الجذع سلطان بين الصفوف

[معجب العتيبي]

العلم والمبدع سلطان الجذع
وش رايك تشرف اخوك باللعب معه في طاروق


سلام الله سلامٍ بدا من صادق احساس=بدا من صادق احساس في قلبٍ نقاوي
انا شفت الجذع جالسٍ مابين هالناس=وانا مدري مراقب قسم والا هواوي

[النّاشي]

صح لسانك يامعحب

وصح لسان سلطان مقدماً

تحياتي

[علي فلاح العضياني]

سلام الله سلامٍ بدا من صادق احساس
بدا من صادق احساس في قلبٍ نقاوي
انا شفت الجذع جالسٍ مابين هالناس
وانا مدري مراقب قسم والا هـواوي




صح لسان يا ابو سلطان على هالبدايه وانا شايف اللي انت شايفه ههههههه




وفي انتظار الاسطوره وصح لسانه مقدماً

[سلطان الجـذع]

هلا يامرحبا من صليب الراس والراس =غناوي حنكه وعرف ..يامعجب غناوي
ألي في مجلس العز واهل العز مجلاس =لكن المشرف اللي يغني ويش ناوي

[سلطان الجـذع]

الناشي ...

صح بدنكـ ولاهنت على تواجدكـ



علي ..ويش انت شايف يامال الغناه !!

صح بدنكـ ولاهنت على تواجدكـ

[نايف بن ملحق الثعلي]

معجب العتيبي صح السانك

سلطان الجذع صح السانك

الليل يا شعار على القوه

[معجب العتيبي]

يدوم الك البقا يالجذع يا طيّب الساس=تقوله واشهد انك من اصحاب الرهاوي
انا ماقلتلي شي لكن جيت عساس=ولامني نويت الخبر عند العطاوي

[زيد الرايز]

صح لسانك يا معجب العتيبي

وصح لسانك يا سلطان الجذع


لي الشرف بحضور هذه المحاورة

واصوا الابداع لا هنتوا

[سلطان الجـذع]

انا أعرف بحر جده يضم اللول والماس =واعرف الوادي اللي . . سنه واكثر سناوي
دخيلك لاتجدد علوم ...خليف دواس =تضيع الظهر بين الرفيعه والصداوي

[سلمان الروقي]

معجب العتيبي


سلطان الجذع


صحت السنتكم

تحياااتي,,,,,

[معجب العتيبي]

المبدع سلطان انتظرت وطولت علي وطلعت
ورجعت قبل دقايق لكن استلم وبكره نكمل:


انا ادريبك تغوص البحر يا استاذ غطاس=لكن قلي وش اتجيب لامن جيت ضاوي
ياسلطان الجذع لايجي فالقلب وسواس=وخلق الله تراها تسبب لك بلاوي