المساعد الشخصي الرقمي

مشاهدة النسخة كاملة : أبرك الحزات لاشفت المقاطي في فضيّة ..!!

زبن الدخيل
29-Feb-2008, 01:37 AM
أبرك الحزات لاشفت المقاطي في فضيّة = ينشرح صدري واعجّل من على الصفحة أنادي ..!!
قالو انه كاتبٍ في مسابقة ارضٍ خليه = مار انا ماشفت شيٍ كاتبه سقم المعادي ..!!
خالد المقاطي
29-Feb-2008, 01:55 AM
ارحب مليوووون يازبن الدخيل :)

دوبي انتبهت !!

الله الله



لا قريت اسمك يجي فالراس طنخه صيرميه = ياعسى قسمك منه وافر .. كما حد الهنادي !!
الرجال اهل الفعل يكفون والذمه بريه = مانبا نقطع نصيب القوم .. واتعب جوادي !!
زبن الدخيل
29-Feb-2008, 02:06 AM
البقااا
واستلم يابن العم


عادة .. لجدودنا ناقف وتاخذنا الحمية = من زمان اخوان جوزا وابن هندي والفهادي ..!!
الرجال تسد مار انته بيوتك عالمية = مالحقك ابها ولايلحقك شك وانتقادي ..!!
معجب العتيبي
29-Feb-2008, 02:22 AM
الله الله

زبن الدخيل مبدع وبدايه رائعه مليئه بالاستدراج


وخالد المقاطي شاعر يجيد التعامل مع هذا النوع من الاستدراج

متابع للأبداع
خالد المقاطي
29-Feb-2008, 02:24 AM
زان من بيني وبينك سوق حلو الشاذليه = اقلطو للكيف قدم الكيف لك عود وقنادي !!
كل رجلً له ميوله .. في صباح وفي عشيه = واما انا شفي .. يابن عمي بوادي غير وادي !!
زبن الدخيل
29-Feb-2008, 02:25 AM
معجب الروعة مرورك
نقدر لك متابعتك
خالد المقاطي
29-Feb-2008, 02:28 AM
معجب العتيبي




ارحب مليوووووون .. لاخليت منك يابعدي ..


مرورك محل اعتزاز يالذيب











اخوك ::
زبن الدخيل
29-Feb-2008, 02:34 AM
وزان مابيني وبينك سرد هاذيّه وذيّه = العلوم اللي تسر وتبهج اصدور العبادي ..!!
لاتحكّم واتفلسف .. شفت يازبن الونية = القطامي مايخيّر في اصطياده والهدادي ..!!
خالد المقاطي
29-Feb-2008, 02:46 AM
فلسفه هاه :) هين هين



الله الله


( سامح الله من قصدني واعتمدني بالخطيه ) = بيت ابو فيصل واعيده جاء مجاله في بلادي !!
الحرار الشقر : ماترضى حمامتً شجيه = ماتفهم فالحرار الشقر يااحمد نجادي !!
زبن الدخيل
29-Feb-2008, 02:57 AM
ورنا يااأبوفيصل :)


خل عنك اللي تقول وخل عنك العنجهية = ماتقلبها علي ولايجي فيها ارتدادي ..!!
الحرار الشقر من فوقك يابن مكرز عليّه = وانت ماتعرف حرار البيد من جمع الحنادي ..!!
قادح شرار
29-Feb-2008, 02:58 AM
زبن الدخيل , خالد المقاطي : صحت ألسنتكم , وإبداع لايوصف .


تابعوا ...... ومتابع يا عيال العم .




أخوكم/قادح شرار.
زبن الدخيل
29-Feb-2008, 03:01 AM
قادح شرار \\

متابعتك شرف ,,

والإبداع مرورك على المتصفح ..

صح قلبك وكلك .. :)
خالد المقاطي
29-Feb-2008, 03:14 AM
:)

الله الله .. يالذيب تدقيقه ومعودلك :)




لو نفخنا جمره الغليون .. بتصير الضحيه = طيعني منته خصيمي .. قبل نعلنها حدادي !!
اثر بعض القوم فيها صار عله باطنيه = سرع مايبحث خفاها .. يحسبني شي عادي !!
زبن الدخيل
29-Feb-2008, 03:22 AM
أخذ الوقت كله يالبى كلك :)


لونخفتو جمرة الغليون .. منها ماعليّه = والله اني لرجع الغليون في عينك رمادي ..!!
واثر راس القوم جايلّه عراض (المالطية) = لابغيت اسنده حدّر ولافاد السنادي..!!
خالد المقاطي
29-Feb-2008, 03:42 AM
عدنا من جديد :(

الله الله



قلتها من جهل .. ماتدري بأن النار حيه = مار ناري مادخل في جوفها غار الجرادي !!
والله ان الراس شامخ .. مقدمً في كل هيه = يوم اشوفك ماتميز فالبياض من السوادي !!
زبن الدخيل
29-Feb-2008, 03:51 AM
مالحقني جهل ياللي في زمان الجاهلية = وابك انا مهندس والي في دوري التعليم نادي ..!!
السلام اختام .. واضرب لاجل تقديرك تحية = واحمد الله يوم جاريتك وحققلي مرادي ..!!
زبن الدخيل
29-Feb-2008, 03:52 AM
خالد المقاطي :
صح لسانك يبن العم ..
سعدت بمجاراة شاعر ..
بحجمك تقبل وافر الحب ..
اخوك زبن الدخيل ..
خالد المقاطي
29-Feb-2008, 04:04 AM
تشرفت انا والله في مجاراتك يامجرم :)

واسمحلنا على القصور يالذيب .. استاذ يعلم الله






العوامر ماتباهم .. عشق ليلى العامريه = جعل قسمي معك .. يبن الناس يارجال زادي !!
اجمل التقدير منا .. تقفل خيوط القضيه = والخطيه بيننا .. مايمها شربً وزادي !!
العود أبو موس
29-Feb-2008, 04:42 AM
ينصر دينكم

هذا السهل الممتنع .

زين الدخيل , وخالد المقاطي

ثنائي أصيل

أفضل بكثير من محاورات اللي كنها هوشات ( توم وجيري) في أفلام كرتون .

نعم
في هالمتصفح يوجد شعر .
نواف العصيمي
29-Feb-2008, 10:15 AM
الله الله الله

إبداع × إبداع

صح لسانك يا زبن وياخالد

:)

إبداع

.

5 نجوم

ولكم التقدير والإحترام
مرزوق حمدان العتيبي
29-Feb-2008, 10:19 AM
...
.
محاوره من طراز فريد ...
..
لاهنت يازبن الدخيل .. ولاهنت ياخالد ...
زبن الدخيل
29-Feb-2008, 10:58 AM
أبوموس المروحي
ياهلا والله ومسهلا ..
يعلم الله اني لابدعت ..
أحسب حساب ردك وانتقادك ..
أثلجت الفؤاد باأطرائك ومتابعتك ..
زبن الدخيل
29-Feb-2008, 11:00 AM
نواف العصيمي ياهلالا ببن منصور ..
أنرت المتصفح ياغالي صح بدنك
والابداع مرور توقيعك ..
كل الحب
زبن الدخيل
29-Feb-2008, 11:01 AM
مرزوق حمدان ..
مجرد وجود هامة شعرية ..
ومروره على المحاورة ..
تعتبر بحد ذاتها اكبر شهادة ..
لي بتفوقي ومقدرتي ..
هنيئا لي بمرورك
خالد المقاطي
29-Feb-2008, 12:59 PM
قادح شرار



العود ابو موس



نواف العصيمي




مرزوق العتيبي









مروركم محل اعتزاز .. وحافز لتقدم والابداع








اخوكم :






..
نايف بن ملحق الثعلي
29-Feb-2008, 05:08 PM
زبن الدخيل صح السانك
نايف بن ملحق الثعلي
29-Feb-2008, 05:09 PM
زبن الدخيل صح السانك

خالد المقاطي صح السانك

يعطيكم العافيه

محاوره رائعه
خالد المقاطي
29-Feb-2008, 10:58 PM
نايف الروقي




صح كلك




اخوك ::\
بارود عازمي
01-Mar-2008, 11:22 AM
لاهنت يازبن الدخيل .. ولاهنت ياخالد ...