محب الهيلا
29-Feb-2008, 02:28 AM
السلام عليكم ورحمة الله وبركاته
مما خلده التاريخ وقد ثبت تواتراً ,قصة دباس وابوه
وكلهم شعار دواهي..
والقصه تقول
.........................
انه كان فيه رّجال دوسري اسمه محمد (وقيل راشد) وكانت مضاربه حول الخرج!!!! وكان راعي حلال ومال وامره مطاع في قبيلته وهو منصى للضيوف والمتخاصمين وله ميقاف يهول دون العدى
.............
وجاله ولد وسماه ((دباس)) وعقبه بنتين..وبعدها ماتت زوجته(ويقال انها ماماتت لكن ابو دباس عافها)
........................
المهم ان الرجّال تزوج حرمه ثانيه وهذا الشي زعل دباس اللي كان فالعشرينات..
وكل شوي والزعل من زياده في زياده وهو يشوف ان ابوه معطي زوجته الجديده اكثر من حقها وانه يصدقها ويسمع كلامها فيه و..و..
.................
الوكاد ان دباس قرر يجلي عن ابوه..ويقولون الرواه انه راح للعراق وبعضهم يقول انه استقر في ايران...وايّا كان فان الديره اللي استقر فيها
كانت ديار شيعه
............
الوكاد مرت الايام وكبر ابو دباس...وكان لحرمته الجديده اخوان واجد
وكانوا يبغون البنات (خوات دباس) وعيّا الشايب وجا بينهم مقاشر وراحوا ارحامه يذونه مع كل درب وكلما كبر وضعف ازدادوا قوه وظلم..
لين راحوا يقطعون الما عن بلاده(مزرعته) ويتصرفون في حلاله ويزحمونه في الطريق ...لين شاف منهم الذل ...وكانوا اذا شب ناره يرسلون له من يطفيها ويهينه ويمسح رمادها على وجهه
......................
وراحوا يطلعون اشاعات عن دباس ..انه فالّها في ديار الشيعه وانه جالس يعربد ويشرب الخمر ويجلس مع المغنين واهل الطرب وانه فاسد..
................
الوكاد ان الشايب ضاقت به الارض وكان دباس قد صارله ثمان سنين غايب
ولولا انه يخاف على بناته من اذى ارحامه كان سافر يدوّر ولده
وليله من الليالي ويتهيض الشايب من غيبة دباس ومن حالته وهو يهل العباير والقصيد (64بيت)..
وهو يجهز هاك المطيه (او مطيتين) ويرسل عليها هاك النشمي (ويقال اثنين)المهم.. وقالهم دوروا دباس وعطوه الرساله وليا عطيتوها اياه ترى المطايا لكم
....................
الوكاد سروا النشامى لين جوا البصره ونشدوا عنه وانه وراها ..المهم انهم لقوه وعلموه بحال ابوه وعطوه الرساله
واسمعوا وش لقى فيها...بالله اسمعوووووووووووووووووووووا
......................................
ياونة(ن) ونّيتها من خوا الــراس **من لاهب(ن) بالكبد مثل السعيره
ونين من رجله غدت مثل مقواس**ويونّ تالي الليل يشكي الجبيـــــره
وياملّ قلبي مثل بن ٍ بمحـــــماس**ويا هِشْم حالي هَشمها بالنـــــجيره
ويا وجد حالي ياملا وجد غرّاس**يوم اثمرت واْشفا صفا عنْهْ بيــــره
........ ....... ........ ................
من ثـَمْرْ قلبي اللي سرا هجعة الناس* متنحر ٍ درب ٍ عسى فيه خيره
الله يفكه من بلا سو الاتعــــاس **ومن شر عبثات الليالي يجيـــــــره
في ديرة ٍ تقطعت عنه الارماس **سبعين يوم ٍ للركايب مسيــــــــــره
لا والله الا حال من دونه الياس** حَط ّ البحر والبر دون الجزيـــــره
..................................
هذي ثمان (ا)سنين من رحت يـَ ادباس
............................................لـَ ارسالة ٍ جتني ولا من بريره
يـَ ادباس من عقبك ترى البال محتاس
.........................................وعليك دمع العين حرّق نظيـــــره
وعليك كنّي في دجا الليل حـــــــراس
..........................................اصبح على حيلي وعيني سهيره
اصبحت انا مابين طاري وهوجاس
.........................................وطواري ٍ تطري علينا كثيــــــره
.......................................
متحيّر ٍ من عيلة البيت يـَ ادبــــاس ** ارجي ثواب الله واخاف المعيره
اخاف من حكي العدى ثم الانجـاس ** اهل الحكايا الطايله والقصيـــره
ويقال خلا عيلته عن نزا الــــراس ** واقفا وخلا عيلةٍ له صغيــــــــره
والا فـَ انا يابوك قطّاع الارمــاس ** ما ني بمثبور ٍ ورجلي كســــيره
آصلك لو دونك نِـبا حمر الاعطاس **الصلب والصمان دروبٍ عسيـره
......................................
مهالكٍ مداركٍ مابها اونــــــــــاس **غير الثعل والبوم تسمع صفيره
لو كنت في نزوا وديرة بني يـاس ** اهل الموازي والوجيه الغبــيره
عبّادة الاصنام شرّابة الكــــــاس ** والخمر والتنباك فيها وغـــــيره
لـَ اركب على وجنا ً من الهِجْنْ عرماس
............................................فجّ النحر يـَ ادباس حمرا الظهــــيره
متروسة الفخذين مزبورة الــــــــــراس
...........................................كنّ الخْـلاص (ا)عيونها يوم اديــــره
فيها شِبَهْ رِبْدٍ تخفـّق بالاونــــــــــــــاس
.............................................وان (ا)رفعت جنحانها مستذيـــــره
تنشر من العُوده على ريح الانفـــــاس
...........................................عند الفجر والليل مجفى مريــــــــره
والعصْر بالصمان تــسمع لها ضراس
...........................................حبل الرّسن خَطـْر ٍ تبتِّر جريــــــــره
و(ا)نْهار ثالث بــــــين حِمّا والاوراس
...........................................وآرآ يمامك جِعْـلها لك سفيــــــــــره
ثم اركب (ا) بساجيّـةٍ تقلب الــــراس
..........................................تمشي بهلها فالبحور الغزيـــــــــــره
الى مدى (الفيحاء) بها الخير محتاس
...........................................لولا الكفر والشرك ياهيّ ديـــــــره
عزّ الله انْها ديرةٍ مالها اجنــــــــــاس
..........................................لولا بها يـِعْبَد مع الله غيــــــــــــــره
لولا بها يـشـْرَك بـ(علي) و(عباس)
..........................................وتلقى بها (الفاروق) سبّه بريــــره
هي ديرة اللي باغي ٍ كيفة الــراس
..........................................ولا حدن همه من الناس غيــــــره
هَيس (ا) بـ ذرا الاجواد للصّحْفْ لحاس
............................................يفرح ليا نيدي لذبح العجيـــــــــره
.........................................
يـَ ادباس مايصبر على البق والحاس ** الا الذي ماله بنجدٍ عشيــــره
وذا ماقفك يـَ ادباس مافيه نومــــاس ** يصلح لْقِين ٍ مهنته طق زيره
هِمّ انهض العيرات مع كل فــــــرّاس ** يـَ ادباس دوّر خيّر ٍ تستشيــره
جدّك وعمانك هل العزم والبـــــــاس ** اهل اللوازم مكمدين القصيره
...............................
يـَ ادباس قلبي كل ماهب نســـــــــناس ** شرقيةٍ ولّع بقلبي سعيـــــــــــره
و(ا)غصون قلبي يافتى الجود يــــبّاس **غادي انا يابوك كنّي هشيــــــره
والحال يافرز الوغى مسّه البــــــــاس ** عليك يا نطّاح وجه المغيــــــره
عشرين عام ٍ كلّه ارجيك يـَ ادبــــــاس **مثل الغرير اللي تولّع بطــــــيره
يـَ ادباس انا يابوك مانيب بـــــــــــلاّس ** لكنّ عيلات الرفاقه كثـــــــــيره
اكب وسط السوق وامشي مع الساس** وآخذ قليل الحق واترك كثــــيره
.............................
يا رجعته من قبل غوّال الانـــفاس ** و(ا)مفارَق الدنيا يجينا بشيــــره
عسى يطق الباب والناس غِطّاس ** ياوالي القدره عليك (ا) تْعَبيـــــره
وصلاة ربي عدّ ماهب نسنـــــاس ** على النبي عدة (ا)حقوق المطيره
..............................
والقصيده اطول من كذا لكنها لم تحضرني
....................................
...................................
الوكاد ان دباس يوم قراها جاه الهم والغم وعزّم على الرحيل...وارسل الرد مع المرسول ....وجلس بعدهم فتره وبعدين لحقهم..
المهم ان الرياجيل جابوا الرساله لين سلموها ابو دباس وراح يبكي يوم علموه انه حيّ وانه بيجي ..فوصاهم العود انهم يكتمون الخبر وان نشدهم احد يقولونله مالقيناله خبر ..........
(وكان الشايب يقرا ويكتب) ..ويوم قرا الرساله وان فيهااااااااااا مافيهااااا
.......................
عاد اسمعوووووووا وش فيهااااااااااااا
....................................
حيّ الجواب اللي لفاني من الراس ** جابه غلام ٍ ماتوانا مسيــــــــــره
اهلا هلا به عد ما كْتِبّ قرطـــاس ** او ما انكتب به من بيوتٍ شطيره
جواب من هو لي مودّ ٍ من الناس ** ابوي مايوصف حليّ الغريـــــــره
فرز الوغى كنه على الوكْر قرناس* (ا)قروم ربعه كلها تستشيــــــــره
......................
دليل عيراتٍ الى هب نسنـــــــــــاس ** هيفيةٍ وسما وما به ذخيــــــــــــــره
مهفّي الغنم لهل الركايب والافراس ** ان جو من الهيفا عليهم قصيـــــره
راعي معاميل ٍ بها العبد جــــــلاّس ** لـَ البنّ يشرى بالسنين العســــــيره
هذي (ا)مركّيها وهذي بمحمـــــاس ** وهذي صِـبَبها للوجيه السفـــــــيره
........................
واخلا فذا ياراكب ٍ فوق عرمــــاس ** مامونةٍ من نقوة الهجن عــيره
حمرا وهي في سنّها وَقـْم الاسداس **وابْدن مهي فاطر ولاهي صغيره
ولا هي لحوح ٍ راكبه بالعصا جاس ** حِرِّم عليها غير شيل النجيـــــره
والخِرج هو و(ا)بيوتجيل ٍ بقرطاس ** مع مزهب الايام ماهي كثيـــــره
.............
فوقه غلام ٍ مِنوته قطع الارمــــاس ** لو هلّ ليل ٍ ماتغيّر نظـــــــــيره
وليا لفيت الدار فـَ اجهر بالاحــساس **وبلّغ سلامي كل ذيك العشـــيره
واختص ابوي اللي جفل لاجله الناس** وخصه بعلم وقل تراني بشيره
وان سايلك عني تراني بنومـــــــاس ** وانا احمد اللي ماتوسلت غيره
...........
(ا)مطرّق افرنجي مضاريبه الراس ** و(ا)مصَـلْبَخ ٍ جبته عساني ذخيره
على فشق لا قابل الجمع ينحـــاس**ليما العشير يعاف عشرة عشــــيره
صنّاعها نصرانيْ (ن) يشرب الكاس* يِذكر ورى (جاوا) بعيدن مســــيره
ابغاه للي يحتدونك على الســـــاس ** واهل النمايم والحكايا الكثيــــــره
ربع ٍ نووا فيك الردا والتخسّـــاس ** مهبول ياللي قلت غايب عشيــــره
........................................
يابوي انا مارحت ابي كيفةالراس** مع ذا ولاني في سفاهٍ وغيــــــــــره
إمّا سكنّا الدار من غير هوجاس ** والا نعاف الدار ونشوف غيــــــــره
وكلّه لعينا كلمة ٍ قلت يـَ ادبـــاس ** تشكي وانا دوني بحور ٍ غزيـــــــره
ان كان تشكي الضيم يابوي لاباس ** مطرّق افرنجي ؟؟؟؟؟؟؟؟؟؟؟؟؟؟
والا فـَ انا يابوي قطّاع الارماس ** وامشي على الفرجه ولو هي عسيره
..............................
يامسندي يابوي شوف الذي ناس ** ثم انشده قل ويش اهو في مسيره
ان كان مايفرح صديقك بنوماس ** تحرم علينا اللي نهوده صغيــــــره
مدلول مجمول ٍ زها زين الالباس**وهي بنت من يثني الى جا كبيـــــره
طاري يقول اظهر وطاري بمجلاس* قمت اشرب التنباك واثره نكيـــره
ابغى عسى لي يبرد القلب ياناس** من لاهبٍ حرّق بقلبي سعيـــــــــره
...........................
ومن كان له غايب فلا يقطع الياس ** ان قدّر الله جاب علمه بشـــيره
في ساعة اللي قلت والناس غِطّاس** ياوالي الدنيا عليك (ا)تعبيـــــره
وجدي عليكم وجد من باللقا جــاس ** خِلّي طريح ٍ فوق وجه الغبــيره
او وجد من شوّح بدار ٍ ولا جــاس ** (بابورهم) بان الخلل في مسيره
ارْخَصْ بـ ذبّ المال وهوه بالاكياس** ويصيح لـ(الربّان) مامن جزيره
وصلاة ربي عد ؟؟؟؟؟؟؟؟؟؟؟؟اس ** على نبي (ا)منفل ٍ بالجزيــــــره
...................................
...والقصيده اطول من كذا لكن الذاكره الله بالخير
..............................
الوكاد يوم قراها الشايب وهو يهل العباير من الفرحه ومغار يعدي على روس الضلاعين والجذايب اظنه يشوف دباس اذا جا ....
....................
وهذا هو على ذا الحال اكثر حول ثلاث شهور.واخوان زوجته مواصلين على اذاه وقطع الما عن نخله....لين جاته وحده من بناته من يم نخله وقالتله ان الماء المقطوع مشى الى المزرعه لكنه فيه حمره(يعني فيه لون احمر) ...والشايب تغرورق عينه بالدمع ...وخافت بنته وراحت تبكي ماتدري وش فيه ابوها ....وراح الشايب يمسح على رراسها ويقولها هذا يابوك دباس ذبح فلان على ساقة الما..(وفلان هذا هو المختص بقطع الما)
...........................
ويوم غابت الشمس وان دباس لافي ..وفرحة ابوه به فرحة يعقوب بيوسف(عليهم السلام)....
............
الوكاد ودباس يشب النار....يبغا يستثير ارحامه ..لانهم كانوا اذا ابو دباس شب النار يروحون يطفونها (كما ذكرت سابقا)..
المهم يوم شبها ويفطنون الارحام ويزعل كبيرهم .....وهو يرسل واحد من اخوانه وقاله طف ناره ومرغ وجهه في رمادها وتعال
......................
ويوم اقبل المرسول وان دباس معه... وهو يذكيه ذكاة الشاة ...ويطش راسه بين يدين ابوه ......
ويوم ابطى المرسول على ربعه ونار ابو دباس مازالت والعه قالوا اكيد انه مقروص والا طايح في البير
...وارسلوا واحد ثاني يطفي النار ويجيب علم خويه اللي قبله....ويوم اقبل على نار ابو دباس وان دباس معه ..(ونفس الطريقه) ..ذكاه وطش راسه عند ابوه يباه يشفي غليله.....
الوكاد يوم ابطى الثاني وهم يرسلون ثالث......ولا بقى الا اكبرهم واللي ادون منه.....ويوم ابطى الثالث ....وجا كبيرهم بيرسل الرابع ...قال الرابع
ان جيتكم علمتكم بالعلم وان ماجيتكم ترى العلم عند دباس...وراح ولا عاد جا....ويوم ابطا وكبيرهم يلمم عفشه يبا المسرا والحياه......ويوم تباطاه دباس عرف انه بينحاش..وهو يلحقه ويجيب راسه...
مما خلده التاريخ وقد ثبت تواتراً ,قصة دباس وابوه
وكلهم شعار دواهي..
والقصه تقول
.........................
انه كان فيه رّجال دوسري اسمه محمد (وقيل راشد) وكانت مضاربه حول الخرج!!!! وكان راعي حلال ومال وامره مطاع في قبيلته وهو منصى للضيوف والمتخاصمين وله ميقاف يهول دون العدى
.............
وجاله ولد وسماه ((دباس)) وعقبه بنتين..وبعدها ماتت زوجته(ويقال انها ماماتت لكن ابو دباس عافها)
........................
المهم ان الرجّال تزوج حرمه ثانيه وهذا الشي زعل دباس اللي كان فالعشرينات..
وكل شوي والزعل من زياده في زياده وهو يشوف ان ابوه معطي زوجته الجديده اكثر من حقها وانه يصدقها ويسمع كلامها فيه و..و..
.................
الوكاد ان دباس قرر يجلي عن ابوه..ويقولون الرواه انه راح للعراق وبعضهم يقول انه استقر في ايران...وايّا كان فان الديره اللي استقر فيها
كانت ديار شيعه
............
الوكاد مرت الايام وكبر ابو دباس...وكان لحرمته الجديده اخوان واجد
وكانوا يبغون البنات (خوات دباس) وعيّا الشايب وجا بينهم مقاشر وراحوا ارحامه يذونه مع كل درب وكلما كبر وضعف ازدادوا قوه وظلم..
لين راحوا يقطعون الما عن بلاده(مزرعته) ويتصرفون في حلاله ويزحمونه في الطريق ...لين شاف منهم الذل ...وكانوا اذا شب ناره يرسلون له من يطفيها ويهينه ويمسح رمادها على وجهه
......................
وراحوا يطلعون اشاعات عن دباس ..انه فالّها في ديار الشيعه وانه جالس يعربد ويشرب الخمر ويجلس مع المغنين واهل الطرب وانه فاسد..
................
الوكاد ان الشايب ضاقت به الارض وكان دباس قد صارله ثمان سنين غايب
ولولا انه يخاف على بناته من اذى ارحامه كان سافر يدوّر ولده
وليله من الليالي ويتهيض الشايب من غيبة دباس ومن حالته وهو يهل العباير والقصيد (64بيت)..
وهو يجهز هاك المطيه (او مطيتين) ويرسل عليها هاك النشمي (ويقال اثنين)المهم.. وقالهم دوروا دباس وعطوه الرساله وليا عطيتوها اياه ترى المطايا لكم
....................
الوكاد سروا النشامى لين جوا البصره ونشدوا عنه وانه وراها ..المهم انهم لقوه وعلموه بحال ابوه وعطوه الرساله
واسمعوا وش لقى فيها...بالله اسمعوووووووووووووووووووووا
......................................
ياونة(ن) ونّيتها من خوا الــراس **من لاهب(ن) بالكبد مثل السعيره
ونين من رجله غدت مثل مقواس**ويونّ تالي الليل يشكي الجبيـــــره
وياملّ قلبي مثل بن ٍ بمحـــــماس**ويا هِشْم حالي هَشمها بالنـــــجيره
ويا وجد حالي ياملا وجد غرّاس**يوم اثمرت واْشفا صفا عنْهْ بيــــره
........ ....... ........ ................
من ثـَمْرْ قلبي اللي سرا هجعة الناس* متنحر ٍ درب ٍ عسى فيه خيره
الله يفكه من بلا سو الاتعــــاس **ومن شر عبثات الليالي يجيـــــــره
في ديرة ٍ تقطعت عنه الارماس **سبعين يوم ٍ للركايب مسيــــــــــره
لا والله الا حال من دونه الياس** حَط ّ البحر والبر دون الجزيـــــره
..................................
هذي ثمان (ا)سنين من رحت يـَ ادباس
............................................لـَ ارسالة ٍ جتني ولا من بريره
يـَ ادباس من عقبك ترى البال محتاس
.........................................وعليك دمع العين حرّق نظيـــــره
وعليك كنّي في دجا الليل حـــــــراس
..........................................اصبح على حيلي وعيني سهيره
اصبحت انا مابين طاري وهوجاس
.........................................وطواري ٍ تطري علينا كثيــــــره
.......................................
متحيّر ٍ من عيلة البيت يـَ ادبــــاس ** ارجي ثواب الله واخاف المعيره
اخاف من حكي العدى ثم الانجـاس ** اهل الحكايا الطايله والقصيـــره
ويقال خلا عيلته عن نزا الــــراس ** واقفا وخلا عيلةٍ له صغيــــــــره
والا فـَ انا يابوك قطّاع الارمــاس ** ما ني بمثبور ٍ ورجلي كســــيره
آصلك لو دونك نِـبا حمر الاعطاس **الصلب والصمان دروبٍ عسيـره
......................................
مهالكٍ مداركٍ مابها اونــــــــــاس **غير الثعل والبوم تسمع صفيره
لو كنت في نزوا وديرة بني يـاس ** اهل الموازي والوجيه الغبــيره
عبّادة الاصنام شرّابة الكــــــاس ** والخمر والتنباك فيها وغـــــيره
لـَ اركب على وجنا ً من الهِجْنْ عرماس
............................................فجّ النحر يـَ ادباس حمرا الظهــــيره
متروسة الفخذين مزبورة الــــــــــراس
...........................................كنّ الخْـلاص (ا)عيونها يوم اديــــره
فيها شِبَهْ رِبْدٍ تخفـّق بالاونــــــــــــــاس
.............................................وان (ا)رفعت جنحانها مستذيـــــره
تنشر من العُوده على ريح الانفـــــاس
...........................................عند الفجر والليل مجفى مريــــــــره
والعصْر بالصمان تــسمع لها ضراس
...........................................حبل الرّسن خَطـْر ٍ تبتِّر جريــــــــره
و(ا)نْهار ثالث بــــــين حِمّا والاوراس
...........................................وآرآ يمامك جِعْـلها لك سفيــــــــــره
ثم اركب (ا) بساجيّـةٍ تقلب الــــراس
..........................................تمشي بهلها فالبحور الغزيـــــــــــره
الى مدى (الفيحاء) بها الخير محتاس
...........................................لولا الكفر والشرك ياهيّ ديـــــــره
عزّ الله انْها ديرةٍ مالها اجنــــــــــاس
..........................................لولا بها يـِعْبَد مع الله غيــــــــــــــره
لولا بها يـشـْرَك بـ(علي) و(عباس)
..........................................وتلقى بها (الفاروق) سبّه بريــــره
هي ديرة اللي باغي ٍ كيفة الــراس
..........................................ولا حدن همه من الناس غيــــــره
هَيس (ا) بـ ذرا الاجواد للصّحْفْ لحاس
............................................يفرح ليا نيدي لذبح العجيـــــــــره
.........................................
يـَ ادباس مايصبر على البق والحاس ** الا الذي ماله بنجدٍ عشيــــره
وذا ماقفك يـَ ادباس مافيه نومــــاس ** يصلح لْقِين ٍ مهنته طق زيره
هِمّ انهض العيرات مع كل فــــــرّاس ** يـَ ادباس دوّر خيّر ٍ تستشيــره
جدّك وعمانك هل العزم والبـــــــاس ** اهل اللوازم مكمدين القصيره
...............................
يـَ ادباس قلبي كل ماهب نســـــــــناس ** شرقيةٍ ولّع بقلبي سعيـــــــــــره
و(ا)غصون قلبي يافتى الجود يــــبّاس **غادي انا يابوك كنّي هشيــــــره
والحال يافرز الوغى مسّه البــــــــاس ** عليك يا نطّاح وجه المغيــــــره
عشرين عام ٍ كلّه ارجيك يـَ ادبــــــاس **مثل الغرير اللي تولّع بطــــــيره
يـَ ادباس انا يابوك مانيب بـــــــــــلاّس ** لكنّ عيلات الرفاقه كثـــــــــيره
اكب وسط السوق وامشي مع الساس** وآخذ قليل الحق واترك كثــــيره
.............................
يا رجعته من قبل غوّال الانـــفاس ** و(ا)مفارَق الدنيا يجينا بشيــــره
عسى يطق الباب والناس غِطّاس ** ياوالي القدره عليك (ا) تْعَبيـــــره
وصلاة ربي عدّ ماهب نسنـــــاس ** على النبي عدة (ا)حقوق المطيره
..............................
والقصيده اطول من كذا لكنها لم تحضرني
....................................
...................................
الوكاد ان دباس يوم قراها جاه الهم والغم وعزّم على الرحيل...وارسل الرد مع المرسول ....وجلس بعدهم فتره وبعدين لحقهم..
المهم ان الرياجيل جابوا الرساله لين سلموها ابو دباس وراح يبكي يوم علموه انه حيّ وانه بيجي ..فوصاهم العود انهم يكتمون الخبر وان نشدهم احد يقولونله مالقيناله خبر ..........
(وكان الشايب يقرا ويكتب) ..ويوم قرا الرساله وان فيهااااااااااا مافيهااااا
.......................
عاد اسمعوووووووا وش فيهااااااااااااا
....................................
حيّ الجواب اللي لفاني من الراس ** جابه غلام ٍ ماتوانا مسيــــــــــره
اهلا هلا به عد ما كْتِبّ قرطـــاس ** او ما انكتب به من بيوتٍ شطيره
جواب من هو لي مودّ ٍ من الناس ** ابوي مايوصف حليّ الغريـــــــره
فرز الوغى كنه على الوكْر قرناس* (ا)قروم ربعه كلها تستشيــــــــره
......................
دليل عيراتٍ الى هب نسنـــــــــــاس ** هيفيةٍ وسما وما به ذخيــــــــــــــره
مهفّي الغنم لهل الركايب والافراس ** ان جو من الهيفا عليهم قصيـــــره
راعي معاميل ٍ بها العبد جــــــلاّس ** لـَ البنّ يشرى بالسنين العســــــيره
هذي (ا)مركّيها وهذي بمحمـــــاس ** وهذي صِـبَبها للوجيه السفـــــــيره
........................
واخلا فذا ياراكب ٍ فوق عرمــــاس ** مامونةٍ من نقوة الهجن عــيره
حمرا وهي في سنّها وَقـْم الاسداس **وابْدن مهي فاطر ولاهي صغيره
ولا هي لحوح ٍ راكبه بالعصا جاس ** حِرِّم عليها غير شيل النجيـــــره
والخِرج هو و(ا)بيوتجيل ٍ بقرطاس ** مع مزهب الايام ماهي كثيـــــره
.............
فوقه غلام ٍ مِنوته قطع الارمــــاس ** لو هلّ ليل ٍ ماتغيّر نظـــــــــيره
وليا لفيت الدار فـَ اجهر بالاحــساس **وبلّغ سلامي كل ذيك العشـــيره
واختص ابوي اللي جفل لاجله الناس** وخصه بعلم وقل تراني بشيره
وان سايلك عني تراني بنومـــــــاس ** وانا احمد اللي ماتوسلت غيره
...........
(ا)مطرّق افرنجي مضاريبه الراس ** و(ا)مصَـلْبَخ ٍ جبته عساني ذخيره
على فشق لا قابل الجمع ينحـــاس**ليما العشير يعاف عشرة عشــــيره
صنّاعها نصرانيْ (ن) يشرب الكاس* يِذكر ورى (جاوا) بعيدن مســــيره
ابغاه للي يحتدونك على الســـــاس ** واهل النمايم والحكايا الكثيــــــره
ربع ٍ نووا فيك الردا والتخسّـــاس ** مهبول ياللي قلت غايب عشيــــره
........................................
يابوي انا مارحت ابي كيفةالراس** مع ذا ولاني في سفاهٍ وغيــــــــــره
إمّا سكنّا الدار من غير هوجاس ** والا نعاف الدار ونشوف غيــــــــره
وكلّه لعينا كلمة ٍ قلت يـَ ادبـــاس ** تشكي وانا دوني بحور ٍ غزيـــــــره
ان كان تشكي الضيم يابوي لاباس ** مطرّق افرنجي ؟؟؟؟؟؟؟؟؟؟؟؟؟؟
والا فـَ انا يابوي قطّاع الارماس ** وامشي على الفرجه ولو هي عسيره
..............................
يامسندي يابوي شوف الذي ناس ** ثم انشده قل ويش اهو في مسيره
ان كان مايفرح صديقك بنوماس ** تحرم علينا اللي نهوده صغيــــــره
مدلول مجمول ٍ زها زين الالباس**وهي بنت من يثني الى جا كبيـــــره
طاري يقول اظهر وطاري بمجلاس* قمت اشرب التنباك واثره نكيـــره
ابغى عسى لي يبرد القلب ياناس** من لاهبٍ حرّق بقلبي سعيـــــــــره
...........................
ومن كان له غايب فلا يقطع الياس ** ان قدّر الله جاب علمه بشـــيره
في ساعة اللي قلت والناس غِطّاس** ياوالي الدنيا عليك (ا)تعبيـــــره
وجدي عليكم وجد من باللقا جــاس ** خِلّي طريح ٍ فوق وجه الغبــيره
او وجد من شوّح بدار ٍ ولا جــاس ** (بابورهم) بان الخلل في مسيره
ارْخَصْ بـ ذبّ المال وهوه بالاكياس** ويصيح لـ(الربّان) مامن جزيره
وصلاة ربي عد ؟؟؟؟؟؟؟؟؟؟؟؟اس ** على نبي (ا)منفل ٍ بالجزيــــــره
...................................
...والقصيده اطول من كذا لكن الذاكره الله بالخير
..............................
الوكاد يوم قراها الشايب وهو يهل العباير من الفرحه ومغار يعدي على روس الضلاعين والجذايب اظنه يشوف دباس اذا جا ....
....................
وهذا هو على ذا الحال اكثر حول ثلاث شهور.واخوان زوجته مواصلين على اذاه وقطع الما عن نخله....لين جاته وحده من بناته من يم نخله وقالتله ان الماء المقطوع مشى الى المزرعه لكنه فيه حمره(يعني فيه لون احمر) ...والشايب تغرورق عينه بالدمع ...وخافت بنته وراحت تبكي ماتدري وش فيه ابوها ....وراح الشايب يمسح على رراسها ويقولها هذا يابوك دباس ذبح فلان على ساقة الما..(وفلان هذا هو المختص بقطع الما)
...........................
ويوم غابت الشمس وان دباس لافي ..وفرحة ابوه به فرحة يعقوب بيوسف(عليهم السلام)....
............
الوكاد ودباس يشب النار....يبغا يستثير ارحامه ..لانهم كانوا اذا ابو دباس شب النار يروحون يطفونها (كما ذكرت سابقا)..
المهم يوم شبها ويفطنون الارحام ويزعل كبيرهم .....وهو يرسل واحد من اخوانه وقاله طف ناره ومرغ وجهه في رمادها وتعال
......................
ويوم اقبل المرسول وان دباس معه... وهو يذكيه ذكاة الشاة ...ويطش راسه بين يدين ابوه ......
ويوم ابطى المرسول على ربعه ونار ابو دباس مازالت والعه قالوا اكيد انه مقروص والا طايح في البير
...وارسلوا واحد ثاني يطفي النار ويجيب علم خويه اللي قبله....ويوم اقبل على نار ابو دباس وان دباس معه ..(ونفس الطريقه) ..ذكاه وطش راسه عند ابوه يباه يشفي غليله.....
الوكاد يوم ابطى الثاني وهم يرسلون ثالث......ولا بقى الا اكبرهم واللي ادون منه.....ويوم ابطى الثالث ....وجا كبيرهم بيرسل الرابع ...قال الرابع
ان جيتكم علمتكم بالعلم وان ماجيتكم ترى العلم عند دباس...وراح ولا عاد جا....ويوم ابطا وكبيرهم يلمم عفشه يبا المسرا والحياه......ويوم تباطاه دباس عرف انه بينحاش..وهو يلحقه ويجيب راسه...