خلوووووها

[ابو بندر]

سلام تسليمه لها فالبلد نور=نسري بها فالليل الأسود ليا طاح
بغيت الي شاعر مهندس ودكتور=وليا زهمته جاني وجاب الارباح

[القوبعــي]

صح الســـــــــــانك

[ابو بندر]

الأخ القوبعي
صح بدنك

[العتيبي المميز]

صح لسانك يا شاعرنا

ماني شاعر والا والله ما نكره نتحاور معاك

والمحاوره وياك نوماس

[عبد المحسن الحلحلي]

من شاعرٍ ثابت ومن ربع مستور= خليفته لا قيل مستورنا راح

الليل نسري فوق حرة وباكور=والشعر دوله بين جيّه و مرواح

[ابو بندر]

النوماس وجودك ياولد العم
وصح الله بدنك..

[ابو بندر]

النا الشرف باللي لهم علم مذكور=هذاك ابو تركي للأخصام نطاح
خلك بظل الغصن والبيت معمور=وقطف من الأثمار مشمش وتفاح

[عبد المحسن الحلحلي]

ما يرتكي للحمل عايب ومجبور= والعلم ما يحتاج دارس وشرّاح

تضحك ودمع العين فالعين محجور= والقلب من غبنٍ على القلب فوّاح

[ابو بندر]

يصاحبي مايدفع الدين معسور=الا رجل فيدينه المال سباح
ياكثر مافي الناس من عمياً وعور=قلبي نظيف وقلبك اللي به اجراح

[عبد المحسن الحلحلي]

لا شك منته من هلا الطيب مشهور=يا اللي تدوّج بين مكة والأسياح

قفى زمن مطلق وصياف بالدور=وأقبل زمان العولمة والتفتّاح

[ابو بندر]

مشكور ياللي تطلب الشر مشكور=المسلمين اهل العفو وأهل الأصلاح
الضلع فيه اسباع وذياب ونمور=خايف يجيك الموت من نمر ذباح

[عبد المحسن الحلحلي]

دام البلا والشر بالخير مدحور= صل الصلاة الفرض وارتاح وارتاح

يا اللي رقيت الضلع فالضلع سابور=الذيب ما بدّل بصوته ولا صاح

[عبد المحسن الحلحلي]

أخوي أبو بندر

طاروق ممتع

وشاعر جزل (ما فيك حيلة)

أرجوا

أن تسمح لي إلى هذا الحد

كما تعرف ورانا فجر وداوم بدري

أشكرك على اتاحة الفرصة لي

مودتي

الحلحلي

[ابو بندر]

شكرا لك وصح لسانك
وما فيك حيله
تصبح على خير