المساعد الشخصي الرقمي

مشاهدة النسخة كاملة : ياطلال ابن ثعلي اقرب اقرب وسلم

صافي النية
06-Nov-2003, 09:34 PM
ياطلال ابن ثعلي اقرب اقرب وسلم

عهدتك يالمراقب كان ودك تعلم

وللحمول الثقيله يابن عمي تولم


جعل فالامر خير وجعل فالامر خيره


سلامي سلامن عد من فالشهر صام 0000 في ليله فضيله من خيار الليالي


ترى نكبة العالم تمـــــــاثيل صدام 00000 بناها ولكن فوق جرفن هيالي
وصل العطياني؟؟؟
06-Nov-2003, 09:45 PM
سنايدي والله يا صافي النية..


إبرد كبدي من طلال ....


تحيااااااااااتي.
طلال الثعلي
07-Nov-2003, 08:12 AM
استلم:

المراقب يطالع في سهيل اليماني
ما يهمه فلان ولا يهمه فلاني
ولايجيب البيوت الا عليها ضماني
جعل فالامر خير,,,,,,,,,,,,,,,,,,

هلا مرحبا عداد ماقايماً قام... ومالاح برقه في صدوق الخيالي
وصدام تمثاله يعد من الاصنام.. وراع الصنم واللي بنا للزوالي
وصل العطياني؟؟؟
07-Nov-2003, 08:47 AM
لا هنتوووووووووا...


خلوا سيرها عدل!!!!
صافي النية
17-Nov-2003, 12:17 AM
العذر اللي يدسم شواربكم لبعدي عن النت :

انا بدعت بعد شفت اسمك متواجد وبغيتها مباشره لكت يمكن انك ما انتبهت :
استلم ياعريب الساس وحياك ياوصل العطا والطيب :


الحرابه تبا اللي يحتسون الحرابه

وابن ثعلي مفادي ماش شيٍ يهابه

والرقيب الله وغيره مانحسـب حسابه

جعل 0000000000000000

انا با انشدك يافلان عن بني الاهرام 00000 وش السر فالاهرام جاوب سوالي ؟؟


ولن كان وانه صدق جفن الاقلام 0000000 تريـــح فظـــل الشجره ام الظلالي
طلال الثعلي
02-Dec-2003, 11:04 PM
المعذره ياصافي النيه

والله مادخلت على النت الا العيد الرابع
من قبل العشر الاواخر..

واستلم:

ابن ثعلي يدور شي منته بيمه
والحرابه طبيعي ياولد ماتهمه
شابحاتا عيونه في كبار الاعمه
..............................................

لاتنشد عن الاهرام والطير حوام_ وتصبح وحيد مقيدا بالحبالي
وجفنا ينام وجفن بالغبن مانام_يكود القلوب اللي طمسها الهبالي
صافي النية
04-Dec-2003, 12:02 AM
من العااايدين وهلابك

يالقرم وعلى مهلنا اشغلتنا وظايفنا وابعدتنا عن النت :


عاد عيدك وبعد العيــــــــــــــد يامرحبابك

احسب احسب حسابي وانا حاسب حسابك


ولا تشنط عيـــــــــــــــونك تحسبنا نهااابك


جعل 000000000000000000000


ترى طير ابن برمان لاطاح ماقام

يضوي على راعيه ســــــمٍ زلالي


عسى الله يديم الشجره تظل الايتااام

وانا خابر الاقصى واعرف الموالي
طلال الثعلي
04-Dec-2003, 03:30 AM
وانت من الفايزين

وكل عام وانت بخير

معككككك

انت صافي لكن الوقت ماهو بصافي
سبع تضوي سمان وسبع تضوي عجافي
وانت عيدت مير العيد فيه اختلافي
جعل................................
نبيها على غانم وجت فوق غنام
ياصافي تعين في وسوم الجمالي

وشجرتك بالتوقيت باقي لها عام
بعد غًيرت فيها السنين التوالي
صافي النية
04-Dec-2003, 01:56 PM
اسمع :

الجرس في ديار الغرب يافلان دني

والعرب مادرت مابين شكٍ وظني

والمذاهب تغير بين شيعي وسني


جعل 000000000000000000


فطريق السيول انته تبني لك خيااام

وجمال التهامي عقلت بالعقااالي


مادام انك عتيبي على دين الاسلام


معك قرنن انطح به حيود الجبالي
طلال الثعلي
05-Dec-2003, 09:44 PM
اخوي صافي النيه للتنبيه.

الشطرين الاولى من كل بيت(الشيله) ينقصها قليل من الوزن
او ان الكتابه لها لخبطت البيتين


دندنت دندنت والدندنه للخواجه
طاح جدره ودوخنا بكثر احتجاجه
حملوها البعير وكلها من دجاجه
جعل...............

احد يالربع ينلام واحدا مايلاًم
دخيلك ياصافي لايطول الجدالي

ليا زلت الاقدام تفداك الاقدام
وعلمك هذا ياذيب ياما طرالي
ذياب المرشدي
05-Dec-2003, 10:25 PM
اشهد بالله محاوره

قمه فالروعه


ولاهي غريبه

على نجوم الهيلا

والتحيه

لطلال وصافي النيه


وللجميع اتنمى لهم التوفيق

ووصل يقول ابرد كبده من طلال

وهذا الشئ يزعلنا يالمزاحمه ههه

ولو قال بيت خلاناها رباعيه وياحظ اللي يسلم










وللجميع اكرر تحيتي ومني خالص الود والمحبه للمبدع وصل العطياني
طلال الثعلي
05-Dec-2003, 11:10 PM
اخوي ذياب

ماعليك من وصل

تراه جفول.ههه
صنيتان قرداحي
06-Dec-2003, 01:22 AM
يا سلالالالالالام

بيض الله وجيهكم صافي النية ,,,,,,,طلال الثعلي >>> نجوم بلا منازع

!!! بينكم والمعاني مثل دق الشباري,
طلال الثعلي
08-Dec-2003, 12:32 AM
اخوي ذياب

مرورك يسعدنا

ولك التحيه
طلال الثعلي
08-Dec-2003, 12:34 AM
صنيتان قرداحي

مرورك تشريف

لك تحياتي...
وصل العطياني؟؟؟
08-Dec-2003, 01:21 AM
وصل جفول؟؟!!

يمكن تقصد جفالي!!!!


والله حلوة أسير شبح!!!!!!

ههههههه



تحيااااااااااتي.