نادى المنادي ..

[شجاع السواط]

مساكم الله بالخير والمجال مفتوح ..




هلا مرحبا ترحيب وافي وموزون = بعد بانت النيه ونادى المنادي

رعاة البقر في كل وادي يهيمون = وثارت مغازيهم على خير هادي

[نايف بن ملحق الثعلي]

يدوم البقا والفوز مكسب ومضمون =وابا اشب نارن ماتعود رمادى
ولا يالسواط الناس صاحى ومجنون =ياراع المطيه لا يطيح الشدادى

[العتيبي المميز]

صح السنتكم يا شعارنا

وبيض الله وجيهكم

[شجاع السواط]

يالله حي نايف

ولا يارجال العرف تكفون تكفون = نبا نشعل النيران في كل وادي

يانايف تشوف الغرب قاموا يسبون = وحنا نطارد في سعاد وهنادي

[شجاع السواط]

العتيبي المميز هلا وغلا

وصح بدنك

[نايف بن ملحق الثعلي]

الله يبقيك يا شجاع


ترانا هل العادات وانتم تعرفون=ومن لا يعرف العلم يقلون غادي
عسى الله يعز الدين وبليس ملعون=وحنا سمعنا العلم في كل رادي

[نايف بن ملحق الثعلي]

العتيبي المميز صح بدنك وجهك ابيض

[مرزوق الجعيد]

ولا يارجال العرف تكفون تكفون = نبا نشعل النيران في كل وادي


الله الله

ابداع

من الشاعرين

واصلو

وعساكم على القوه وبيض الله وجيهكم

وهذي المواضيع التي يجب ان تذهب لها المحاوره في هذا الزمن

متابع لكم

[شجاع السواط]

ليا دندنت جا للدنادين دندون =ترى العلم يبغا رجل حرب وقيادي

سمعتوا خبر لاكنكم وش تسوون = ترى الحر مايرضى بغير الهدادي

[شجاع السواط]

وجهك ابيض يامرزوق الجعيد

والله يقويك ويسلمك يالغالي ..

[علي فلاح العضياني]

الله الله




مشكورين يا شجاع ونايف على المحاوره الطيبه الله يطيب فالكم واعمالكم

[شجاع السواط]

الفالح هلا وغلا

وفالك الطيب والتوفبق ..

[نايف بن ملحق الثعلي]

ترانا سبقناكم على العسر والهون=وانا خابرك فارس ويحداك حادي
ولا يالسواط السر ما هو بمدفون=لكنك تحب الحر ولا البرادي

[شجاع السواط]

انا اشهد سبقتونا على فلم كرتون = وحنا سبقنا بالسيوف الحدادي

حسبتك من اللي فالمواقف يثورون = واثرك تقهقر يوم قدح الزنادي

[نايف بن ملحق الثعلي]

شجاع السواط اعرفك منته بمامون=وحنا نعرفك يالكذوب الربادي
ولا ياجماعة خير ماعاد تدرون=تخلطون في الدنيا بياض وسوادي

[نايف بن ملحق الثعلي]

مرزوق الجعيد قواك الله

الفالح ارحب يالغالي

[شجاع السواط]

تعرضت للي فالمساجد يصلون=وعودت فالمنبر تصيح وتنادي

بعد صار حبك فالرحا حب مطحون = بدى الفرق بين المعرفه والدوادي

[نايف بن ملحق الثعلي]

صح السانك يالغالي

تصبح على خير