ماله امان فيه درس خصوصي تعال

[المعتصم بالله]

يا مرحبا اعداد ما لاح براق=واعداد مادنت عليه الرعودي

نادوا سمي الخاين البواق=ابا آسمه وأحط فوقه عمودي

يا الربع الظاهر اني شايطت ماله امان وهو اقشر

ما يحب المشايط ههههه

[عبدالله الجـــذع]

ههـ

بدع جميل ورائع وبدايه مشوقه للمتابعه صح لسانك يالغالي..

وفي انتظار ماله امان ..

دمت مبدعا اخي المعتصم..

[المعتصم بالله]

عبدالله الجذع

صح بدنك يا الغالي

ومتابعتك تسرني

[قادح شرار]

صح لسانك يالمعتصم , وبدايتك موفقة فالمنتدى إن شاء الله من هالمستوى وأعلى على طول .


صح لسان ماله أمان مقدما ً .



تقبلوا مروري.




أخوكم/ قادح شرار.

[ولد عاضي511]

والله نعمه درس خصوصي بدون مقابل:d


صح لسانك يالمعتصم


وصح لسان ماله امن مقدماا


عادي كل واحد يدرس الثاني وحنا نبي نستفيد:)

[المعتصم بالله]

قادح شرار

اخي العزيز من حضر مع النشاما شرواك

لابد يبذل المجهود وعسى الله يجملنا

تحياتي يا الغالي

[المعتصم بالله]

ولد عاضي

صح بدنك يا الغالي وكلنا نتعلم

تحياتي

[ماله امان]

صح لسانك يالمعتصم وانا ترى ما كنت متواجد لكن استلم،،،،



دام البقأ ياللي ترحب على فــــــاق=دامك سعودي والمهلي سعــودي

اسمي على قوم ٍ لهم فعل واذواق=وانته عليك من الخطر ما يــــزودي

[ماله امان]

لا هانوا الاخوان الذين تشرفوا بالمروارعلى هذه الصفحه،،،،

[المعتصم بالله]

الحلم ما ينفع ولا الصبر ينطاق=ما دمت اشوفك طفت كل الحدودي

واليوم أنا بحطلك هجر ووثاق=يا الوجه الاقشر يا الصقول الهبودي

[المعتصم بالله]

الاخوان اللي مروا مشكورين

[ماله امان]

يا صاحبي مسرعك تاقف على ســاق=قبلك رجال ٍ وقفوا بالزنــودي

ثم سقتهم بالدرب سوقات الاطــــــلاق=أحذر تراك موقف ٍ بالـردودي

[المعتصم بالله]

ازريت تطلع كلمتك صابك ارهاق=وفلجت نفسك وانت مانت محدودي

سميت نفسك باسم معدوم ميثاق=ووصفت روحك يالغبي باليهودي

[ماله امان]

الظاهر انك صاير ٍ داخــــل ارواق=تمشي على جنبين وانته شــرودي

بعض الاسامي رايحه بس تبراق=فيها الحسد والرجس يتبع حـسودي

[المعتصم بالله]

أثرك على ما قيل يا طاق طرباق=وشعرك على ما قيل ما فيه فودي

ترجي تبا رحمه تبا مني اعتاق=والحبل برقبتك تراه معقودي

[ماله امان]

خلك تهنفل دونها كل مـــزلاق=عدل بيوت البيت ويأ العمــودي

مالك كرامه فوقها حيل وارناق=خلك مريح حول ذيك العـدودي

[المعتصم بالله]

طبعك على درب الردى دوم سباق=واصبحت لا حامد ولا انت محمودي

لكن تريح قبل تاتيك الاوراق=بالصفحه اللي مرصعه بالعقودي

[المعتصم بالله]

ماله امان

صح لسانك شاعر ولك كل الاحترام

القلوب صحاح طال عمرك

تحياتي

[ماله امان]

المعنصم بالله صح لسانك ومشكور على المحاوره الجزله وستلم اخر الرد ولنا لقاءات انشالله،،،،،


دور خريمه واتبع الطاق بالطــاق=الملح ثاير والبلاء فالفــــرودي

وارقد وتصبح لين يبد ٍ الاشفـــاق=مادام جدك قارب ٍ من جدودي