علي العضياني حان الوعد

[نايف بن ملحق الثعلي]

ياسلام وتحيه والعلم مرفوع=يحفظ الله حكام السعوديه
ياعلي منت قادر تبني المشروع=وانت تلعبك الناس الحراميه

[راع العلطا]

ياسلام وتحيه والعلم مرفوع=يحفظ الله حكام السعوديه
ياعلي منت قادر تبني المشروع=وانت تلعبك الناس الحراميه




صح لسانك يالروقي نايف مبدا كايف


وصح اللسان علي العضياني مقدماً


على القوه وسجلوني متابع,,

[نايف بن ملحق الثعلي]

راع العطا صح بدنك

نورت الصفحه

[علي فلاح العضياني]

مرحبا باسم قومٍ صيتهم مسموع=كلنا ربع والعزوه عتيبيه
صاحبك لو يصمّل ينهي الموضوع=والله انّه معي ما ياخذ شويّه

[عبدالعزيز نايف الدلبحي]

سلام


صحت الالسن



متابع

[نايف بن ملحق الثعلي]

هات ما في ضميرك والزعل ممنوع=وانته اخر زمانك تاكل النيه
منت قادر ولو انك تحب الكوع=وانت محتار في هاذي وهاذيه

[نايف بن ملحق الثعلي]

عبد العزيز حياك الله

صح بدنك

[معجب العتيبي]

نايف الابداع
يلتقي مع الفالح

ليتجدد النور في المنتدى


عليكم الابداع وعلينا المتابعه والاستفاده

[نايف بن ملحق الثعلي]

معجب العتيبي نورت الصفحه

الابداع وجودك معنا

[علي فلاح العضياني]

الخطاء يا وسيع المعرفه مرجوع=انت لا تجزي الحسنات بالسيّه
تعرف انّي ليا حان الوعد صعصوع=ارفع الراس من زود الشهاميّه

[زيد الرايز]

نايف وعلي اعلام من اعلام المحاورة

صحت الالسن والقلوب مبدعين

[نايف بن ملحق الثعلي]

انت تبغا الغنيمه في شهر وسبوع=والدعاوي ترا ماهيب سريه
لا تعود تحوص كنك الجربوع=واحترص لا تطيح ابنارنا الحيه

[سلمان الروقي]

نايف الروقي

علي العضياني



صحت السنتكم


تحياااتي,,

[نايف بن ملحق الثعلي]

زيد الرايز نورت الصفحه

سلمان الروقي صح بدنك

[قادح شرار]

نايف الروقي , الفالح : صحت ألسنتكم , ويشهد الباري إنكم مبدعين يا عيال العم .



تقبلوا مروري.




أخوكم/قادح شرار.

[نايف بن ملحق الثعلي]

قادح شرار صح بدنك

نورت الصفحه يالغالي

[علي فلاح العضياني]

الغنايم تجي من كل شكل و نوع= من مغيث الفقارى والغناويه
انت من يمّكم حبل الرجا مقطوع=المكاسيب ما هي منك مرجيّه

[نايف بن ملحق الثعلي]

انت منت بغني وانته ذبحك الجوع=تلبس اثياب يارجال عاريه
ياصخيف الجنوب اثرك بدون اضلوع=تحسبنك معك حربه وجنبيه

[علي فلاح العضياني]

انت طيرً تلاوعك النوادر لوع=صيدةٍ في مخاليب النداويّه
ثوبك اللي قماشه من ورى مرقوع=ما يدفّيك لن هبّت شماليّه

[نايف بن ملحق الثعلي]

العرب تعرف الطامع من المطموع=وانت صيده ومطبوخه ومشويه
اللغم في طريقك ياعلي مزروع=جاتك علوم مربوعه ومثنيه

[بارود عازمي]

صحت الالسن والقلوب

[سلطـان الدلبــــــحي]

انت منت بغني وانته ذبحك الجوع=تلبس اثياب يارجال عاريه
ياصخيف الجنوب اثرك بدون اضلوع=تحسبنك معك حربه وجنبيه








هههههههههههههههههههههههههههههههههههههههههههههههههه هههههههههههآيّ


اللهّ عليكّ يابوّ ملحقّ

صح لسانكّ ملاييينّ :

ولا يهون ابو فلاحّ :

مبدعيّن كالعادّهـ :

تحياتيّ

..