والله اني جيت اعدلها
ما طلعة معي
لاكن ترى التعديل هو

هاذي حقيقه ولابه عاقل يجحد سندها

[نواف العازمي]

بو بندر استاذنك ياخوك وراي دوام
واشغلتنا الله لايشغلنا الا بطاعته
تصبح على خير ياطويل العمر

[ابو بندر]

لن كان عندك لخلق الله يا بو عيزوم تطوير=لا تنقل البندق الا ونت في حزامك زردها
عوايد الناس تاخذ شور بعض الناس وتشير=واللي صحى فالليال السود غير اللي رقدها

[ابو بندر]

صح لسانك وبيض الله وجهك
طاروق فريد من نوعه مع شاعر مؤدب واخلاق عاليه
اسعدني لقائك
تقبل تحيات اخوك/ ابوبندر

[بارود عازمي]

صـح السانـك يـا ابو بنـدر وصـح السانـك يـا ذيـب



طاروووووق شاب وافكاركم ماشابت لله دركم

[نواف العازمي]

بارود عازمي
صح بدنك ولاهنت

[نواف العازمي]

صح لسانك يابو بندر ولاهنت
واشكرك على الكلام الطيب
ولا عليك زوود